LUKAS 16:15 - BALA LUK DO'

¹⁵ Iamo' kebala Yésus nedeh, “Muyuh luk ngatu burur muyuh sebuleng pa kiung lemulun, iamo' Allah kali' niat muyuh; ngaceku anun-anun luk siren medita' pa kiung lemulun, na ulekneh pa kiung Allah.

LUKAS 16:15 Iomraidhean Croise

INUL LUK PUN-PUN 29:17

Ngaceku ui kali', O Allahku, Iko teh nutun niat lemulun, idi Iko teh pian ku niat luk matu. Idi dengan niat luk mawang idi matu ui pangeh nemaré amung binaweh ini. Idi nekini ui pangeh nenier pupuMu luk idi ieni nguit barédeh kuanMu dengan niat luk mawang idi meran.

INUL LUK KEDUEH 6:30

do' ninger sembayangdeh rat bang surga su luk inanMu tudo ineh, idi maré do' kuandeh. Iko mo' luk kali' niat lemulun. Do' ngua' kuan anid-anid lemulun maya' kekamendeh,

NANI UBUR 10:3

Lemulun luk dat mesido' ratnan pianneh luk dat, idi lemulun luk ucet nakap binaweh nguyo idi situnga nan Allah.

NANI UBUR 49:13

Siruh, luk mangun kuan lemulun luk merapet inan bururdeh sebuleng, idi kekiped lemulun luk mawang niat ngaceku do'deh.

NANI UBUR 49:18

Sagan pana' lemulun mawang niat ku ulunneh bang tana' ini, idi buren ngaceku ieh lun do',

NANI UBUR 7:9

Ngagka' kekamen lemulun luk dat, idi ngeperuan lemulun luk matu. Ngaceku Iko Allah luk matu, Iko ngukum terawé idi pian lemulun.

BALE' 16:5

Tuhan megateh inan lemulun luk medita' niat, idi kali' rungen ieh na puatin ratnan ukum.

BALE' 20:6

Mula' lemulun mada' bururdeh lutep idi inan merapet, iamo' idéké luk kali' lemulun luk inan merapet.

BALE' 21:2

Sagan tu pana' iko ngerawé kekamenmu matu, Tuhan luk nier terawé niatmu.

YEREMIA 17:10

Ui ini Tuhan nutun terawé idi niat lemulun. Ui ngukum anid burur lemulun maya' lawéneh idi luk ruenneh.”

MALAKI 3:15

Kai kali' lemulun luk medita' niat luk pelaba samal. Lemulun luk nganau' luk dat pana' inan peruan, idi ideh nutun Allah dengan kekamendeh luk dat dengan na susa'.’ ”

MATIUS 23:5

Iamo' amung-amung kekamendeh inau'deh siren lemulun; idi su luk inandeh nganug ayat-ayat luun madudeh idi luun langendeh pelaba rayeh, idi ideh nganau' ramoi luk rayeh balad iring kuyu'deh.

MATIUS 6:16

“Idi teh, kareb muyuh mawa', aleg tekedamut kiung mepad kudeng lun luk siayu, ngaceku ideh siisu' kiungdeh, pad lun baken ngerawé nedeh mawa'. Ngerawé do'-do'! Ideh pangeh nengalap tabpardeh.

MATIUS 6:2

“Ngaceku ineh kareb iko maré usin kuan lun masi', aleg iko ngiup serupit pa atunmu kudeng luk ruen lun luk siayu bang ruma' sembayang idi iring dalan, ngaceku piandeh buren dulun. Ngerawé do'-do'! Ideh pangeh nengalap tabpardeh.

MATIUS 6:5

“Kareb muyuh sembayang, aleg muyuh kudeng lun luk siayu! Ideh sikal tuped sembayang bang ruma' sembayang idi nan lisangen dalan, pad ideh miak siren dulun. Ngerawé do'-do'! Ideh pangeh nengalap tabpardeh.

LUKAS 10:29

Iamo' guru Ukum ineh sikal ngamo bururneh mesiri, idi keburi'neh kuan Yésus, “Idéké lun denganku ineh?”

LUKAS 11:39

Idi kebala Tuhan neneh, “O muyuh lun Parisi, luk maru' luun sangkir idi bigan, iamo' niat muyuh mepanu' ku pano' idi luk dat.

LUKAS 18:11

Lun Parisi ineh netuped idi nesembayang bang niatneh kudeng ini, ‘O Allah, ui maré ubur kuanMu, ngaceku ui baken kudeng lemulun luk baken, ieh ineh lemulun luk mano, lemulun luk na mesiri, lemulun luk pasét, idi lun luk ngamung usin pupuk ini pana'.

LUKAS 18:14

Idi Ui pebala nemuyuh, lemulun ini muli' imo Allah matu baken ratnan lun Parisi ineh; ngaceku anid-anid lemulun luk ngedita' bururneh miak uen ngebeneh; iamo' lemulun luk ngebeneh bururneh miak uen ngedita'.”

LUKAS 18:21

Idi keburi'neh, “Amung ini ui pangeh nemaya' rat kareb ui suut.”

LUKAS 18:9

Idi Yésus nemada' luk pinginud ini teh kuan tuda'-tuda' lemulun luk ngerawé bururdeh matu, idi luk nengebeneh lemulun baken.

LUKAS 20:20

Idi ideh nenganét aceh kareb luk petulu nuap tuda'-tuda' lemulun luk amé' nier, luk siayu mepad kudeng lemulun luk matu, sikal nuuk Yésus, pad ideh miak maré Neneh kuan lun rayeh idi lalud lun luk ngimet ukum.

LUKAS 20:47

idi luk muyok decur tinula' idi mano ruma'deh, idi luk siayu mekadang sembayang! Ukumdeh ineh meluun dat.”

YAHYA 2:25

Na ulekneh seburur pana' mada' Neneh ratnan lemulun, ngaceku Ieh sebuleng kali' amung-amung luk bang niatdeh.

YAHYA 21:17

Idi Ieh nengitun neneh luk keteluh kua', “O Simun, anak Yahya, mawaké iko Negku?” Idi Pétrus pana' mesusa', ngaceku pangeh teluh kua' Ieh nengitun neneh, “Mawaké iko Negku?” Idi keburi' Pétrus Neneh, “O Tuhan, Iko kali' amung-amung, idi Iko kali' idi ui mawa Namu.” Idi kebala Yésus neneh, “Do' iko maman dumba-dumbaKu.

KEKAMEN RASUL-RASUL 1:18

(Idi Yudas nengalap aceh babpat tana' dengan raga kekamenneh luk dat, su luk inanneh nebpeh mukit idi batekneh nebacit, pad tinéi'neh neremuat.

KEKAMEN RASUL-RASUL 1:24

Idi ideh nesembayang, kesembayangdeh, “O Tuhan, Iko luk kali' niat amung-amung lemulun, do' mada' rat arang dueh burur ini, idéké luk pinili'Mu,

KEKAMEN RASUL-RASUL 15:8

Idi Allah luk kali' niat lemulun nengegala' ratnan Ieh mawang niat nelun ineh, ngaceku Ieh nemaré kuandeh Roh Meligan mepad kudeng Ieh nemaré kuan tau.

SURAT LUK BIRE PAULUS KUAN LUN RUM 3:20

Ngaceku seburur pana' nateh luk ruen matu pa kiung Allah ratnan nganau' Ukum ineh. Iamo' ratnan Ukum Musa lemulun miak kali' ratnan sala'.

SURAT LUK BIRE PAULUS KUAN LUN RUM 8:27

Allah luk nier niat lemulun kali' anun-anun luk teruayen Roh ineh, ngaceku Roh ineh mutuh ratnan Allah kuan amung-amung lun manu maya' pianNeh.

1 KORINTUS 4:5

Ngaceku ineh aleg muyuh ngukum idé-idé pana' kareb nateh karebneh, ieh ineh kareb nateh Tuhan macing. Ieh miak ngegala' anun-anun luk inapung bang dacem, idi Ieh ngelio amung-amung pinian niat lemulun. Anid-anid burur miak ngalap ubur ratnan Allah.

1 PETRUS 3:4

Iamo' do' ayung muyuh mangun ku ayung luk bang niat, ieh ineh ayung luk na miak merapuk, ieh ineh niat luk mulai idi mebeneh, luk meraga pa kiung Allah.

1 PETRUS 5:5

Kudeng ineh teh, O muyuh lun luk anak adi', do' muyuh mebeneh ratnan lun rayeh-rayeh ineh. Idi do' amung-amung muyuh dengan niat luk mebeneh ngedengan seburur dengan luk baken, ngaceku “Allah sikal metueh ratnan lemulun luk medita' niat, iamo' Ieh maré katuNeh kuan lemulun luk mebeneh niat.”

BALA LUK LINIO 2:23

Idi Ui miak ngaté anak itinneh ku luk kadan, pad amung-amung sidang kali' ratnan Ui ini kali' terawé idi lili lemulun, idi Ui miak ngua' kuan muyuh maya' kekamen muyuh.

SEMUIL LUK PUN-PUN 16:7

Iamo' kebala Tuhan neneh, “Aleg iko nier taganeh, idi kidita'neh, ngaceku na ui nemili' neneh. Idi luk siren Tuhan baken kudeng luk siren lemulun. Lemulun nier luk siren mateh mo'. Iamo' Tuhan nier anun-anun luk bang niat.”