LUKAS 16:1 - BALA LUK DO'

¹ Kebala Yésus kuan anak-anak sekola' ineh, “Inan seburur lun do' luk inan selemulun luk ngasa' binawehneh; idi lemulun ineh inadu' lun baken inan tuanneh ngaceku nengebura' binaweh tuanneh.

LUKAS 16:1 Iomraidhean Croise

PUDUT 15:2

Idi kebala Abram, “O Tuhan Allah, anunké ulek tabparMu kuanku, ngaceku ui na anak? Idi Elieser lun Damsik ineh luk ngalap binawehku.

PUDUT 43:19

Idi ideh nepebala nan lemulun luk ngasa' ruma' Yusup, déi' munung tanga'.

INUL LUK PUN-PUN 28:1

Daud nengecuk amung-amung lun rayeh Israil mepamung déi' Yerusalim. Idi amung lun rayeh pupu, lun rayeh luk ngakem kuan raca', lun rayeh pupu-pupu idi lun rayeh luk ngasa' binaweh idi aya' raca' idi anak-anakneh, ieh ineh amung lun rayeh ruma' raca', lun rayeh baweh, idi lun luk mebala nepamung déi' Yerusalim.

BALE' 18:9

Lemulun luk mekupé ngakem, mepad kudeng lemulun luk ngusag kekamen dulun.

HOSIA 2:8

Na ieh nengamo' Ui ini luk nemaré padé, abpa' anggur, idi umau saitun neneh. Idi teh Ui nemaré mula' pirak idi amas neneh, iamo' ieh nemaré ineh kuan akang Baal.

MATIUS 20:8

“Idi kareb malem aco, tuan kabun ineh nepebala inan lun matar kabunneh, ‘Do' nawar lemulun luk pangeh nengakem, idi maré tabpardeh, ngimun ratnan lemulun luk muci pad macing nedeh luk atun.’

LUKAS 12:42

Idi kebala Tuhan, “Idéké demulun luk lutep idi mileh, luk ruen tuanneh ngecuk matar uang ruma'neh, pad mabpat luk kenendeh bang kareb luk petulu?

LUKAS 15:13

Na mio rat pangeh ineh, idi anak luk isuut ineh nengamung amung-amung binawehneh idi iné' bang bawang luk mado; idi déi' ieh nengebura' binawehneh dengan kekamen luk dat.

LUKAS 15:30

Iamo' kareb anakmu ini luk pangeh nengabud binawehmu ineh ku decur luk mesawa' nelemubed, idi iko nengeret anak sapi' luk melamu kuanneh.’

LUKAS 16:19

“Inan seburur lun do'; idi ieh ngayung ku kibung luk sia' merirem idi kibung luk mesalud, idi mulun dengan do' anid-anid aco.

LUKAS 16:2

Idi tuan ineh nenawar neneh, idi kebalaneh, ‘Anunké luk pindengerku ratnan iko luk inadu' lun? Maré negku nekini aceh surat luk ngegala' ratnan binawehku luk bang paladmu, ngaceku na iko miak mangun ku lun ngasa' binawehku peh.’

LUKAS 19:20

Idi luk baken iné' matun neneh, keburi'neh, ‘O tuan, ini sebalad amasmu, luk dinugku bang belaca.

LUKAS 8:3

idi teh Yohana awan Kusa lun luk ngasa' binaweh Herodés, Susana, idi mula' decur baken teh luk nengasa' Yésus idi anak-anak sekola'Neh ku binawehdeh sebuleng.

TITUS 1:7

Ngaceku lun rayeh sidang ineh ngasa' kekamen Allah idi na miak mesala'. Ieh na miak medita' niat, na malé museh, na mabuk, na pekedaluh, idi na melili ku binaweh bang tana' ini.

YAKUB 4:3

Idi muyuh mutuh, iamo' muyuh na miak ngalap, ngaceku putuh muyuh sala'. Muyuh mutuh luk ngawang niat muyuh sebuleng.

1 PETRUS 4:10

Do' ngasa' nelun baken maya' kinula' baré luk ilap anid-anid lemulun, mepad kudeng lun ngasa' luk lutep ngimet baré Allah.