LUKAS 15:10 - BALA LUK DO'

¹⁰ Ui pebala nemuyuh, kudeng ineh teh melaikat-melaikat Allah mawang niat ngaceku seburur lemulun luk mesala' uren.”

LUKAS 15:10 Iomraidhean Croise

YEHISKIEL 18:23

Kebala Tuhan Allah, “Miakké Ui mawang niat ku até lemulun luk dat? Na tu! Ui meluun pian neneh uren idi mulun.

YEHISKIEL 18:32

Kebala Tuhan Allah, “Na Ui mawang niat ku até lemulun. Do' ugka' nganau' sala' idi mulun.”

YEHISKIEL 33:11

Mada' nedeh, Ui ini Tuhan Allah luk mulun na sikal nier lun luk mesala' maté. Ui pian nier neneh uleg ratnan sala' idi mulun. O Israil, ugka' nganau' kekamen luk dat. Ngudehké iko sikal maté?

MATIUS 10:32

“Anid-anid lemulun luk ngamo Negku pa kiung lemulun. Ui pana' ngamo neneh pa kiung TamanKu luk bang surga.

MATIUS 18:10

“Matar do'-do' idi aleg muyuh ngedat sebuleng rat arang anak-anak luk isuut ini; ngaceku Ui pebala nemuyuh, déi' bang surga melaikat-melaikatdeh nier kidi-kidi kiung TamanKu luk bang surga.

MATIUS 18:14

Kudeng ineh teh TamanKu luk bang surga, baken pianNeh sebuleng pana' rat arang anak-anak isuut ini metutu' peh.

LUKAS 12:8

“Ui pebala nemuyuh, anid-anid lemulun luk ngamo Negku pa kiung lemulun, idi Anak-Lemulun pana' sikal ngamo neneh pa kiung melaikat-melaikat Allah.

LUKAS 12:9

Iamo' lemulun luk ngalum Negku pa kiung lemulun, idi ieh pana' miak lumin Anak-Lemulun pa kiung melaikat-melaikat Allah.

LUKAS 13:5

Ui pebala nemuyuh, ‘Baken kudeng ineh! Iamo' kudeng na muyuh uren, kali' rungen amung muyuh pana' miak maté kudeng ineh teh.’ ”

LUKAS 15:11

Idi kebala Yésus teh, “Inan selemulun luk inan dueh anak deléi.

LUKAS 15:7

Idi Ui pebala nemuyuh, kudeng ineh teh awang luk déi' surga ngaceku seburur lemulun luk mesala' luk uren, meluun ratnan iwa' ngepulu' iwa' burur lemulun luk matu luk na susa' uren.

LUKAS 15:9

Kareb ieh ngalap usinneh, idi ieh nawar lun rurumneh idi lun bang bawangneh, keburi'neh, ‘Do' muyuh mawang niat denganku, ngaceku ui pangeh nengalap usinku luk pangeh netutu' ineh!’

LUKAS 7:47

Ngaceku ineh Ui pebala namu, ieh pangeh nengalap do' ratnan sala'neh luk mula' ineh, ngaceku awaneh pelaba rayeh; iamo' kuan lemulun luk pangeh nengalap do' ratnan sala'neh luk sesuut, idi awaneh pana' sesuut teh.”

KEKAMEN RASUL-RASUL 11:18

Pangeh ideh neninger kudeng ini idi amung-amungdeh pirud, idi nengerayeh Allah, kebaladeh, “Kudeng pieh kudeng ineh, kuan lun pupu baken teh Allah pangeh nemaré dalan uren luk nguit amé' inan ulun.”

KEKAMEN RASUL-RASUL 5:19

Iamo' kareb medacem seburur melaikat Tuhan nengukab amung-amung tanga' tutup ineh idi nenguit nedeh remuat idi kebalaneh nedeh,

2 KORINTUS 7:10

Ngaceku susa' luk maya' pian Allah ineh nguit uren macing inan ulun luk meruked, idi na tau miak mesusa' niat ku ineh. Iamo' susa' niat ratnan tana' ini ngacing até.

PILIMON 1:15

Ngaceku kian, ini punneh ieh pitad rat namu segageh mo', pad iko miak ngimet neneh ruked-ruked.

IBERANI 1:14

Idéké melaikat-melaikat ineh? Bakenké amung-amung ini roh luk ngakem kuan Allah, luk icukNeh ngedengan lemulun luk ngalap ulun luk meruked, pad ideh miak ngasa' nedeh?