LUKAS 15:28 - BALA LUK DO'

²⁸ Idi anak luk rayeh ineh museh na sikal semuet bang ruma', idi tamanneh neremuat ngubuk neneh semuet.

LUKAS 15:28 Iomraidhean Croise

YESAYA 65:5

Ideh ngecuk lun baken na muneng nedeh, ngaceku ideh meligan idi na miak kamen. Ui megateh inan lemulun luk kudeng ineh — usehKu nedeh mepad kudeng apui luk na maté.

YESAYA 66:5

O muyuh luk matot inan Tuhan idi luk maya' ukumNeh, do' ninger balaNeh: “Sebuang pupu muyuh megateh nemuyuh idi na sikal perurum nemuyuh, ngaceku muyuh lutep maya' Negku. Ideh situnga nemuyuh, kebaladeh, ‘Kai pian nier nemuyuh mawang niat, nima' Tuhan ngegala' rayehNeh pad ngulun nemuyuh.’ Iamo' ideh ineh luk uen ngigu'!

YEREMIA 35:16

Inul Yonadab pangeh nemaya' ukum luk biré tepundeh nedeh, iamo' muyuh na nemaya' balaKu.

YUNUS 4:9

Iamo' kebala Allah neneh, “Ngudeh iko pelaba useh ku tabuh ineh!” Idi Yunus nengor balaneh, “Kali' rungen ui pelaba useh, ngaceku ui geregan ku tabuh ineh!”

MATIUS 20:11

Kareb ideh nengalap tabpardeh, idi ideh iné' dengan tekedamut nan tuan ruma' ineh,

MARKUS 1:40

Inan aceh lemulun luk mét susud iné' matun Yésus, idi netekeradung pa kiungNeh mutuh pedengan, keburi'neh, “Kudeng Iko pian, Iko miak ngedo' negku.”

LUKAS 13:34

“O Yerusalim, Yerusalim! Iko nengaté nabi-nabi, idi nemitung lemulun luk icuk amé' namu ku batu! Tuda' kua' Ui sikal ngamung anak-anakmu mepad kudeng aceh tineh lal luk ngerukub anak-anakneh liang iladneh, iamo' na muyuh sikal!

LUKAS 15:2

Idi lun Parisi idi guru-guru Ukum ngedureng, kebaladeh, “Lemulun ini nawar lun mesala' idi pamung kuman dengandeh.”

LUKAS 15:27

Idi keburi' demulun ineh kuanneh, ‘Kinanakmu luk isuut pangeh nuli', idi tamanmu nengeret aceh anak sapi' luk melamu ineh, ngaceku ieh pangeh nengalap neneh lemubed dengan ulun luk do'.’

LUKAS 15:29

Iamo' kebalaneh nan tamanneh, ‘Tuda’ lak kinioneh ui ngakem kuanmu nateh ui nengelaba sebuleng ukummu; idi nateh iko nemaré aceh anak amék, pad ui irau dengan lun rurumku.

LUKAS 24:47

idi bang ngadanNeh miak badén dalan uren idi do' ratnan sala' kuan amung-amung pupu, ngimun rat Yerusalim.

LUKAS 5:30

Idi lun Parisi idi guru-guru Ukum dureng-dureng kuan anak-anak sekola' Yésus, keburi'deh, “Ngudehké muyuh kuman idi ngirup dengan lun luk ngamung usin pupuk idi lun mesala' teh?”

LUKAS 7:39

Kareb lun Parisi nenier ineh, idi ieh nepebala bang niatneh, “Kudeng lemulun ini seburur nabi, kali' rungen Ieh kali' idé' decur luk ngakem Neneh ineh, idi Ieh kali' neneh mesala'!”

KEKAMEN RASUL-RASUL 13:45

Iamo' kareb lun Yahudi nenier lun mula' ineh, idi ideh mét niat, idi ideh nengilang bala Paulus idi nenguyo neneh.

KEKAMEN RASUL-RASUL 13:50

Iamo' lun Yahudi nengubuk lun rayeh-rayeh bawang idi decur-decur luk lun do' rat nelun pupu baken luk sembayang inan Allah. Idi ideh nengacing aceh susa' kuan Paulus idi Barnabas, idi nemasut nedidueh rat bang bawangdeh ineh.

KEKAMEN RASUL-RASUL 14:19

Iamo' lun Yahudi nacing rat Antiokia luk déi' Pisidia idi Ikonium; idi ideh nengubuk nelun mula', pad ideh nemitung ni Paulus ku batu idi nengeruid neneh rat bang bawang ineh, idi ideh nengerawé neneh naté.

KEKAMEN RASUL-RASUL 14:2

Iamo' lun Yahudi luk na manu nengagau niat lun pupu baken ineh, pad ideh museh idi sikal metueh ratnan lun Kristen ineh.

SURAT LUK BIRE PAULUS KUAN LUN RUM 10:19

Iamo' ui ngitun: Naké pupu Israil kali'? Pun-pun Musa sebuleng pebala, “Kebala Allah: ‘Ui nganau' nemuyuh mét niat inan pupu luk baken aceh imet luk matu; Ui nganau' nemuyuh museh nan aceh pupu luk mebacé.’ ”

2 KORINTUS 5:20

Ngaceku ineh kai mangun ku lun duken Keristus, ayuneh Allah mutuh dengan dila' kai. Bang ngadan Keristus, kai mutuh nemuyuh pedo' dengan Allah.

1 TESALONIKA 2:16

Ideh mebpeng nekai na mada' bala luk ngacing ulun kuan lun pupu baken. Lun Yahudi na ugka' nganau' sala'-sala' luk pangeh kikemdeh ineh. Iamo' nekini useh Allah nacing pa luundeh.

SEMUIL LUK PUN-PUN 17:28

Idi Eliab, kinanak Daud luk rayeh neninger luk bilaneh kuan lun luk mula' ineh. Idi ieh megateh ni Daud, kebalaneh, “Ngudeh iko amé' tungé? Ticanmu nidé dumba luk bang laman di? Ngaceku ui kali' kuu'mu idi niatmu luk dat. Inan peh iko iné' tungé' sikal nier bunu mo'.”

SEMUIL LUK PUN-PUN 18:8

Idi Saul megateh niat, idi dat bala neneh. Idi kebalaneh, “Daud luk ruendeh nengaté tuda'-tuda' ngepulu' ribu. Iamo' ui nengaté ribu-ribu mo'. Idi kali' rungen kekipedneh ieh mangun ku raca'.”