LUKAS 14:11 - BALA LUK DO'

¹¹ Ngaceku anid-anid lemulun luk ngedita' bururneh, ieh ineh miak uen ngebeneh, idi lemulun luk ngebeneh bururneh miak uen ngedita'.”

LUKAS 14:11 Iomraidhean Croise

SEMUIL LUK KEDUEH 22:28

Iko ngulun lemulun luk mebeneh niat, iamo' Iko ngebeneh lemulun luk medita' niat.

ESTER 6:10

Idi kebala raca' ni Haman, “Miket iko ngalap kuyu' idi kuda ineh pad ngedita' ni Mordekai lun Yahudi ineh. Do' nganau' kuanneh amung-amung luk pangeh bilamu. Ieh tudo munung tanga' ruma'ku.”

AYUB 22:29

Allah ngebeneh lemulun luk medita' niat idi ngulun lemulun luk mebeneh niat.

NANI UBUR 138:6

Sagan tu pana' Tuhan luk Meluun Dita', iamo' Ieh méi' nelun masi', idi kali' lemulun luk medita' niat.

NANI UBUR 18:27

Iko ngulun lemulun luk mebeneh niat, Iamo' Iko ngebeneh lemulun luk medita' niat.

BALE' 15:33

Tot inan Tuhan mangun ku ileh kuanmu. Do' iko mebeneh niat, pad iko ngalap ubur.

BALE' 18:12

Lemulun luk mebeneh niat mo' miak buren. Lemulun luk medita' niat ngacing susa' kuan bururneh sebuleng.

BALE' 25:27

Pelaba ula' duru' tebikan dat bang batekmu. Kudeng ineh teh lemulun luk megéi' pian buren.

BALE' 29:23

Dita' niat ngacing ebpeh lemulun, iamo' lemulun luk mebeneh niat miak buren.

YESAYA 2:11

Muci aco dita' niat lemulun miak ugka', idi sido' niat lemulun uen ngebeneh. Kareb ineh Tuhan sebuleng mo' uen ngerayeh

YESAYA 2:17

Dita' niat idi sido' niat lemulun miak uen ngagka'. Kareb ineh Tuhan sebuleng mo' uen ngedita'.

YESAYA 57:15

“Ui ini Allah luk medita' idi meligan, luk mulun ruked-ruked. Ui tudo déi' su luk medita' idi meligan. Idi teh Ui tudo dengan lemulun luk nginuud idi luk mebeneh niat pelé Ui nuneb nedeh pad ideh merapet teh.

MATIUS 23:12

Idi idé-idé luk ngedita niatneh sebuleng, ieh ineh miak uen ngebeneh peh; idi idé'idé luk ngebeneh niatneh sebuleng, ieh ineh miak uen ngedita' peh.

LUKAS 1:51

Ieh nenatang ticu'Neh luk melalud idi nengatad lemulun luk medita' niat dengan amung terawédeh.

LUKAS 1:52

Ieh nengebeneh raca'-raca' ratnan kerusi imetdeh, idi nengedita' lemulun luk mebeneh.

LUKAS 14:12

Idi Yésus nepebala kuan lemulun luk nenawar Neneh, “Kareb iko nganau' irau kareb maco idi malem, aleg nawar nelun rurummu, kinanakmu, pupumu, idi lun do' luk bang bawangmu, pad ideh na ngua' tawarmu.

LUKAS 18:14

Idi Ui pebala nemuyuh, lemulun ini muli' imo Allah matu baken ratnan lun Parisi ineh; ngaceku anid-anid lemulun luk ngedita' bururneh miak uen ngebeneh; iamo' lemulun luk ngebeneh bururneh miak uen ngedita'.”

YAKUB 1:9

Do' kinanak luk masi' mawang niat kareb ieh uen Allah ngedita',

YAKUB 4:10

Ngebeneh burur muyuh pa kiung Allah, idi Ieh miak ngedita' nemuyuh teh.

YAKUB 4:6

Iamo' katu luk barén Allah meluun tueh. Maya' kudeng bala bang Surat Allah, “Allah sikal metueh ratnan lemulun luk medita' niat, iamo' Ieh maré katu kuan lemulun luk mebeneh niat.”

1 PETRUS 5:5

Kudeng ineh teh, O muyuh lun luk anak adi', do' muyuh mebeneh ratnan lun rayeh-rayeh ineh. Idi do' amung-amung muyuh dengan niat luk mebeneh ngedengan seburur dengan luk baken, ngaceku “Allah sikal metueh ratnan lemulun luk medita' niat, iamo' Ieh maré katuNeh kuan lemulun luk mebeneh niat.”

1 PETRUS 5:6

Ngaceku ineh do' muyuh ngebeneh burur muyuh pa liang ticu' Allah luk meluun melalud ineh, pad Ieh ngedita' nemuyuh bang karebNeh.

SEMUIL LUK PUN-PUN 15:17

Idi kebala Semuil, “Kareb iko isuut bang terawému sebuleng, iko mangun ku lun rayeh amung inul pupu Israil. Idi iko kinikit Tuhan ku raca' amung lun Israil.