LUKAS 14:26 - BALA LUK DO'

²⁶ “Lemulun luk amé' Negku na miak mangun ku anak sekola'Ku kudeng ieh na megateh inan tamanneh, tinanneh, awanneh, anakneh, kinanakneh luk deléi, kinanakneh luk decur, idi bururneh sebuleng pana'.

LUKAS 14:26 Iomraidhean Croise

NANI UBUR 139:22

Gatehku petap kuandeh; ideh mepad kudeng bunu' sirenku.

IAP 10:30

Iamo' Hobab nengor balaneh, “Na ui amé'. Ngaceku ui pian muli' amé' bawangku, idi nan pupuku sebuleng.”

MATIUS 10:37

“Lemulun luk mawa inan taman idi tinanneh meluun ratnan Ui, na ieh mayu kuanKu; idi lemulun luk mawa inan anakneh luk deléi idi anakneh luk decur meluun ratnan Ui, na ieh mayu kuanKu.

LUKAS 14:20

Idi seburur luk baken nepebala, ‘Ui pangeh nengaweh baruh, ngaceku ineh ui na miak macing.’

LUKAS 14:25

Mula' lemulun nenalan maya' Yésus, idi Ieh nelumi idi nepebala nedeh,

YAHYA 12:25

Lemulun luk mawa inan ulunneh na miak ngalap ulun luk matu, idi idé luk megateh inan ulunneh bang tana' ini, miak ngalap ulun luk matu, ieh ineh ulun luk meruked.

KEKAMEN RASUL-RASUL 20:24

Iamo' na tu ui ngerawé niatku inan raga kuan bururku sebuleng, kudeng ui miak ngeriput luk ruenku, idi mangeh kekamenku luk ilapku ratnan Tuhan Yésus, ieh ineh pad ui mada' Bala luk Do' ratnan katu Allah.

SURAT LUK BIRE PAULUS KUAN LUN RUM 9:13

Maya' kudeng luk inayud, “Yakub luk inanKu mawa, iamo' Esau luk inanKu megateh.”

BADA' RATNAN UKUM 21:15

“Idi kudeng aceh deléi inan dueh awanneh, sebuleng luk inanneh mawa, sebuleng luk inanneh megateh, idi didueh pana' inan anak deléi kuanneh, idi anak deléi luk atun ineh ratnan awan luk inanneh megateh,

BADA' RATNAN UKUM 33:9

Ideh meluun lutep Namu idi ngerawé Namu meluun ratnan taman-tinan, kinanak idi anak pana'. Ideh nemaya' amung balaMu, idi nengimet jani'Mu.

PILIPI 3:8

Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

BALA LUK LINIO 12:11

Kinanak-kinanak tau nengelaya' neneh ku dara' Anak Dumba ineh, idi ku bala luk nekali'deh ineh, idi ideh na méi' inan ulun didueh sagan pana' maté.