LUKAS 15:15 - BALA LUK DO'

¹⁵ Idi ieh iné' ngakem kuan seburur lun bang bawang ineh; idi lemulun ineh nengecuk neneh matar barekneh déi' lati'.

LUKAS 15:15 Iomraidhean Croise

INUL LUK KEDUEH 28:22

Kareb susa' Akas pelaba rayeh, idi ieh nenganau' sala' luk meluun dat pa kiung Tuhan.

PURA' 10:3

Musa idi Arun iné' papu' raca', idi kebala didueh neneh, “Kebala Tuhan Allah lun Iberani, ‘Tuda' io teh iko ara' maya' bala Allah. Nima' pupuKu ini nalan idi sembayang Negku.

YESAYA 1:5

Ngudehké muyuh sikal metueh rat Negku? Pianké muyuh kumin teh? O Israil, uluhmu muput ku urat, niat idi terawému pana' mét.

YESAYA 57:17

Ui museh nedeh ngaceku ideh manga, idi ngaceku sala'deh. Dengan useh Ui nengukum nedeh idi nenecan nedeh Iamo' ideh metueh niat idi nemaya' piandeh sebuleng.

YEREMIA 5:3

Kali' rungen Tuhan nakap luk matu. Ieh nenecat namu, iamo' iko na kali' étneh. Idi Ieh nenebpek namu, iamo' iko na pian badén. Iko metueh niat idi ara' necan sala'mu.

YEHISKIEL 16:52

Na miak na iko migu' ngaceku sala' kinanak-kinanakmu isuut ratnan sala'mu. Do' iko migu' ngaceku kinanak-kinanakmu matu kudeng uen maad denganmu.”

YEHISKIEL 16:63

Kareb Ui maré do' ratnan amung sala'mu, iko miak ngerawé sala'mu ineh pad iko ungeng ku igu'mu.” Tuhan Allah pangeh nepebala.

NAHUM 3:6

Ui miak ngebeneh namu, idi mapen namu ku lutak. Lemulun miak nutong namu idi megagap.

MALAKI 2:9

Ngaceku ineh Ui pana' miak nganau' nelun Israil ngedat nemuyuh, ngaceku muyuh na maya' badaKu, idi kareb muyuh mada' ratnan luk pianKu, muyuh na nganau' luk mepad kuan amung lemulun.”

MATIUS 7:6

“Aleg maré luk meligan kuan uko'-uko', idi aleg mepet bau mutiara muyuh pa kiung barek, pad ideh na ngeradu' neneh pa liang kukuddeh, idi lemubed amé' musing nemuyuh.

LUKAS 15:13

Na mio rat pangeh ineh, idi anak luk isuut ineh nengamung amung-amung binawehneh idi iné' bang bawang luk mado; idi déi' ieh nengebura' binawehneh dengan kekamen luk dat.

LUKAS 15:14

Kareb binawehneh nabud pinasui, idi mangun aceh iru' rayeh bang bawang ineh; idi ieh pelaba asi'.

LUKAS 15:16

Idi ieh melili sikal ngebor batekneh ku padak luk kenen barek ineh, iamo' seburur pana' na nemaré kuanneh.

SURAT LUK BIRE PAULUS KUAN LUN RUM 6:22

Iamo' nekini, ngaceku muyuh pangeh nepuit ratnan sala', idi mangun ku demulun kuan Allah, idi muyuh miak ngalap bua'-bua' luk macing inan luk meligan, idi kekipedneh ulun luk meruked.

TITUS 3:3

Ngaceku atun tau pana' mebacé, ngelaba bala, neraruh, mangun ku demulun kuan amung-amung lili idi rot luk dat bang tana' ini. Kareb ineh tau mulun bang luk dat idi ét niat, luk inan lemulun megateh, idi megateh seburur inan seburur.