LUKAS 13:4 - BALA LUK DO'

⁴ Kudeng apehké pulu' ualuh burur lemulun luk naté neritep ku ruma' luk medita' déi' Siloam ineh? Inanké muyuh ngerawé sala'deh meluun rayeh ratnan sala' amung lemulun luk tudo déi' Yerusalim?

LUKAS 13:4 Iomraidhean Croise

RACA'-RACA' LUK PUN-PUN 20:30

Idi ideh luk neketecan ineh neburo iné' bawang Apek. Iamo' libung batudeh netabpa nengeritep 27,000 burur luk neketecan ineh. Idi Benhadad neburo' iné' bang bawang, idi ieh nuta bang takep.

NEHEMIA 3:15

Idi Salum Kolosi, lun rayeh bawang Mispa nemudut baruh Tanga' Bued Apba'. Idi ieh nenganau' aponeh, itekneh, idi palinneh. Idi ieh nemudut ar Takung Sila luk bang kabun raca', macing ican batu luk dalan temurun rat Bawang Daud.

AYUB 1:19

idi inan aceh barui luk nacing rat su luk ali-ali, idi nemalid ruma' ineh idi amung-amungdeh naté. Idi ui sebuleng mo' luk mulun luk maré kali' namu.”

YESAYA 8:6

“Ngaceku pupu ini na pian ku Arur Siloa luk melitong, idi ngaceku ideh megegker pa kiung Raca' Resin idi Raca' Peka,

MATIUS 18:24

Idi kareb ieh nengimun ngelio ratnan balehdeh, inan aceh lun tebarin luk inan baleh tuda'-tuda' ngejuta rigit inuitdeh ame' matun neneh.

MATIUS 6:12

Maré do' ratnan amung sala' kai, mepad kudeng kai pangeh nemaré do' ratnan amung sala' dulun.

LUKAS 11:4

Maré do' ratnan amung-amung sala'kai, ngaceku kai pana' maré do' kuan anid-anid burur luk mesala' pa kiung kai. Idi aleg nguit nekai amé' bang luk nutun.’ ”

LUKAS 13:3

Ui pebala nemuyuh, ‘Baken kudeng ini! Iamo' kudeng muyuh na uren kali' rungen amung muyuh pana' miak maté kudeng ineh teh.’

LUKAS 13:5

Ui pebala nemuyuh, ‘Baken kudeng ineh! Iamo' kudeng na muyuh uren, kali' rungen amung muyuh pana' miak maté kudeng ineh teh.’ ”

YAHYA 9:11

Idi kebalaneh, “Inan selemulun ngadanNeh Yésus nenganau' tana' ineh mesalit, idi nemiid luun matehku idi nepebala, ‘Amé' iko sibaru' déi' Takung Siloam.’ Idi ui pana' iné' sibaru' déi', idi ui miak nier.”

YAHYA 9:7

idi nepebala neneh, “Amé' iko sibaru' déi' bang Takung Siloam!” (Ilung Siloam bang buri' Iberani, ieh ineh “Icuk.”) Idi ieh iné' sibaru', idi nelemubed dengan matehneh nedo.’

KEKAMEN RASUL-RASUL 28:4

Kareb lun bang bawang ineh nenier menipeh ineh ngawil ticu' Paulus, idi ideh nepebala seburur inan seburur, “Kali' rungen lemulun ini lun ngaté. Iamo' Luk Ngua' ineh na maré neneh mulun, sagan pana' ieh pangeh nepuit ratnan susa' bang abpa' rayeh.”