LUKAS 15:19 - BALA LUK DO'

¹⁹ Na ui mayu tetanen ku anakmu peh, do' nganau' negku mangun ku seburur lun tebarinmu.’

LUKAS 15:19 Iomraidhean Croise

PUDUT 32:10

Idi ui ini na mayu ngalap sesuut pana' ratnan amung-amung éi' idi awa luk lutep luk pangeh ginala'Mu kuanku, ngaceku dengan aceh rukudku mo' ui neguta Abpa' Yarden; idi nekini ui mangun ku dueh babpat.

AYUB 42:6

idi ui migu' ngaceku amung luk bilaku, idi nekini ui uren tu-tu.

NANI UBUR 84:10

Seaco bang Ruma'Mu meluun do' ratnan meribu aco déi' ruma'ku; pelaba do' tuped munung tanga' Ruma' Allahku, ratnan tudo bang ruma' lemulun luk dat.

LUKAS 15:18

Ui sikal lemubed amé' inan tamanku idi pebala neneh, O Ama', ui pangeh nenganau' sala' pa kiung Allah idi pa kiungmu pana'.

LUKAS 15:20

Idi ieh nenalan idi iné' inan tamanneh. “Iamo' kareb ieh mado, tamanneh pangeh nekali' neneh, idi niatneh sigio ngaceku méi' neneh, idi tamanneh nupun nengapel dierneh idi nemuen neneh.

LUKAS 5:8

Kareb Simun Pétrus nenier ineh, idi ieh netekeradung pa kiung Yésus, keburi'neh, “O Tuhan, buro rat negku, ngaceku ui lemulun luk panu' ku sala'.”

1 KORINTUS 15:9

Ui ini luk meluun dat rat arang amung-amung lun rasul ineh, pad ui na mayu tetanen ku rasul, ngaceku ui pangeh nengedereh sidang Allah.

1 PETRUS 5:6

Ngaceku ineh do' muyuh ngebeneh burur muyuh pa liang ticu' Allah luk meluun melalud ineh, pad Ieh ngedita' nemuyuh bang karebNeh.