LUKAS 15:4 - BALA LUK DO'

⁴ “Kudeng seburur lemulun rat arang muyuh inan meratu dumba, idi sebuleng rat arangdeh metutu', naké ieh necan iwa' ngepulu' iwa' dumba bang laman idi amé' nakap luk metutu' ineh pad macing ieh ngalap neneh?

LUKAS 15:4 Iomraidhean Croise

NANI UBUR 119:176

Ui meraruh mepad kudeng aceh dumba luk netutu'; do' amé' nakap negku luk demulunMu, ngaceku na ui mekelupan amung ukumMu.

YESAYA 53:6

Amung tau mepad kudeng dumba luk neraruh ngaceku tau nemaya' pian tau sebuleng. Idi Tuhan nengacing kuanNeh, ukum luk petulu lapen tau.

YEREMIA 33:13

Muci lemulun luk matar dumba miak ngiap dumbadeh bang babpat Beniamin, idi bang bawang luk libut-libut Yerusalim, amung bawang Yahuda, amung bawang luk luun pegkung, amung bawang luk luun raked idi amung bawang luk déi' Negeb. Ui ini Tuhan pangeh nepebala.”

YEREMIA 50:6

“PupuKu mepad kudeng dumba luk neraruh, luk rinaruh lun luk matar nedeh luun pegkung. Ideh pangeh nenalan mepad kudeng dumba, rat aceh pegkung amé' luun pegkung baken. Idi ideh pangeh nekelupan libungdeh.

YEHISKIEL 34:16

“Ui miak nakap dumba luk netutu', nguit muli' dumba luk neraruh, ngabet urat dumba luk murat, ngedo' dumba luk mét, idi ngasa' dumba luk melamu idi luk metueh, ngaceku Ui ini Lun Matar luk nganau' luk matu.

YEHISKIEL 34:31

“O dumbaKu luk sengeriudan luk paninKu, muyuh ineh lemulun, idi Ui ini Allah muyuh.” Kudeng ini bala Tuhan Allah.

YEHISKIEL 34:4

Muyuh na nengasa' dumba luk melaya', na nengedo' dumba luk mét, na nengabet urat dumba luk nurat, na nenguit dumba luk neraruh muli', idi na nenakap dumba luk netutu'. Iamo' muyuh nengedereh nedeh.

YEHISKIEL 34:8

Ui ini Tuhan Allah luk mulun, do' ninger balaKu, DumbaKu pangeh pinaté idi kinan pung luk mesangit, ngaceku na luk matar nedeh. LunKu luk matar na iné' nakap dumba. Ideh nengasa' bururdeh sebuleng idi ideh na ngerawé dumba.

MATIUS 12:11

Idi kebala Yésus, “Idéké rat arang muyuh luk inan sebuleng dumba, idi kudeng dumba ineh mebpeh bang lubang kareb Aco luk inan Mudeng, naké ieh sikal ngalap neneh rat bang lubang ineh?

LUKAS 13:15

Iamo' Tuhan nengor balaneh, keburi'Neh, “O lun luk siayu, bakenké bang Aco luk inan Mudeng anid-anid burur muyuh muit sapi' idi keladaineh rat bang libungneh, sikal nguit neneh amé' ngirup?

LUKAS 15:3

Idi Yésus nemada' luk pinginud ini kuandeh, kebalaNeh:

LUKAS 19:10

Ngaceku Anak-Lemulun nacing nakap idi ngulun luk neraruh.

SURAT LUK BIRE PAULUS KUAN LUN RUM 2:1

O lun rurumku, mekuu'ké iko ngesala' nelun baken? Iko idi idé-idé pana' na miak ngor. Ngaceku kudeng iko ngesala' nelun baken, iamo' iko sebuleng nganau' kudeng ineh teh, iko ngacing ukum kuan bururmu sebuleng.

1 PETRUS 2:25

Atun muyuh neraruh mepad kudeng dumba, iamo' nekini muyuh pangeh lemubed inan Lun Matar, ieh ineh Luk Ngimet ulun muyuh.