LUKAS 15:22 - BALA LUK DO'

²² Iamo' tamanneh nenawar demulun-demulunneh, kebalaneh, ‘Do' nguit dengan mesaget kuyu' buyor luk do' tu-tu idi ngayung neneh, idi ngebpul aceh susing luun bua' ticu'neh idi kasut luun kukudneh.

LUKAS 15:22 Iomraidhean Croise

PUDUT 41:42

Idi raca' nengelengu susing ratnan ticu'neh idi nengebpul ineh luun bua' ticu' Yusup. Idi ieh nengayung neneh ku kibung pu luk do'. Idi ieh nengayung dierneh ku bané amas.

ESTER 3:10

Raca' ineh nengelengu susing etuneh, idi nemaré ineh kuan bunu' lun Yahudi, ieh ineh Haman Hamedata luk inul Agag.

ESTER 8:2

Raca' nengelengu susing etuneh (luk ilapneh lemubed rat ni Haman) idi nemaré ineh kuan Mordekai. Idi Ester nenganau' Mordekai ku lun rayeh binaweh idi tana' Haman.

NANI UBUR 132:16

Ui pian ngeperuan imamneh bang amung luk ruendeh, pad pupuneh menani idi ngitang dengan mawang niat.

NANI UBUR 132:9

Do' amung imam mada' ratnan Iko ngulun pupuMu; do' amung pupuMu ngitang dengan mawang niat!

NANI UBUR 18:33

Ieh matar negku luun pegkung, idi nganau' negku upun mepad kudeng talau.

NANI UBUR 45:13

Anak raca' luk decur tudo bang ruma' raca'; ieh pelaba do' taga! Kuyu'neh tibaruh ratnan gitian amas.

NANI SELIMUN 7:1

Pelaba do' kukudmu makai selipar, O decur luk metaga. Ayu tipenmu pelaba do', mepad kudeng luk inau' lun luk mileh ngarit.

YESAYA 61:10

Yerusalim mawang niat ku luk inau' Tuhan. Ieh mepad kudeng decur luk inayung ku ayung paweh. Allah nengayung neneh ku ulun idi tueh!

LUKAS 15:21

Idi keburi' anakneh kuanneh, ‘O Ama', ui pangeh nenganau' sala' pa kiung Allah idi pa kingmu pana', na ui mayu tetanen ku anakmu peh.’

LUKAS 15:23

Idi nguit anak sapi' luk melamu, idi ngeret neneh, do' tau irau.

SURAT LUK BIRE PAULUS KUAN LUN RUM 13:14

Iamo' do' muyuh ngayung ku Yésus Keristus Tuhan ineh, idi aleg ngerawé ratnan ulun tana' ini dengan ngakem luk pinianneh.

SURAT LUK BIRE PAULUS KUAN LUN RUM 3:22

Lemulun ruen Allah matu ngaceku manu inan Yésus Keristus, ieh ineh amung lemulun luk manu, ngaceku na Ieh mili' ayu lemulun:

SURAT LUK BIRE PAULUS KUAN LUN RUM 8:15

Ngaceku baken muyuh ngalap roh mangun ku demulun tot teh, iamo' muyuh pangeh nengalap Roh Allah mangun ku anak Allah, idi bang Roh ineh tau ngitang, “O Ama'! O Ama'!”

GALATIA 3:27

Amung muyuh luk pangeh rireb bang Keristus pangeh nengayung ku Keristus.

EPESUS 6:15

idi kél muyuh mada' Bala luk Do' luk nguit pedo' mangun ku kasut muyuh.

BADA' RATNAN UKUM 33:25

Do' palinmu ruen ratnan belawan idi tekaling, idi do' iko uen ngeperuan ruked ulunmu.”

BALA LUK LINIO 19:8

Idi pangeh biré kuanneh kibung pu luk malét idi merasat, pad ieh miak ngayung ku ineh.” (Kibung pu ineh pinginud kekamen-kekamen luk matu luk inau' lun manu.)

BALA LUK LINIO 2:17

“Idé luk inan lalid, do' ieh ninger bala Roh luk kuan amung-amung sidang! “Kuan lemulun luk metueh Ui maré manna luk inapung ineh, idi Ui maré kuanneh aceh batu luk mebuda', idi luun batu ineh inayud aceh ngadan luk mebaruh luk na miak kali' seburur lemulun pana', iamo' lemulun luk ngalap ineh mo' luk kali'.

BALA LUK LINIO 3:18

Ngaceku ineh Ui mada' namu, do' melih rat Negku amas luk pangeh tinutun ku apui, pad iko mangun ku lun do', idi ayung luk mebuda' pad iko inan ayung, pad iko na nalan lubpa idi na migu' siren lemulun. Idi melih ubat luk miak pingubat matehmu, pad iko miak nier.

BALA LUK LINIO 6:11

Anid-aniddeh pangeh biré aceh kuyu' luk mebuda', idi pangeh bila kuandeh, do' ideh nganét segageh teh pad demulun-demulun idi kinanak-kinanak lu serurum dengandeh ineh, luk miak pitayen, petap kinula'deh.

BALA LUK LINIO 7:9

Pangeh ineh ui nenier aceh tebubpun luk rayeh, luk na miak iapin seburur lemulun pana'. Ideh ineh ratnan anid-anid pupu, babpat, inul, idi buri. Ideh tuped pa atun kerusi idi pa atun Anak Dumba ineh, idi ideh nengayung ku ayung luk mebuda', idi nengimet angat piasau bang paladdeh.