LUKAS 15:5 - BALA LUK DO'

⁵ Kareb ieh ngalap neneh, idi ieh nganau' neneh luun tudungneh dengan mawang niat.

LUKAS 15:5 Iomraidhean Croise

YESAYA 62:12

Muyuh tetanen, “Pupu Allah luk Meligan,” idi, “Pupu luk Inulun Tuhan!” Yerusalim miak tetanen, “Bawang luk Inan Allah Mawa,” idi “Bawang luk Na Tican Allah.”

YESAYA 62:5

Mepad kudeng seburur anak adi' deléi ngalap seburur anak decur luk pun mebaruh ku awanneh, kudeng ineh teh Allah luk nemudut namu pian ngalap namu. Idi Allah miak mawang niat namu mepad kudeng deléi luk pun ngaweh.

YESAYA 63:9

ratnan amung derehdeh. Baken melaikat, iamo' Tuhan sebuleng luk nengulun nedeh. Dengan awaNeh idi éi'Neh, Ieh nemuit nedeh. Mon Ieh pangeh nengasa' nedeh,

YEHISKIEL 18:23

Kebala Tuhan Allah, “Miakké Ui mawang niat ku até lemulun luk dat? Na tu! Ui meluun pian neneh uren idi mulun.

YEHISKIEL 33:11

Mada' nedeh, Ui ini Tuhan Allah luk mulun na sikal nier lun luk mesala' maté. Ui pian nier neneh uleg ratnan sala' idi mulun. O Israil, ugka' nganau' kekamen luk dat. Ngudehké iko sikal maté?

MIKA 5:4

Kareb Ieh macing Ieh miak ngimet pupuNeh dengan tueh luk ratnan Tuhan, idi dengan ubur Tuhan Allah sebuleng. PupuNeh miak tudo dengan do', iamo' lemulun luk aput-aput tana' miak ngamo rayehNeh,

MIKA 7:18

O Tuhan, na luk idi Allah luk mepad kudeng Iko. Iko maré do' ratnan sala' lemulun luk ketecan. Idi na Iko museh kidi-kidi, iamo' Iko lutep bang awaMu.

SEPANIA 3:17

Tuhan Allahmu idi denganmu, laludNeh ngetueh namu. Tuhan miak mawang niat namu, dengan awaNeh Ieh maré ulun luk mebaruh namu. Ieh miak menani idi mawang niat namu,

LUKAS 15:32

Do' tau irau idi mawang niat, ngaceku kinanakmu ini pangeh naté idi muli' mulun; ieh pangeh neraruh idi nelemubed teh.’ ”

LUKAS 15:4

“Kudeng seburur lemulun rat arang muyuh inan meratu dumba, idi sebuleng rat arangdeh metutu', naké ieh necan iwa' ngepulu' iwa' dumba bang laman idi amé' nakap luk metutu' ineh pad macing ieh ngalap neneh?

LUKAS 15:6

Kareb macing ruma'neh, idi ieh nawar lun rurumneh idi lun bang bawangneh, kebalaneh, ‘Do' muyuh mawang niat denganku, ngaceku ui pangeh nengalap dumbaku luk netutu' ineh.’

LUKAS 19:9

Idi kebala Yésus neneh, “Bang aco sini ulun nacing kuan uang tetek ruma' ini, ngaceku lemulun ini teh luk iniap ku anak Ibrahim.

LUKAS 23:43

Idi kebala Yésus neneh, “Ui pebala namu, aco sini teh iko idi pad-pad denganKu bang Pirdaus.”

YAHYA 15:11

“Idi Ui pangeh nemala amung ini kuan muyuh, pad awangKu tudo bang nemuyuh, idi awang muyuh pana' meriput peh.

EPESUS 2:10

Ngaceku tau ini luk pinudut Allah, inau'Neh bang Keristus Yésus pad nganau' kekamen luk do' luk tinina' Allah kuan tau.

EPESUS 3:7

Ui pangeh inau' ku lun luk mada' Bala luk Do' maya' katu Allah luk biréNeh negku ngaceku tueh laludNeh ineh.

1 TESALONIKA 1:5

Ngaceku bada' kai ratnan Bala luk Do' pangeh icing kuan muyuh baken dengan bala mo', iamo' dengan lalud, idi Roh Meligan, idi dengan anu luk matu-matu. Muyuh kali' kudeng apeh ulun kai arang muyuh ngaceku muyuh.

2 TIMOTIUS 2:26

Idi ideh miak mepuit ratnan abpung Iblis, kareb ideh pangeh tiban demulun Tuhan pad nganau' pian Allah.

IBERANI 12:2

Do' tau nier Yésus, luk nenganau' idi luk neriput anu tau. Ieh pana' ngaceku awang luk litep kuanNeh pangeh netuman ratnan dereh salib, dengan na ngerawé igu'Neh, idi Ieh tudo pa tinueh kerusi Allah.

1 PETRUS 1:5

Peruan ineh isa' dengan lalud Allah ngaceku anu, pad muyuh miak ngalap ulun luk inau' temina' idi luk miak uen ngegala' bang aco kekiped.