LUKAS 16:25 - BALA LUK DO'

²⁵ Iamo' kebala Ibrahim, ‘O anakku, do' ngerawé, iko pangeh nengalap luk do' kareb iko mulun, idi Lasarus ini nengalap dereh; iamo' nekini ieh inubuk peh, iamo' iko pidereh peh.

LUKAS 16:25 Iomraidhean Croise

AYUB 22:18

Iamo' Allah luk nenganau' nedeh mangun ku lun do'— ui na kali' terawé lemulun luk dat.

NANI UBUR 17:14

ieh ineh lemulun luk ngalap luk piandeh bang tana' ini. Ngukum nedeh dengan dereh luk dinugMu kuandeh. Do' anak-anakdeh idi mupundeh ngalap petap dereh teh!

NANI UBUR 49:11

Tanemdeh mangun ku ruma'deh ruked-ruked, idi ideh miak tudo su ineh kidi-kidi, sagan pana' ideh inan babpat tana' atun.

NANI UBUR 73:7

Niatdeh ngeruat luk dat, idi terawédeh pana' mepanu' ku luk dat.

TIDO YEREMIA 1:7

Yerusalim ngerawé uburneh luk mon, kareb nateh ieh inusag. Kareb ieh nebpeh bang palad bunu'neh na luk ngedengan neneh. Lun luk nengelaya' neneh meriruh ku ebpehneh.

DANIEL 5:30

Idi dacem ineh Belsasar, raca' Babil ineh pinaté.

MATIUS 27:63

keburi'deh, “O Tuan, kai ngerawé bala lun naluk ineh kareb Ieh mulun, keburi'Neh, ‘Pangeh teluh aco idi Ui sikal tumui teh.’

MARKUS 9:45

Idi kudeng kukudmu ngesabeng namu, do' nangal neneh, ngaceku meluun do' iko semuet bang ulun luk meruked dengan kukud luk sebuleng ratnan iko talan bang takung apui dengan kukud luk dueh.

LUKAS 16:20

Inan teh seburur lun masi' luk mebaké, ngadanneh Lasarus, telubid munung tanga' lun do' ineh.

LUKAS 16:23

Ieh pelaba dereh bang Su luk inan Até, idi ieh netukag, idi nenier Ibrahim luk mado idi Lasarus iringneh.

LUKAS 16:26

Idi teh arang muyuh dengan kai inan aceh lubang luk rayeh, pad lemulun rat ieni luk sikal amé' déi' na miak, idi lemulun rat déi' pana' na miak guta amé' nekai.’

LUKAS 6:24

“Iamo' mesusa' kuan muyuh luk lun do' nekini; ngaceku muyuh do' udeng bang tana' ini!

YAHYA 16:33

Ui nemala amung ini kuan muyuh, pad muyuh mawang niat bang Negku. Bang tana' ini muyuh medereh; iamo' do' muyuh mekuu'. Ui pangeh metueh ratnan tana' ini.”

KEKAMEN RASUL-RASUL 14:22

Didueh nengepicet anu lun manu ineh, idi nengecuk nedeh lutep bang anu, kebala didueh, “Idi na miak na tau medereh semuet bang Imet Allah.”

SURAT LUK BIRE PAULUS KUAN LUN RUM 8:7

Lemulun luk ngerawé maya' pinian burur pebunu' dengan Allah, ngaceku na maya' ukum Allah, idi na tu-tu miak.

BADA' RATNAN UKUM 28:17

“Tuhan ngediman padému idi téngmu.

PILIPI 3:19

Idi kekipeddeh bang apui, idi batekdeh mangun ku akang kuandeh, idi anun-anun luk inan migu' mangun ku rayeh kuandeh, idi ideh luk ngerawé ratnan kekamen tana' ini.

1 TESALONIKA 3:3

pad muyuh na lemubed ngaceku dereh ini. Muyuh sebuleng kali' amung dereh ineh mangun ku sebabpat luk pian Allah kuan tau.

IBERANI 11:25

Ieh meluun pian ku dereh pad-pad dengan pupu Allah ratnan awang luk macing ratnan sala' idi luk segageh mo' kinioneh.

1 YAHYA 2:15

Aleg muyuh mawa ku tana', idi amung-amung uangneh teh. Kudeng idé lemulun mawa ku tana', idi awa Taman ineh na idi bang neneh.

BALA LUK LINIO 7:14

Idi keburi'ku neneh, “Na kali'ku. Iko luk kali' ratnan ineh.” Idi kebalaneh negku, “Ini lemulun luk neremuat ratnan susa' luk rayeh ineh. Ideh pangeh nemupu' kuyu'deh idi nengebuda' nedeh ku dara' Anak Dumba ineh.