LUKAS 15:13 - BALA LUK DO'

¹³ Na mio rat pangeh ineh, idi anak luk isuut ineh nengamung amung-amung binawehneh idi iné' bang bawang luk mado; idi déi' ieh nengebura' binawehneh dengan kekamen luk dat.

LUKAS 15:13 Iomraidhean Croise

NANI UBUR 73:27

Ngaceku lemulun luk necan Namu miak maté, idi Iko ngaté lemulun luk na lutep maya' Namu.

BALE' 18:9

Lemulun luk mekupé ngakem, mepad kudeng lemulun luk ngusag kekamen dulun.

BALE' 21:17

Lemulun luk pian ngalap mula' binaweh, abpa' anggur, idi akan luk do' na mangun ku lun do'.

BALE' 21:20

Bang ruma' lemulun luk mileh inan binaweh luk do' idi luk meraga. Iamo' lemulun luk mebacé makai usinneh mo'-mo'.

BALE' 27:8

Lemulun luk mado ratnan ruma'neh mepad kudeng suit luk mado ratnan ararneh.

BALE' 28:7

Anak adi' luk maya' ukum ineh mileh. Iamo' anak adi' luk perurum nan lemulun luk dat ngigu' tamanneh.

BALE' 29:3

Kudeng iko pian ku ileh, tamanmu mawang niat namu. Lemulun luk ngabud usin ku mayar decur luk mesawa', mebacé.

BALE' 6:26

Seburur lemulun miak ngalap decur luk mesawa' ku raga sebatang ruti, iamo' raga pasét, ieh ineh amung-amung luk ieh kuan.

YESAYA 1:4

O pupu luk mesala'. O muyuh luk dat idi tekilu', muyuh miak kumin! Sala' muyuh ngeraruh nemuyuh! Muyuh pangeh nenecan Tuhan Allah lun Israil luk meligan, idi muyuh neteketed rat Neneh.

YESAYA 22:13

Iamo' muyuh neriruh idi nenganau' irau. Muyuh nengeret dumba idi sapi' ku kikid muyuh, idi nengirup abpa' anggur. Kebala muyuh, “Meluun do' tau ngirup idi kuman, ngaceku nebpa tau maté.”

YESAYA 30:11

Buro rat nekai, idi aleg ngesabeng lawé kai. Na kai pian ninger Allah Israil muyuh luk meligan.”

YESAYA 56:12

Kebala lun mabuk ini, ‘Do' tau ngalap abpa' anggur idi ngirup macing mebor! Idi nebpa meluun do' ria' tau ratnan aco sini.’ ”

YEREMIA 2:13

PupuKu pangeh nenganau' dueh sala': ideh nenecan Negku, ieh ineh aceh bued abpa' luk do'; idi ideh nengukat tuda'-tuda' subuk, luk na inan abpa' mudeng.

YEREMIA 2:31

Do' amung muyuh ninger do'-do' luk belénKu, O Israil, inanké Ui mepad kudeng su luk ali-ali, idi kudeng bawang luk inan luk katot kuan muyuh? O pupuKu, ngudeh muyuh mala nemuyuh sikal nganau' luk pian muyuh, idi muyuh na sikal amé' Negku?

YEREMIA 2:5

Kebala Tuhan: “Anun datKu pad tepun muyuh nenecan Negku? Ideh nesembayang inan akang luk na ulek, pad ideh pana' na ulek teh.

MIKA 6:3

Kebala Tuhan, “O pupuKu, anunké luk inau'Ku nemuyuh? Kudeng apehké Ui mangun ku babeh kuan muyuh? Do' muyuh mada' Negku.

LUKAS 15:12

Idi keburi' luk isuut ineh kuan tamanneh, ‘O Ama', maré aceh babpat binaweh kuanku.’ Idi ieh nemabpat binaweh ineh kuan didueh.

LUKAS 15:14

Kareb binawehneh nabud pinasui, idi mangun aceh iru' rayeh bang bawang ineh; idi ieh pelaba asi'.

LUKAS 15:30

Iamo' kareb anakmu ini luk pangeh nengabud binawehmu ineh ku decur luk mesawa' nelemubed, idi iko nengeret anak sapi' luk melamu kuanneh.’

LUKAS 16:1

Kebala Yésus kuan anak-anak sekola' ineh, “Inan seburur lun do' luk inan selemulun luk ngasa' binawehneh; idi lemulun ineh inadu' lun baken inan tuanneh ngaceku nengebura' binaweh tuanneh.

LUKAS 16:19

“Inan seburur lun do'; idi ieh ngayung ku kibung luk sia' merirem idi kibung luk mesalud, idi mulun dengan do' anid-anid aco.

EPESUS 2:13

Iamo' bang Keristus Yésus, muyuh luk atun mado, nekini pangeh muneng ngaceku ratnan dara' Keristus.

EPESUS 2:17

Idi Keristus nacing mada' Bala luk Do' ratnan awang idi pedo' kuan muyuh luk mado ratnan Allah idi kuan lun Yahudi luk muneng Neneh.

2 PETRUS 2:13

Ideh ngalap tabpar dereh ngaceku ideh nengedereh nelun baken. Idi rotdeh luk dat luk ngacing awang kuandeh, ruendeh kareb macang, ieh ineh anun-anun luk maya' pinian burur. Ideh mangun ku aceh luk inan migu' kareb ideh pamung kuman dengan muyuh. Idi ideh ngeraruh nemuyuh dengan salukdeh bang irau ineh.