LUKAS 15:24 - BALA LUK DO'

²⁴ Ngaceku anakku ini pangeh naté idi muli' mulun. Ieh pangeh neraruh, idi pangeh nelemubed.’ Idi ideh pana' nengimun do' ria'.

LUKAS 15:24 Iomraidhean Croise

PUDUT 45:28

Idi kebalaneh, “Pangeh petap; anakku Yusup mulun teh! Ui pian amé' papu' neneh kareb nateh ui maté.”

YESAYA 35:10

Ideh macing Yerusalim dengan mawang niat; ideh menani idi ngitang ku awang niatdeh. Ideh mawang niat macing ruked-ruked, idi ideh na kali' susa' idi dat niat.

YESAYA 66:11

Muyuh ngalap babpat ratnan peruanneh, mepad kudeng anak luk niti'.

YEHISKIEL 34:16

“Ui miak nakap dumba luk netutu', nguit muli' dumba luk neraruh, ngabet urat dumba luk murat, ngedo' dumba luk mét, idi ngasa' dumba luk melamu idi luk metueh, ngaceku Ui ini Lun Matar luk nganau' luk matu.

YEHISKIEL 34:4

Muyuh na nengasa' dumba luk melaya', na nengedo' dumba luk mét, na nengabet urat dumba luk nurat, na nenguit dumba luk neraruh muli', idi na nenakap dumba luk netutu'. Iamo' muyuh nengedereh nedeh.

MATIUS 8:22

Iamo' kebala Yésus neneh, “Maya' Negku, idi nima' lun naté nanem lun dengandeh luk naté.”

MARKUS 8:22

Idi ideh nacing déi' bawang Baitsaida. Idi ideh nenguit seburur lemulun luk mebuser, idi nemutuh Neneh ngakem lemulun ineh.

LUKAS 10:19

Ninger do'-do', Ui pangeh nemaré nemuyuh lalud ngeradu' menipeh idi menipal kara', idi lalud pa luun amung-amung tueh Bunu' ineh, idi sebuleng pana' na miak ngesabeng nemuyuh.

LUKAS 15:23

Idi nguit anak sapi' luk melamu, idi ngeret neneh, do' tau irau.

LUKAS 15:25

“Idi anakneh luk rayeh ineh déi' lati'. Kareb ieh muli' idi muneng ku ruma' ineh, idi ieh neninger uni suling idi lun ngalai.

LUKAS 15:32

Do' tau irau idi mawang niat, ngaceku kinanakmu ini pangeh naté idi muli' mulun; ieh pangeh neraruh idi nelemubed teh.’ ”

LUKAS 15:4

“Kudeng seburur lemulun rat arang muyuh inan meratu dumba, idi sebuleng rat arangdeh metutu', naké ieh necan iwa' ngepulu' iwa' dumba bang laman idi amé' nakap luk metutu' ineh pad macing ieh ngalap neneh?

LUKAS 19:10

Ngaceku Anak-Lemulun nacing nakap idi ngulun luk neraruh.

LUKAS 9:60

Iamo' keburi' Yésus neneh, Nima' lun naté nanem lun dengandeh luk naté; iamo' iko ini amé' mada' Imet Allah.”

YAHYA 11:25

Idi kebala Yésus ni Marta, “Ui ini Tui ratnan até idi Ulun. Idé-idé luk manu Negku, sagan pana' pangeh naté, ieh miak mulun teh;

YAHYA 5:21

Mepad kudeng Taman nui amung-amung lun naté idi ngulun nedeh, kudeng ineh teh Anak ineh ngulun idé-idé luk pianNeh.

SURAT LUK BIRE PAULUS KUAN LUN RUM 11:15

Ngaceku kareb ideh tila', tana' ini pedo' dengan Allah. Kudeng apehké kareb ideh lapen Allah? Kali' rungen inan ulun rat arang lun naté!

SURAT LUK BIRE PAULUS KUAN LUN RUM 12:15

Do' mawang niat dengan lemulun luk mawang niat, idi nangi' dengan lemulun luk nangi'.

SURAT LUK BIRE PAULUS KUAN LUN RUM 6:11

Kudeng ineh teh do' muyuh ngerawé burur muyuh maté mepuit ratnan sala', iamo' mulun kuan Allah dengan Keristus Yésus.

SURAT LUK BIRE PAULUS KUAN LUN RUM 6:13

Aleg muyuh maré sebabpat burur muyuh ineh kuan sala', pad uen makai ku kekamen luk dat. Iamo' maré burur muyuh kuan Allah, mepad kudeng lemulun luk pinuit ratnan até amé' nan ulun teh, idi do' maré amung babpat burur muyuh kuan Allah, pad uen makai ku kekamen luk matu.

SURAT LUK BIRE PAULUS KUAN LUN RUM 8:2

Ngaceku ukum Roh luk maré ulun bang Keristus Yésus pangeh nemuit negku ratnan ukum sala' idi até ineh teh.

1 KORINTUS 12:26

Kudeng sebuleng babpat ineh mét, idi amung-amung babpat ineh pana' mét teh. Idi kudeng sebuleng babpat buren, idi amung-amung babpat ineh pana' mawang niat peh.

EPESUS 2:1

Atun muyuh pangeh naté ngaceku amung-amung dat idi sala' muyuh.

EPESUS 2:5

pad kareb tau naté ngaceku sala' tau, Ieh pangeh nengulun netau pad-pad dengan Keristus. Muyuh pangeh inulun ngaceku katu Allah,

EPESUS 5:14

Ngaceku anun-anun luk ginala' bang acang, ieh ineh macang. Ini punneh Tuhan pebala, “Kulat, O iko luk rudap, idi tumui rat arang lun naté! Idi Keristus macang luunmu.”

KOLOSE 2:13

Idi muyuh pana' atun pangeh naté ngaceku sala' idi ulun burur muyuh luk na sinunat. Meluun teh muyuh pangeh inulun Allah pad-pad denganNeh. Idi Ieh pangeh nemaré do' ratnan amung-amung sala' tau.

1 TIMOTIUS 5:6

Iamo' decur tinula' luk nakap awang bang tana' ini mulun mepad kudeng maté.

YAHUDA 1:12

Ideh mangun ku aceh sabeng luk melutak bang irau muyuh, kareb ideh mabuk dengan na migu'. Ideh ngerawé burudeh sebuleng mo'. Ideh mepad kudeng laput pinalid ku bui; mepad kudeng lawa kayuh luk na kebua' bang kareb, luk petulu, luk dueh kua' maté, idi luk mebubput dengan uatneh;

BALA LUK LINIO 3:1

“Kuan melaikat sidang luk déi' Sardis, do' ngayud kudeng ini: “Ini bala rat Neneh luk kuan tudu' Roh Allah, idi tudu' gituen ineh. Ui kali' kekamenmu. Iko inan ngadan mulun, iamo' setuneh iko maté.