LUKAS 16:23 - BALA LUK DO'

²³ Ieh pelaba dereh bang Su luk inan Até, idi ieh netukag, idi nenier Ibrahim luk mado idi Lasarus iringneh.

LUKAS 16:23 Iomraidhean Croise

NANI UBUR 16:10

Ngaceku Iko matar negku ratnan lalud até', idi na Iko nima' lemulun luk inanMu mawa amé' su luk inan até.

NANI UBUR 49:15

Iamo' Allah miak ngulun negku; idi ngalap negku ratnan lalud até.

NANI UBUR 86:13

Pelaba rayeh awaMu luk lutep kuanku! Iko pangeh nengulun negku ratnan até.

NANI UBUR 9:17

Kekiped lemulun luk dat, ieh ineh até, ngaceku ideh ara' inan Allah.

BALE' 15:24

Lemulun luk mileh mudik maya' dalan ulun, na ieh remuru maya' dalan até.

BALE' 5:5

Ieh nguit namu amé' su luk inan até; dalanneh macing inan até.

BALE' 7:27

Kudeng iko umak ruma'neh, idi iko petacu amé' su luk inan até.

BALE' 9:18

Iamo' ideh na kali' lemulun luk amé' déi' maté, idi lemulun luk pangeh numak pangeh iné' su luk inan até.

YESAYA 14:15

Iamo' iko inau' mebeneh macing bang su luk inan até, ieh ineh bang lubang luk pelaba dalem.

YESAYA 14:9

“Su luk inan até netemina' ngalap raca' Babil. Roh lemulun luk inan lalud bang tana' ini sigio su ineh. Roh raca'-raca' tumui rat luun kerusideh.

MATIUS 11:23

Idi iko, O Kapernaum, pian uen ngedita' macing langit? Iamo' iko miak temurun macing inan até', ngaceku kudeng kekamen luk melalud luk inau' bang namu pangeh inau' déi' bawang Sodom, kali' rungen ieh idi macing aco sini.

MATIUS 18:9

Idi kudeng matehmu ngesabeng namu, do' nakul neneh, idi talan rat namu, ngaceku meluun do' iko semuet bang ulun dengan mateh luk sebuleng ratnan iko talan bang apui dengan mateh luk dueh.

MATIUS 23:33

Muyuh menipeh idi inul menipeh, kudeng apehké muyuh mepuit ratnan ukum apui?

MATIUS 5:22

Iamo' nekini Ui pebala nemuyuh: idé-idé luk museh inan kinanakneh, ieh miak iten amé' besara, idi idé-idé luk pebala nan kinanakneh, ‘Iko mebacé,’ ieh miak iten papu' lun luk rayeh; idi idé-idé luk pebala, ‘Iko meruden,’ ieh luk ngalap ua'neh bang apui.

MATIUS 5:29

Kudeng matehmu pa tinueh ngacing sala' kuanmu, do' nakul neneh, idi talan rat namu; ngaceku meluun do' sebabpat bururmu maté ratnan amung babpat bururmu talan bang apui.

MATIUS 8:29

Idi didueh nengitang, keburi' didueh, “Anunké luk pianMu nekai, O Anak Allah? Iko macing sikal ngedereh nekaiké kareb nateh tarekneh macing?”

LUKAS 16:24

Idi ieh nengitang, keburi'neh, ‘O tamanku Ibrahim! Méi' negku, idi ngecuk Lasarus amé' negku idi ngerereb paped bua' ticu'neh bang abpa', idi ngeteneb dila'ku ngaceku ui pelaba dereh bang apui ini.’

LUKAS 16:28

ngaceku ui inan limeh kinanak deléi; do' ieh maré kali' kuandeh, pad ideh na miak semuet bang dereh ini.’

LUKAS 8:28

Kareb ieh nenier Yésus, idi ieh nengitang idi netekeradung pa kiungNeh, kebalaneh, “Anunké luk pianMu negku, O Yésus Anak Allah luk Meluun Dita'? Ui mutuh, aleg Iko ngedereh negku.”

1 KORINTUS 15:55

“O até, iapehké tuehmu? O até, iapehké galihmu?”

2 PETRUS 2:4

Allah na méi' kuan melaikat-melaikat luk nenganau' sala', luk tila'Neh bang apui idi kiling bang lubang luk medacem pad Ieh ngacing ukum kuandeh.

BALA LUK LINIO 20:10

Idi Iblis luk nengeraruh nedeh pana' tila' bang takung apui idi batu apui ineh, su luk inan pung idi nabi luk mebalih ineh pangeh tila', idi ideh uen ngedereh tebaco kedangan macing ruked-ruked.