LUKAS 13:6 - BALA LUK DO'

⁶ Yésus nemada' kuandeh luk pinginud ini, “Inan selemulun luk inan aceh lawa gita' luk tinibu bang kabun anggurneh. Idi ieh nacing sikal nakap bua' ratnan lawa ineh, iamo' sebuleng pana' nateh luk ilapneh.

LUKAS 13:6 Iomraidhean Croise

YEREMIA 2:21

Iko aceh ilung luk pelaba do' idi bua' anggur luk mepaci', kareb Ui nenibu namu. Iamo' nekini iko mepad kudeng bua' anggur luk melu luk na pianKu.

YEREMIA 8:13

“Ui ini Tuhan miak ngaté amung pupuKu. Ideh mepad kudeng anggur luk na kebua', idi gita' pana', idi don-don pana' mekarang. Ngaceku ineh Ui miak ngua' kuandeh maya' kekamendeh.

LUKAS 13:5

Ui pebala nemuyuh, ‘Baken kudeng ineh! Iamo' kudeng na muyuh uren, kali' rungen amung muyuh pana' miak maté kudeng ineh teh.’ ”

LUKAS 3:9

Idi nekini pana' uai pangeh temina' inan uat lawa kayuh teh, idi anid-anid lawa kayuh luk na ngeruat bua' luk do', ieh ineh miak tebangen idi talan bang apui.”

YAHYA 15:16

Baken muyuh luk nemili' Negku, iamo' Ui ini luk nemili' nemuyuh idi nengeletep nemuyuh, pad muyuh amé' ngeruat mula' bua', idi pad bua' muyuh ineh meruked peh. Idi anun-anun luk pituen muyuh ratnan Taman bag ngadanKu, Ieh miak maré kuan muyuh.

GALATIA 5:22

Iamo' bua'-bua' Roh ineh,ieh ineh awa, mawang niat, pedo', mulai niat, éi' do' niat, lutep maya' jani',

PILIPI 4:17

Idi baken barve ini luk tekapenku, iamo' ui nakap bua'-bua' luk mangun ku peruan muyuh.

LUN LUK NGUYUT 9:11

Iamo' lawa gita' nengor baladeh, ‘Na ui amée' ngimet nemuyuh idi necan amung bua'ku luk mepaci'.’