LUKAS 17:14 - BALA LUK DO'

¹⁴ Kareb Yésus nenier nedeh, idi Ieh nepebala kuandeh, “Amé' muyuh mada' burur muyuh siren lun imam-imam.” Idi uned ideh nalan, idi ideh nedo' peh.

LUKAS 17:14 Iomraidhean Croise

RACA'-RACA' LUK KEDUEH 5:14

Ngaceku ineh Naaman netemurun idi nunub bang Abpa' Yarden macing tudu' kua', maya' kudeng bala Elisa ineh. Idi bururneh nepetuneb kudeng luk pun-pun, mepad kudeng burur anak adi'.

YESAYA 65:24

Kareb nateh ideh mangeh sembayangdeh Negku, Ui ngua' putuhdeh.

MATIUS 3:15

Iamo' kebala Yésus, “Aganeh nekini, ngaceku do' tau maya' amung-amung luk pian Allah.” Idi Yahya nemaya' balaNeh.

LUKAS 5:14

Idi Yésus neperiteteng neneh, “Aleg iko mala kuan seburur lemulun pana', iamo do' iko amé' mada' bururmu siren lun imam, idi maré luk barén mangun ku liganmu, maya' kudeng luk icuk Musa, pad ngegala' kuan lun mula' ratnan iko pangeh nedo'.”

YAHYA 11:10

Iamo' kudeng ieh nalan kareb medacem, kali' rungen ieh matuk, ngaceku acang ineh na idi bang neneh.”

YAHYA 2:5

Idi tinanNeh nepebala inan amung-amung demulun, “Nganau' muyuh anun-anun luk dukenNeh nemuyuh.”

YAHYA 9:7

idi nepebala neneh, “Amé' iko sibaru' déi' bang Takung Siloam!” (Ilung Siloam bang buri' Iberani, ieh ineh “Icuk.”) Idi ieh iné' sibaru', idi nelemubed dengan matehneh nedo.’