LUKAS 16:24 - BALA LUK DO'

²⁴ Idi ieh nengitang, keburi'neh, ‘O tamanku Ibrahim! Méi' negku, idi ngecuk Lasarus amé' negku idi ngerereb paped bua' ticu'neh bang abpa', idi ngeteneb dila'ku ngaceku ui pelaba dereh bang apui ini.’

LUKAS 16:24 Iomraidhean Croise

AYUB 20:21

Kareb ieh kuman, na luk ketecan, iamo' nekini do'neh mabud.

YESAYA 27:11

Angat-angat kayuh metekering idi neputul. Idi decur nengalap ineh ku kayuh apui. Ngaceku pupu ineh na kali' anun-anun, idi Allah luk nemudut nedeh na méi' nedeh.

YESAYA 66:24

“Idi kareb ideh remuat ideh miak kali' butung lemulun luk sikal metueh rat Negku. Uled luk kuman nedeh na miak maté, idi teh apui luk ngeseb nedeh pana' na miak maté. Amung lemulun megileg nier nedeh.”

SEKARIA 14:12

Tuhan miak ngacing aceh ét luk pelaba bura' kuan amung pupu luk munu' Yerusalim. Uangdeh miak melu kareb ideh tuped pana'. Ideh teh matehdeh idi dila'deh miak melu.

MATIUS 25:41

“Idi Ieh pebala kuan lemulun luk pa kabingNeh, ‘Buro rat Negku, O muyuh luk binulung, idi semuet bang apui luk meruked, luk tinina' kuan Iblis dengan melaikat-melaikatneh!

MATIUS 3:9

Idi aleg muyuh ngerawé bang niat muyuh, ‘Ibrahim ineh taman tau,’ ngaceku ui pebala nemuyuh, Allah melalud ngisu' batu-batu ini mangun ku inul Ibrahim.

MATIUS 5:22

Iamo' nekini Ui pebala nemuyuh: idé-idé luk museh inan kinanakneh, ieh miak iten amé' besara, idi idé-idé luk pebala nan kinanakneh, ‘Iko mebacé,’ ieh miak iten papu' lun luk rayeh; idi idé-idé luk pebala, ‘Iko meruden,’ ieh luk ngalap ua'neh bang apui.

LUKAS 16:30

Idi keburi' lun do' ineh, ‘Na ineh petap, O tamanku Ibrahim, iamo' kudeng seburur lemulun rat arang lun naté amé' nedeh, kali' rungen ideh uren.’

LUKAS 19:9

Idi kebala Yésus neneh, “Bang aco sini ulun nacing kuan uang tetek ruma' ini, ngaceku lemulun ini teh luk iniap ku anak Ibrahim.

LUKAS 3:8

Do' muyuh ngeruat bua'-bua' luk petulu dengan uren, idi aleg muyuh ngimun pebala bang niat muyuh, ‘Ibrahim, ieh ineh tepun kai,’ ngaceku ui pebala nemuyuh, Allah melalud ngisu' batu-batu ini mangun ku anak-anak Ibrahim.

YAHYA 4:10

Idi kebala Yésus, ‘Kudeng iko kali' katu Allah idi idé Lemulun luk mutuh namu maré luk rupen, na miak na iko mutuh rat Neneh, pad Ieh maré abpa' luk mulun kuanmu.”

YAHYA 4:14

iamo' idé-idé luk ngirup abpa' luk barénKu neneh, na ieh miak meparing ruked-ruked, ngaceku abpa' luk barénKu ineh, miak mangun bang bururneh ku aceh bued abpa' luk manud macing inan ulun luk meruked.”

YAHYA 7:37

Aco luk kekiped bang irau ineh, ieh ineh aco luk meluun rayeh. Bang aco sineh Yésus netuped idi nengitang, kebalaNeh, “Kudeng idé lemulun luk meparing, do' ieh macing Negku idi ngirup.

SURAT LUK BIRE PAULUS KUAN LUN RUM 4:12

Idi teh ieh mangun ku taman lemulun luk sinunat ineh pana', baken ngaceku ideh sinunat mo', iamo' ngaceku ideh mulun dengan anu mepad kudeng taman tau Ibrahim, kareb ieh nateh sinunat.

2 TESALONIKA 1:8

dengan apui luk mebudung, pad ngua' kuan amung-amung lemulun luk na miti Allah, idi kuandeh luk na sikal maya' Bala luk Do' ratnan Tuhan tau Yésus.

YAKUB 2:13

Ngaceku Allah na méi' kareb Ieh ngukum lemulun luk na méi'; iamo' éi' ineh meluun rayeh ratnan ukum.

YAKUB 3:6

Idi dila' ineh sebuleng apui. Idi rat arang amung-amung babpat uang tau dila' ineh aceh tana' mepanu' ku luk dat. Ieh miak ngeraruh amung-amung burur, idi miak ngeseb amung-amung ulun tau, idi ieh sebuleng pana' miak sabpen bang apui.

BALA LUK LINIO 19:20

Idi pung ineh pana' kikem pad-pad dengan nabi luk mebalih luk pangeh nenganau' tuda'-tuda' tanu' luk nan mawa pa kiungneh. (Idi dengan tanu'-tanu' ineh ieh nengeraruh lemulun luk inan etu pung ineh, idi luk pangeh sembayang inan akangneh.) Didueh ineh tila' dengan mulun bang takung apui luk mebudung ku batu apui.

BALA LUK LINIO 20:15

Kudeng idé-idé luk na luk idi ngadanneh inayud bang surat ulun ineh, idi ieh pana' tila' bang takung apui ineh.

BALA LUK LINIO 22:1

Melaikat ineh nemada' sirenku aceh bued abpa' luk panu' ku abpa' luk mulun, mesor mepad kudeng gelas luk pelaba' do', luk manud remuat ratnan kerusi Allah idi Anak Dumba ineh.

SEMUIL LUK PUN-PUN 28:16

Idi kebala Semuil, “Ngudeh iko ngitun negku? Ngaceku Tuhan pangeh nenecan namu idi pangeh mangun ku bunu'mu.