LUKAS 15:21 - BALA LUK DO'

²¹ Idi keburi' anakneh kuanneh, ‘O Ama', ui pangeh nenganau' sala' pa kiung Allah idi pa kingmu pana', na ui mayu tetanen ku anakmu peh.’

LUKAS 15:21 Iomraidhean Croise

AYUB 33:27

Ieh miak tuped idi pebala, “Ui nenganau' sala'. “Ui na nenganau' luk matu, iamo' Allah méi' negku.

NANI UBUR 143:2

Aleg nguit negku amé' bang besara', ngaceku seburur pana' nateh matu pa kiungMu.

NANI UBUR 51:4

Ui nenganau' sala' pa kiungMu sebuleng mo'; idi nenganau' luk dat kali'Mu. Iko petulu miak ngesala' negku, idi ngukum negku.

YEREMIA 3:13

Do' iko mala namu lun mesala' idi nengelaba bala Tuhan Allahmu. Do' iko ngamo iko pangeh mawa inan allah baken liang anid-anid kayuh luk mebata', idi ngamo namu na nemaya' balaKu. Ui ini Tuhan luk pebala namu.

YEHISKIEL 16:63

Kareb Ui maré do' ratnan amung sala'mu, iko miak ngerawé sala'mu ineh pad iko ungeng ku igu'mu.” Tuhan Allah pangeh nepebala.

LUKAS 15:20

Idi ieh nenalan idi iné' inan tamanneh. “Iamo' kareb ieh mado, tamanneh pangeh nekali' neneh, idi niatneh sigio ngaceku méi' neneh, idi tamanneh nupun nengapel dierneh idi nemuen neneh.

LUKAS 15:22

Iamo' tamanneh nenawar demulun-demulunneh, kebalaneh, ‘Do' nguit dengan mesaget kuyu' buyor luk do' tu-tu idi ngayung neneh, idi ngebpul aceh susing luun bua' ticu'neh idi kasut luun kukudneh.

SURAT LUK BIRE PAULUS KUAN LUN RUM 2:4

Idi inanké iko ngebeneh katuNeh luk rayeh idi ulai niatNeh idi kadang niatNeh? Naké iko kali' ratnan katu Allah ineh ngeruid namu pad iko uren?

1 KORINTUS 8:12

Dengan luk kudeng ini muyuh mesala' pa kiung Keristus, ngaceku muyuh mesala' pa kiung kinanak-kinanak ineh idi ngurat teruayen niatdeh luk melaya'.