LUKAS 16:2 - BALA LUK DO'

² Idi tuan ineh nenawar neneh, idi kebalaneh, ‘Anunké luk pindengerku ratnan iko luk inadu' lun? Maré negku nekini aceh surat luk ngegala' ratnan binawehku luk bang paladmu, ngaceku na iko miak mangun ku lun ngasa' binawehku peh.’

LUKAS 16:2 Iomraidhean Croise

MATIUS 12:36

“Ui pebala nemuyuh, kareb Aco Ngukum, lemulun miak mabeh anid-anid bala luk mo'-mo' luk remuat rat bang tangdeh.

MATIUS 20:8

“Idi kareb malem aco, tuan kabun ineh nepebala inan lun matar kabunneh, ‘Do' nawar lemulun luk pangeh nengakem, idi maré tabpardeh, ngimun ratnan lemulun luk muci pad macing nedeh luk atun.’

LUKAS 12:20

Iamo' Allah nepebala neneh, ‘O bacé! Malem ini teh ulunmu miak lapen rat namu; idéké luk ngalap amung binaweh luk dinugmu ineh?”

LUKAS 12:42

Idi kebala Tuhan, “Idéké demulun luk lutep idi mileh, luk ruen tuanneh ngecuk matar uang ruma'neh, pad mabpat luk kenendeh bang kareb luk petulu?

LUKAS 16:1

Kebala Yésus kuan anak-anak sekola' ineh, “Inan seburur lun do' luk inan selemulun luk ngasa' binawehneh; idi lemulun ineh inadu' lun baken inan tuanneh ngaceku nengebura' binaweh tuanneh.

LUKAS 16:3

Idi keburi' lun luk ngasa' binawehneh ineh bang niatneh, ‘Anunké luk miak ruenku? Ngaceku tuanku nala' negku ratnan kekamen ngasa' binaweh ini? Idi ngukat tana' ui na metueh, idi mutuh usin mo'-mo' pana' ui migu'.

SURAT LUK BIRE PAULUS KUAN LUN RUM 14:12

Ngaceku ineh, idi anid-anid burur tau na miak na ngor ratnan bururneh sebuleng kuan Allah.

1 KORINTUS 1:11

Ngaceku O kinanak-kinanakku, lun rat bang tetek ruma' Kloé pangeh nemada' negku ratnan muyuh pekedaluh.

1 KORINTUS 4:2

Idi luk petulu kuan lun ngasa', do' ieh lutep inan tuanneh.

1 KORINTUS 4:5

Ngaceku ineh aleg muyuh ngukum idé-idé pana' kareb nateh karebneh, ieh ineh kareb nateh Tuhan macing. Ieh miak ngegala' anun-anun luk inapung bang dacem, idi Ieh ngelio amung-amung pinian niat lemulun. Anid-anid burur miak ngalap ubur ratnan Allah.

2 KORINTUS 5:10

Ngaceku na miak na amung tau kumin pa atun kerusi besara' Keristus, pad anid-anid lemulun ngalap ua', maya' luk pangeh inau'neh bang ulunneh, do' kian dat lek.

1 TIMOTIUS 4:14

Aleg iko mekelupan baré luk ratnan Roh luk bang namu, luk pangeh biré kuanmu dengan bala luk ratnan Roh, kareb ticu' amung-amung lun rayeh sidang pangeh rireng luunmu.

1 TIMOTIUS 5:24

Sala' sebuang lemulun megala' kareb nateh lun baken ngia' nedeh, iamo' sala' sebuang lemulun megala' muci.

1 PETRUS 4:10

Do' ngasa' nelun baken maya' kinula' baré luk ilap anid-anid lemulun, mepad kudeng lun ngasa' luk lutep ngimet baré Allah.

1 PETRUS 4:5

Iamo' ideh na miak na maré or kuan Allah luk temina' sikal ngukum lemulun luk mulun idi luk naté.

BALA LUK LINIO 20:12

Idi ui nenier amung-amung lemulun luk naté, do' luk rayeh idi luk isuut pana', tuped pa atun kerusi ineh. Surat-surat pana' inukab; idi inan aceh surat luk baken inukab, ieh ineh surat ulun. Idi lun luk naté ineh inukum maya' kekamendeh luk inayud bang surat-surat ineh.