LUKAS 14:23 - BALA LUK DO'

²³ Idi kebala tuan ineh kuan demulunneh, ‘Remuat iko amé' inan dalan-dalan ratis idi su luk mapet, idi ngubuk lemulun semuet pad ruma'ku mepanu'.

LUKAS 14:23 Iomraidhean Croise

NANI UBUR 110:3

PupuMu miak mawang niat ngedengan Namu kareb Iko pebunu'. Anak adi'Mu luk deléi amé' Namu, mepad kudeng ipup kareb pekak, luk luun pegkung luk meligan.

NANI UBUR 98:3

Ieh nemaya' jani'Neh kuan lun Israil, idi lutep mawa nedeh. Amung lemulun aput tana' pangeh nenier tueh Allah tau.

YESAYA 11:10

Kareb ineh raca' luk mebaruh ratnan inul Daud ineh mangun ku tanu' kuan amung pupu. Ideh miak mepamung bang bawang raca' idi maré ubur Neneh.

YESAYA 27:13

Kareb ineh, aceh serupit miak muni pad nawar nelun Israil muli' rat Asur idi Masir, bawang su luk inandeh tiban. Ideh miak macing idi sembayang inan Tuhan déi' Yerusalim, ieh ineh luun pegkungNeh luk meligan.

MALAKI 1:11

Aput-aput tana' lemulun ngerayeh Negku. Idi iapeh-iapeh pana' ideh ngeseb umau luk do' buen idi maré baré luk petulu kuanKu. Amung-amungdeh ngerayeh Negku!

MATIUS 21:43

Kebala Yésus, “Ngaceku ineh Ui pebala nemuyuh, Imet Alla miak lapen rat nemuyuh, idi barén kuan aceh pupu luk ngeruat bua' luk petulu. (

MATIUS 5:41

Kudeng selemulun mesaad nguit namu nalan sebatu kiadoneh, do' iko maya' neneh dueh batu kiadoneh.

LUKAS 14:22

Idi keburi' demulun ineh kuanneh, ‘O tuan, anun luk icukmu ineh ui pangeh nenganau', iamo' inan teh su luk inan ketecan.’

LUKAS 14:24

Ui pebala nemuyuh, seburur pana' na luk idi rat arang amung-amung lemulun luk tinawar ineh miak kuman irauKu ineh.’ ”

LUKAS 24:29

Iamo' didueh ineh sikal ngimet Neneh, keburi' didueh, “Do' Iko tudo dengan kai dueh, ngaceku aco pangeh malem idi aco pangeh macep.” Idi Ieh pana' numak pad-pad dengan didueh.

KEKAMEN RASUL-RASUL 16:15

Ieh pangeh rireb dengan amung uang tetek ruma'neh. Idi ieh nemutuh nekai, keburi'neh, “Kudeng muyuh ngerawé ui ini manu inan Tuhan, amé' muyuh tudo bang ruma'ku.” Idi ieh mesaad nenawar nekai.

KEKAMEN RASUL-RASUL 18:6

Kareb ideh sikal metueh rat neneh idi nenguyo neneh, idi ieh nengegkar ayungneh, kebalaneh, “Kudeng muyuh na ngalap ulun, muyuh sebuleng mabeh ineh. Ui na mabeh ineh. Rat pad sini ui amé' nelun pupu baken.”

KEKAMEN RASUL-RASUL 28:28

Idi kebala Paulus, “Ngaceku ineh do' muyuh kali' idi ulun meruked luk ratnan Allah pangeh icing kuan lun pupu baken. Ideh sikal ninger teh.”

KEKAMEN RASUL-RASUL 9:15

Iamo' kebala Tuhan neneh, “Amé iko, ngaceku ieh luk pinili'Ku, ngakem kuanKu, pad ieh ngegala' ngadanKu kuan lun pupu baken idi raca'-raca', idi kuan lun pupu Israil pana'.

SURAT LUK BIRE PAULUS KUAN LUN RUM 10:18

Iamo' ui ngitun: Naké lemulun ineh neninger teh? Mo, neninger! Ngaceku maya' kudeng luk inayud: “Bada'deh pangeh nepiar aput tana', Idi baladeh pana' nacing iring tana'.”

2 KORINTUS 5:11

Kai kali' ilungneh matot nan Tuhan. Ini punneh kai ngubuk lemulun. Allah kali' dengan meriput luk bang niat kai. Kudeng ineh teh ui merapet nemuyuh pana' kali' luk bang niatku.

2 KORINTUS 5:20

Ngaceku ineh kai mangun ku lun duken Keristus, ayuneh Allah mutuh dengan dila' kai. Bang ngadan Keristus, kai mutuh nemuyuh pedo' dengan Allah.

2 KORINTUS 6:1

Iamo' kai luk pad-pad ngakem dengan Allah mutuh nemuyuh teh, pad muyuh na ngalap katu Allah mo'-mo'.

KOLOSE 1:23

kudeng muyuh lutep bang anu, idi meraben, pad muyuh na miak bebuen ratnan rapet bang Bala luk Do', luk pangeh pindenger muyuh, idi luk pangeh bida' kuan amung-amung pudut luk pa liang langit. Idi ui ini Paulus luk pangeh nangun ku lun luk mada' ineh.

KOLOSE 1:28

Idi Keristus luk badén kai ineh, idi kai periteteng kuan anid-anid burur mada' anid-anid lemulun dengan ileh, pad kai miak naped anid-anid lemulun ineh pa kiung Tuhan dengan ligandeh bang Keristus.

2 TIMOTIUS 4:2

mada' bala ineh, idi do' iko temina', do' bang kareb luk do' idi bang kareb luk na do', ngegala' sala' lemulun, mebpeng idi mada' dengan mekadang niat.