LUKAS 16:22 - BALA LUK DO'

²² Idi na mio ratnan ineh lemulun luk mutuh usin ineh pana' naté idi inuit melaikat amé ni Ibrahim. Idi lun do' ineh pana' naté teh, idi ieh tinanem.

LUKAS 16:22 Iomraidhean Croise

AYUB 21:13

Ideh do' udeng ruked ulundeh, idi ideh maté dengan na luk mét.

BALE' 14:32

Lemulun luk dat mebpeh ngaceku kekamenneh luk dat, iamo' lemulun luk do' uen matar ngaceku do'neh.

LUN LUK MADA' 8:10

Mo, ui pangeh nekali' lemulun luk dat tinanem. Idi arang dalan kareb ideh muli' rat lengutan, lemulun luk dat ineh buren bang bawang su luk inandeh nenganau' datdeh. Iamo' na ulekneh.

YESAYA 14:18

Amung raca' tana' telubid bang tanemdeh luk pelaba do',

YESAYA 22:16

“Ngudeh iko kudeng ineh? Ngudehké iko nguer batu ku tanem luk pelaba do' kuan bururmu sebuleng déi' luun pegkung?

MATIUS 18:10

“Matar do'-do' idi aleg muyuh ngedat sebuleng rat arang anak-anak luk isuut ini; ngaceku Ui pebala nemuyuh, déi' bang surga melaikat-melaikatdeh nier kidi-kidi kiung TamanKu luk bang surga.

MATIUS 24:31

Idi Ieh sikal ngecuk melaikat-melaikatNeh dengan serupit luk rayeh uni, pad ideh ngamung lun luk pinili'Neh ratnan apat busat bui, ieh ineh rat iring langit pad macing iring selipa.

MATIUS 8:11

Ngerawé do'-do'! Inan mula' lemulun sikal amé' rat pa busat aco idi pa acep aco luk sikal tudo dengan Ibrahim, Isak, idi Yakub bang Imet surga.

MARKUS 8:36

Ngaceku anunké ulekneh kudeng selemulun ngalap amung-amung tana' ini, iamo' na ieh ngalap ulun luk meruked?

LUKAS 12:20

Iamo' Allah nepebala neneh, ‘O bacé! Malem ini teh ulunmu miak lapen rat namu; idéké luk ngalap amung binaweh luk dinugmu ineh?”

LUKAS 16:21

Idi ieh melili ku areg nuba' luk luun téng lun do' ineh; idi uko' pana' macing ngil bakéneh ineh.

YAHYA 1:18

Seburur pana' nateh luk nenier Allah iamo' Anak buleng ineh luk idi dengan Allah, idi luk tudo iring Taman, Ieh luk pangeh nengegala' Neneh.

YAHYA 13:23

Seburur rat arang anak-anak sekola' Yésus, ieh ineh luk inanNeh mawa, netudo iring Yésus.

YAHYA 21:20

Pétrus nelumi, idi nenier anak sekola' luk ina Yésus mawa maya' pa puetdeh, idi ieh ineh luk iné' muneng nan Yésus kareb irau malem idi nengitun, “Idéké luk miak masui Tuhan?”

IBERANI 1:14

Idéké melaikat-melaikat ineh? Bakenké amung-amung ini roh luk ngakem kuan Allah, luk icukNeh ngedengan lemulun luk ngalap ulun luk meruked, pad ideh miak ngasa' nedeh?

IBERANI 2:14

Ngaceku anak-anak ineh lemulun luk inan uang idi dara', Yésus pana' nengalap burur luk kudeng ineh, pad ratnan atéNeh Ieh miak nala' neneh luk ngimet lalud até, ieh ineh Iblis,

YAKUB 1:11

Ngaceku mateh aco ineh masat dengan pelaba lau', idi ngekarang uduh ineh, idi busakneh pana' merurug, idi taga busakneh pana' metutu'. Kudeng ineh teh lun do' pana' mekarang kareb ieh uned nganau' kekamenneh.

1 PETRUS 2:24

Keristus nemabeh amung-amung sala' tau bang bururNeh luun kayuh tepalang, pad tau pinaté kuan sala', idi mulun kuan luk matu. Idi ratnan uratNeh muyuh pangeh dino'.

BALA LUK LINIO 14:13

Idi ui neninger aceh arod rat bang langit luk nepebala, “Do' ngayud kudeng ini: Samal kuan lemulun luk pangeh naté, ieh ineh luk naté bang Tuhan rat pad sini!” “Matu,” kebala Roh ineh, “Ideh miak ucu' ratnan amung erurdeh; ngaceku kekamendeh luk do' maya' nedeh.”