LUKAS 14:13 - BALA LUK DO'

¹³ Kareb iko nganau' irau, do' nawar lemulun luk masi', luk mepueg luk meliai, idi luk mebuser pana';

LUKAS 14:13 Iomraidhean Croise

SEMUIL LUK KEDUEH 6:19

Idi ieh nenganid kuan lun Israil do' deléi idi decur, sebalad ruti, idi sengbulu' uang, idi setanga kireng bua' anggur. Idi ideh nuli'.

INUL LUK KEDUEH 30:24

Raca' Hesekia pangeh nemaré kuan tebubpun ineh 1,000 sapi' deléi, idi 7,000 dumba ku baré luk kereten. Idi amung lun rayeh bawang pana' nemaré kuan tebubpun ineh 1,000 sapi' deléi idi 10,000 dumba. Idi mula' imam teh nengeligan bururdeh.

NEHEMIA 8:10

Do' muyuh muli' idi nganau' irau. Maré aceh babpat akan idi abpa' anggur muyuh kuan lemulun luk na petap akan. Aco sini meligan kuan Tuhan. Aleg mesusa' niat. Awang luk barén Tuhan nemuyuh ngetueh nemuyuh.”

NEHEMIA 8:12

Idi amungdeh nuli' idi nekuman idi nengirup dengan mawang niat. Idi teh ideh nemaré aceh babpat kuan lun baken, ngaceku ideh nekali' ilung bala luk pindengerdeh.

AYUB 29:13

Lun luk pelaba susa' nengubur negku, idi ui nengedengan decur tinula' pad ideh do' udeng.

BALE' 14:31

Kudeng iko ngedereh nelun masi', iko ineh ngedat Allah luk nemudut nedeh. Iamo' kudeng iko méi' nelun masi', iko ineh ngedita' Allah.

BALE' 22:9

Do' iko mekatu, idi maré aceh babpat akanmu kuan lun masi', idi iko miak uen ngeperuan.

YESAYA 58:10

kudeng muyuh maman lemulun luk melau, idi maré petap kuan lun masi', kali' rungen dacem luk ngelibut nemuyuh miak misu' ku acang muned aco.

YESAYA 58:7

Maman lemulun luk melau, idi nganak lemulun luk masi' luk na ruma'. Maré ayung kuan lemulun luk na kuyu', idi aleg ara' ngedengan pupu muyuh luk muneng.

MATIUS 15:30

Idi pelaba ula' lemulun iné' Neneh, idi ideh nenguit lun meliai, lun mebuser, lun mebegkeh, lun mepueg, idi mula' lun baken teh, idi ideh nengerareng nedeh iring kukudNeh, pad Ieh nengedo' amungdeh ineh.

MATIUS 22:10

Demulun-demulun ineh iné' inan anid-anid lisangen dalan, idi nengamung amung-amung lemulun luk nepapu' nedeh, luk dat idi luk do' pana', idi ruma' lun paweh ineh panu' ku lun sakai peh.

LUKAS 11:41

Iamo' maré kuan lun masi' anun-anun luk bang sangkir idi bigan muyuh, idi luk amung-amung miak meligan kuan muyuh.

LUKAS 14:12

Idi Yésus nepebala kuan lemulun luk nenawar Neneh, “Kareb iko nganau' irau kareb maco idi malem, aleg nawar nelun rurummu, kinanakmu, pupumu, idi lun do' luk bang bawangmu, pad ideh na ngua' tawarmu.

LUKAS 14:14

idi samal kuanmu teh, ngaceku na luk idi anun-anun luk inandeh miak ngua' namu; ngaceku iko miak uen ngua' kareb aco tui lemulun luk matu.”

LUKAS 14:21

Idi demulun ineh nuli' idi nemaré kali' ratnan ineh kuan tuanneh. Idi tuan ruma' ineh pana' museh idi nepebala kuan demulun ineh, ‘Remuat iko amé' dengan mesaget su dalan-dalan idi lisangen, nguit amé' tungé' lemulun luk masi', luk mepueg, luk mebuser, idi luk meliai pana'.’

KEKAMEN RASUL-RASUL 9:39

Idi Pétrus netumui idi nemaya' nedidueh. Kareb ieh nacing idi ideh nenguit neneh semuet déi' parung. Idi amung-amung lun decur tinula' luk tuped iringneh nangi' idi nemada' sirenneh kuyu' idi ayung luk pangeh inau' Dorkas kareb ieh idi dengandeh.

BADA' RATNAN UKUM 14:29

Idi lun Liwi luk na miak ngalap babpat tana' mepad kudeng iko, idi teh lun sakai, anak maté, idi decur tinula' luk tudo bang bawangmu, miak amé' kuman pad macing mebor, pad Tuhan Allahmu miak ngeperuan namu bang amung-amung luk ruenmu.

BADA' RATNAN UKUM 16:11

Idi do' iko geriguen pa kiung Tuhan Allahmu dengan anakmu, lun dukenmu, idi lun Liwi, lun sakai, anak maté, idi decur tinula' luk tudo bang bawang muyuh, ieh ineh su luk pilin Tuhan inan sembayang.

BADA' RATNAN UKUM 16:14

Idi bang aco sineh iko geriguen dengan anakmu, lun tebarinmu, idi lun Liwi, lun sakai, anak maté, idi decur tinula' luk tudo bang bawang muyuh.

1 TIMOTIUS 3:2

Ngaceku ineh do' lun rayeh sidang ineh na nganau' sala'. Do' ieh ngalap sebuleng awan mo', idi ngimet bururneh dengan terawé luk lutep. Do' ieh maya' amung-amung luk petulu, idi nganak nelun sakai. Do' ieh mileh mada'.

1 TIMOTIUS 5:10

Idi do' ieh buren ngaceku kekamen neh luk do', ngaceku ieh pangeh nengasa' anak-anakneh, idi nenganak lun sakai, idi nemaru' kukud lun manu, idi nengedengan lemulun luk mesusa', idi mekél bang amung-amung luk do'.

TITUS 1:8

Do' ieh ngasa' nelun sakai, idi mawa ku luk do'. Do' ieh mepiteb, mesiri, meligan, idi ngimet burur.

PILIMON 1:7

Ui pangeh mawang niat idi inubuk ngaceku ratnan awamu, ngaceku iko ngawang niat amung-amung lun manu, O kinanakku.

IBERANI 13:2

Aleg muyuh mekelupan ratnan nawar lun sakai, ngaceku dengan luk kudeng ineh lemulun pangeh nenganak melaikat dengan na kali'.