LUKAS 16:3 - BALA LUK DO'

³ Idi keburi' lun luk ngasa' binawehneh ineh bang niatneh, ‘Anunké luk miak ruenku? Ngaceku tuanku nala' negku ratnan kekamen ngasa' binaweh ini? Idi ngukat tana' ui na metueh, idi mutuh usin mo'-mo' pana' ui migu'.

LUKAS 16:3 Iomraidhean Croise

ESTER 6:6

Haman nesemuet, idi kebala raca' neneh, “Inan seburur lemulun luk ui pian uen ngedita'. Anunké luk petulu ruenku kuan lemulun ineh?” Idi Haman nengerawé, “Idéké luk belén raca' uen ngedita' lek? Kali' rungen ui lek.”

BALE' 13:4

Na tu lemulun luk mekupé ngalap luk pianneh. Lemulun luk megéi', ngalap amung-amung luk pianneh.

BALE' 15:19

Lemulun luk mekupé megéi' inan susa', iamo' lemulun luk matu na inan susa'.

BALE' 18:9

Lemulun luk mekupé ngakem, mepad kudeng lemulun luk ngusag kekamen dulun.

BALE' 19:15

Kudeng iko mekupé idi rudap kidi-kidi, kali' rungen iko melau.

BALE' 20:4

Lemulun luk mekupé pad ieh na ngeradu lati'neh bang kareb luk petulu, na luk perinien.

BALE' 29:21

Kudeng iko maré kuan demulunmu anun-anun luk pianneh, rat kareb ieh isuut, muci ieh miak ngalap amung binawehmu.

YESAYA 10:3

Anunké luk ruen muyuh kareb Allah ngukum nemuyuh? Anunké luk ruen muyuh kareb Ieh ngacing susa' kuan muyuh rat bawang luk mado? Amé' mutuh pedengan nidé muyuh? Iapeh inan muyuh ngapung binaweh muyuh?

YEREMIA 5:31

Idi amung-amung nabi mebalih; imam-imam merapet inan ilehdeh sebuleng; idi ini luk petulu dengan pinian pupuKu. Idi anunké ruendeh kareb kekipedneh?”

HOSIA 9:5

Idi anunké luk miak ruendeh kareb aco irau luk litep Tuhan?

MATIUS 20:8

“Idi kareb malem aco, tuan kabun ineh nepebala inan lun matar kabunneh, ‘Do' nawar lemulun luk pangeh nengakem, idi maré tabpardeh, ngimun ratnan lemulun luk muci pad macing nedeh luk atun.’

MARKUS 10:46

Idi ideh nacing déi' Yeriko. Kareb Yésus nenalan rat Yeriko dengan anak-anak sekola'Neh idi pelaba ula' lemulun nemaya' nedeh, idi inan aceh anak Timius, luk ngadan Bartimius luk mebuser, tudo iring dalan mutuh usin.

LUKAS 12:17

Idi ieh nengerawé bang niatneh, keterawéneh, ‘Na luk inanku nganug amung-amung padéku. Anunké luk miak ruenku?’

LUKAS 16:2

Idi tuan ineh nenawar neneh, idi kebalaneh, ‘Anunké luk pindengerku ratnan iko luk inadu' lun? Maré negku nekini aceh surat luk ngegala' ratnan binawehku luk bang paladmu, ngaceku na iko miak mangun ku lun ngasa' binawehku peh.’

LUKAS 16:20

Inan teh seburur lun masi' luk mebaké, ngadanneh Lasarus, telubid munung tanga' lun do' ineh.

LUKAS 16:22

Idi na mio ratnan ineh lemulun luk mutuh usin ineh pana' naté idi inuit melaikat amé ni Ibrahim. Idi lun do' ineh pana' naté teh, idi ieh tinanem.

LUKAS 16:4

Nekini ui kali' anun luk miak ruenku kareb ui pangeh tila' ratnan kekamen ngasa' binaweh ini pad ui miak lapen semuet bang ruma' lun baken.’

LUKAS 18:4

Idi tuda'-tuda' io lun luk mutut besara' ineh na sikal, iamo' kekipedneh ieh ngerawé bang niatneh, ‘Sagan pana ui na matot inan Allah idi na ngerawé lemulun,

YAHYA 9:8

Idi keburi' lun bang bawangneh idi lun baken pana' luk nekali' neneh atun mutuh mo', “Bakenké ieh ini lun luk tudo mutuh mo'?”

KEKAMEN RASUL-RASUL 3:2

Idi inan selemulun luk meliai rat bang batek tinanneh luk binirir lemulun; idi inau'deh anid-anid aco tudo munung tanga' Ruma' Allah luk titen Tanga' luk Do', pad mutuh mo' rat nelun luk nesemuet bang Ruma' Allah ineh.

KEKAMEN RASUL-RASUL 9:6

Tumui iko idi semuet bang bawang, idi déi' iko miak ninger ratnan anun-anun luk ruenmu.”

2 TESALONIKA 3:11

Kai mala kudeng ineh ngaceku kai ninger ratnan tuda'-tuda' burur arang muyuh luk mekupé. Na ideh ngakem, iamo' semuet bang gayam lun baken mo'.