LUKAS 15:20 - BALA LUK DO'

²⁰ Idi ieh nenalan idi iné' inan tamanneh. “Iamo' kareb ieh mado, tamanneh pangeh nekali' neneh, idi niatneh sigio ngaceku méi' neneh, idi tamanneh nupun nengapel dierneh idi nemuen neneh.

LUKAS 15:20 Iomraidhean Croise

PUDUT 33:4

Idi Esau nupun matun neneh, idi nengapel neneh, idi nemuen neneh, idi didueh perigéi' nangi.

PUDUT 45:14

Idi Yusup nengapel ni Beniamin kinanakneh dengan nangi', idi Beniamin pana' nenangi' idi nengapel ni Yusup.

PUDUT 46:29

idi Yusup numak bang kerétaneh idi iné' déi' Gosen, pian papu' tamanneh. Kareb ieh nepapu' neneh, idi Yusup nengapel tamanneh, idi ieh nenangi'.

SEMUIL LUK KEDUEH 14:33

Idi Yoab iné' matun Raca' Daud idi nemada' neneh. Idi Daud nenawar ni Absalom. Idi Absalom iné matun raca' idi netekeradung pa kiungneh. Idi raca' Daud nemuen neneh.

NANI UBUR 86:15

O Tuhan, Iko Allah luk méi' idi mawa, idi luk na malé useh, idi megéi' mekatu idi lutep maya' jani'.

NANI UBUR 86:5

O Tuhan, Iko luk do' idi luk maré do', idi luk mepanu' ku awa luk lutep kuan amung lemulun luk sembayang Namu.

YESAYA 49:15

Idi kebala Tuhan nedeh, “Miakké decur mekelupan anakneh, idi megateh inan anak luk tinganakneh? Sagan pana' decur mekelupan anakneh, Ui na tu mekelupan nemuyuh.

YESAYA 57:18

“Ui nekali' kekamendeh; iamo' Ui miak ngedo' nedeh. Ui nguyut idi ngedengan nedeh; idi Ui ngubuk lemulun luk mesusa' niat.

YEREMIA 31:20

“O Israil, iko anak luk inanKu mawa idi luk inanKu méi'. Kareb Ui neten ngadanmu, niatKu sigio ngerawé namu. Ui miak méi' namu, Ui ini Tuhan pangeh nepebala.

HOSIA 11:8

“O Israil, kudeng apehké Ui miak nala' nemuyuh? Kudeng apehké' Ui miak necan nemuyuh? Miakké Ui ngusag nemuyuh mepad kudeng Ui nengusag Adam, idi ngedereh nemuyuh, mepad kudeng Ui nengedereh Seboim? Na Ui mawang niat nganau' luk kudeng ineh! Ui méi' nemuyuh.

LUKAS 15:19

Na ui mayu tetanen ku anakmu peh, do' nganau' negku mangun ku seburur lun tebarinmu.’

LUKAS 15:21

Idi keburi' anakneh kuanneh, ‘O Ama', ui pangeh nenganau' sala' pa kiung Allah idi pa kingmu pana', na ui mayu tetanen ku anakmu peh.’

KEKAMEN RASUL-RASUL 2:39

Ngaceku Allah nepejani' baken kuan muyuh mo' iamo' kuan inul muyuh pana', idi teh kuan lemulun luk mado, ieh ineh idé-idé luk darin Tuhan Allah tau amé' Neneh.”

KEKAMEN RASUL-RASUL 20:37

Idi amung-amungdeh pana' nangi' idi nengapel ni Paulus idi nepetabi' neneh.

EPESUS 2:13

Iamo' bang Keristus Yésus, muyuh luk atun mado, nekini pangeh muneng ngaceku ratnan dara' Keristus.

EPESUS 2:17

Idi Keristus nacing mada' Bala luk Do' ratnan awang idi pedo' kuan muyuh luk mado ratnan Allah idi kuan lun Yahudi luk muneng Neneh.