LUKAS 15:6 - BALA LUK DO'

⁶ Kareb macing ruma'neh, idi ieh nawar lun rurumneh idi lun bang bawangneh, kebalaneh, ‘Do' muyuh mawang niat denganku, ngaceku ui pangeh nengalap dumbaku luk netutu' ineh.’

LUKAS 15:6 Iomraidhean Croise

NANI UBUR 119:176

Ui meraruh mepad kudeng aceh dumba luk netutu'; do' amé' nakap negku luk demulunMu, ngaceku na ui mekelupan amung ukumMu.

LUKAS 1:58

Idi lun bang bawangneh idi pupuneh neninger idi Tuhan pelaba éi' neneh; idi ideh pana' mawang niat denganneh.

LUKAS 15:10

Ui pebala nemuyuh, kudeng ineh teh melaikat-melaikat Allah mawang niat ngaceku seburur lemulun luk mesala' uren.”

LUKAS 15:24

Ngaceku anakku ini pangeh naté idi muli' mulun. Ieh pangeh neraruh, idi pangeh nelemubed.’ Idi ideh pana' nengimun do' ria'.

LUKAS 15:5

Kareb ieh ngalap neneh, idi ieh nganau' neneh luun tudungneh dengan mawang niat.

LUKAS 15:7

Idi Ui pebala nemuyuh, kudeng ineh teh awang luk déi' surga ngaceku seburur lemulun luk mesala' luk uren, meluun ratnan iwa' ngepulu' iwa' burur lemulun luk matu luk na susa' uren.

YAHYA 15:14

Muyuh ini lun rurumKu kudeng muyuh nganau' anun-anun luk dukenKu nemuyuh.

YAHYA 3:29

Deléi luk sikal ngaweh, ieh kuan decur ineh; idi lun rurum deléi luk sikal ngaweh ineh tuped iringneh, idi ieh pelaba awang niat ninger bala deléi ineh. Kudeng ineh teh ui ini nekini pelaba awang niat. Idi awangku meriput.

KEKAMEN RASUL-RASUL 11:23

Kareb ieh nacing idi nenier katu Allah, idi ieh mawang niat peh, idi ieh nemada' amung-amungdeh pad niatdeh lutep maya' Tuhan.

KEKAMEN RASUL-RASUL 15:3

Lun sidang ineh nenated nedidueh, idi kareb didueh nelemaba Punikia idi Samaria, idi didueh nemada' ratnan lun pupu baken pangeh nengalap Yésus. Bala ineh nengacing awang niat luk rayeh kuan amung-amung kinanak ineh.

PILIPI 1:4

Anid kua' ui sembayang kuan muyuh, ui sembayang dengan mawang niat,

PILIPI 2:17

Iamo' kudeng ui ngeruat dara'ku pana', mepad kudeng aceh baré luk inutang luun baré anu muyuh, idi ui mawang niat teh idi pad-pad mawang niat dengan amung-amung muyuh.

PILIPI 4:1

Ngaceku ineh, O kinanak-kinanakku luk inanku mawa, idi luk inanku geregan, idi luk mangun ku awangku idi pataku, idi bang luk kudeng ineh do' muyuh lutep bang Tuhan, O luk inanku mawa.

1 TESALONIKA 2:19

Idéké luk mangun ku rapet kai, ku awang, idi ku pata dita' kai? Bakenké muyuh pa kiung Tuhan tau Yésus kareb Ieh macing teh?

1 PETRUS 2:10

Atun muyuh baken pupu Allah, iamo' nekini muyuh mangun ku pupu Allah. Atun muyuh na kali' éi' Allah, iamo' nekini muyuh pangeh nengalap éi'Neh.

1 PETRUS 2:25

Atun muyuh neraruh mepad kudeng dumba, iamo' nekini muyuh pangeh lemubed inan Lun Matar, ieh ineh Luk Ngimet ulun muyuh.