LUKAS 13:35 - BALA LUK DO'

³⁵ Nekini ruma' muyuh pangeh tican ali-ali. Ui pebala nemuyuh, idi na muyuh miak nier Negku teh, pad macing kareb luk muyuh pebala, ‘Samal kuanNeh luk macing bang ngadan Tuhan!’ ”

LUKAS 13:35 Iomraidhean Croise

NANI UBUR 118:26

Allah ngeperuan lemulun luk macing bang ngadan Tuhan! Kai ngeperuan nemuyuh rat bang Ruma' Tuhan!

NANI UBUR 69:25

pad su luk inandeh nelupo dat ali, ngaceku amung-amungdeh pangeh naté!

YESAYA 52:7

Pelaba do' ayu lemulun luk guta pegkung pian nguit bala luk do', ieh ineh bala awang! Ieh mada' ratnan tuehneh, idi kebalaneh kuan Sion, “Allah muyuh ineh raca'!”

YEREMIA 22:5

Iamo' kudeng muyuh na maya' balaKu, idi Ui sebuleng mulung nemuyuh, idi ruma' muyuh ini miak metabpa. Ui ini Tuhan pangeh nepebala.

YEREMIA 35:17

Ngaceku ineh, Ui ini, Tuhan luk Melalud, Allah lun Israil miak ngacing kuan muyuh lun Yahuda idi lun Yerusalim amung dereh luk pijani'Ku. Ui miak nganau' kudeng ini, ngaceku kareb Ui nepebala nemuyuh, muyuh na neninger balaKu, idi kareb Ui nenawar nemuyuh, muyuh na nengor balaKu.”

MIKA 3:12

Idi nekini, ngaceku sala' muyuh, Sion miak uen ngeradu mepad kudeng aceh lati', Yerusalim miak mangun ku aceh usag batu, idi surud su luk inan Ruma' Allah miak mangun ku pulung.

SEKARIA 12:10

“Ui miak ngutang kuan inul Daud idi kuan lun Yerusalim Roh éi' idi Roh sembayang. Idi ideh miak nier Neneh luk pangeh tibpekdeh. Idi ideh temido Neneh, mepad kudeng lemulun luk temido anak buleng. Ideh miak temido dengan pelaba susa' niat, mepad kudeng lemulun temido anak deléideh luk atun.

SEKARIA 14:2

Tuhan miak ngamung amung-amung pupu pad ideh munu' Yerusalim. Bawang rayeh ineh miak lapen, ruma'-ruma' miak uen ngaro, idi decur-decur miak inan pasét. Sebuang lemulun miak tebanen, iamo' lemulun luk ketecan na uen ngusu rat bang bawang rayeh ineh.

MATIUS 21:9

Idi lun mula' luk nenalan pa atunNeh idi pa ketedNeh nengitang, keburi'deh, “Ngubur Anak Daud! Samal kuanNeh luk macing bang ngadan Tuhan! Ngubur Allah!”

MATIUS 23:37

“O Yerusalim, Yerusalim! Iko ngaté nabi-nabi, idi mitung lemulun luk icuk amé' namu ku batu-batu. Tuda' kua' Ui sikal ngamung anak-anakmu mepad kudeng aceh tineh lal luk ngerukub anak-anakneh liang iladneh, iamo' na muyuh sikal!

LUKAS 19:41

Kareb Yésus muneng ku Yerusalim, idi Ieh nenier bawang ineh idi Ieh nenangi',

LUKAS 21:24

Sebuang lemulun miak pitayen ku pelapet, idi lun baken miak tebanen amé' bang amung bawang luk baken; idi Yerusalim miak riduen-riduen lun luk na manu, pad macing kareb imetdeh mabud.

YAHYA 12:13

Ideh nengalap angat-angat piasau idi iné' ngalap Yésus. Ideh nengitang, “Ngubur Allah! Samal kuanNeh luk macing bang ngadan Tuhan, ieh ineh Raca' Israil!”