LUKAS 16:9 - BALA LUK DO'

⁹ Idi teh kebala Yésus, “Ui pebala nemuyuh: nganau' lun rurum kuan burur muyuh sebuleng dengan binaweh tana' ini luk na matu ineh; idi kareb binaweh tana' ini metutu' rat nemuyuh, muyuh miak lapen amé' bang ruma' luk meruked.

LUKAS 16:9 Iomraidhean Croise

NANI UBUR 73:26

Niat idi terawéku mepanu' ku geregan; Allah ineh tuehku. Ieh mo' luk pianku ruked-ruked!

BALE' 14:24

Lemulun luk mileh uen ngua' ku binaweh, iamo' lemulun luk mebacé ngegala' bacéneh.

BALE' 19:17

Kareb iko maré kuan lun masi', ieh ineh mepad kudeng kebiten Tuhan, ngaceku Tuhan ngua' luk birému ineh.

BALE' 23:5

Usinmu saget mabud, idi temulud mepad kudeng kanui.

LUN LUK MADA' 11:1

Do' pepua' ku binawehmu déi' bawang baken, idi muci iko miak ngalap utung.

YESAYA 57:16

Ui nemaré ulun kuan pupuKu, idi Ui na pian ngadu' nedeh idi museh nedeh ruked-ruked.

DANIEL 4:27

Ngaceku ineh, O raca', do' iko maya' bada'ku. Ugka' nganau' sala', idi nganau' luk matu; méi' kuan lun masi', pad iko uren ratnan amung-amung dat luk pangeh inau'mu, idi iko miak uen ngeperuan peh.”

MATIUS 19:21

Kebala Yésus neneh, “Kudeng iko sikal mangun meriput, muli' iko, masui binawehmu, maré kuan lun masi', pad iko ngalap binaweh déi' surga: idi amé' maya' Negku.”

MATIUS 6:19

“Aleg nganug binaweh bang tana' ini, su luk inan kutang idi tugor luk ngerapuk neneh, idi lun mano luk ngurak ruma' idi mano.

MATIUS 6:24

“Na selemulun luk miak ngakem kuan dueh tuan' ngaceku na miak na seburur inanneh megateh idi luk baken ineh inanneh mawa, idi ieh lutep inan seburur idi megateh inan seburur. Muyuh na miak mangun ku demulun Allah, idi demulun binaweh tana' ini teh.

LUKAS 11:41

Iamo' maré kuan lun masi' anun-anun luk bang sangkir idi bigan muyuh, idi luk amung-amung miak meligan kuan muyuh.

LUKAS 12:33

Do' muyuh masui binaweh muyuh idi maré kuan lun masi'. Idi nganau' kuan burur muyuh kapil-kapil luk na miak melu, idi ngamung binaweh muyuh déi' surga, ieh ineh su luk inan lun mano na semuet, idi kutang na miak kuman.

LUKAS 14:14

idi samal kuanmu teh, ngaceku na luk idi anun-anun luk inandeh miak ngua' namu; ngaceku iko miak uen ngua' kareb aco tui lemulun luk matu.”

LUKAS 16:11

Kudeng muyuh na lutep niat ngimet binaweh tana' ini, idéké luk merapet nemuyuh ratnan binaweh luk matu?

LUKAS 16:13

“Na luk idi seburur demulun miak ngakem kuan dueh tuan, ngaceku na miak na seburur inanneh megateh idi luk baken ineh inanneh mawa, idi ieh ngimet meraben dengan seburur idi ngedat luk baken. Idi muyuh na miak mangun ku demulun Allah idi demulun usin.”

LUKAS 16:4

Nekini ui kali' anun luk miak ruenku kareb ui pangeh tila' ratnan kekamen ngasa' binaweh ini pad ui miak lapen semuet bang ruma' lun baken.’

KEKAMEN RASUL-RASUL 10:31

idi kebalaneh, ‘O Kornilius, sembayangmu pangeh ilap idi éi'mu pana' tirawé Allah.

KEKAMEN RASUL-RASUL 10:4

Idi ieh nenier melaikat ineh dengan matot, kebalaneh, “Anun idi, O Tuhan?” Idi kebala melaikat neneh, “Amung sembayangmu idi éi'mu pangeh kali' Allah mangun ku aceh terawé pa kiungNeh.

2 KORINTUS 4:17

Idi susa' kai luk meran idi segageh mo', nguit nekai macing nan ubur luk meluun rayeh idi meruked,

YAHUDA 1:21

Do' matar burur muyuh bang awa Allah, idi nganét éi' Tuhan tau Yésus Keristus luk maré ulun luk meruked nemuyuh.