LUKAS 13:34 - BALA LUK DO'

³⁴ “O Yerusalim, Yerusalim! Iko nengaté nabi-nabi, idi nemitung lemulun luk icuk amé' namu ku batu! Tuda' kua' Ui sikal ngamung anak-anakmu mepad kudeng aceh tineh lal luk ngerukub anak-anakneh liang iladneh, iamo' na muyuh sikal!

LUKAS 13:34 Iomraidhean Croise

NEHEMIA 9:26

“Iamo' pupuMu sikal metueh rat Namu idi na maya' balaMu; ideh neteketed ratnan UkumMu. Ideh nengaté amung nabi luk nemada' nedeh, idi luk nengecuk nedeh lumi Namu. Idi ideh megéi' ngedat Namu,

NEHEMIA 9:30

Anid-anid lak Iko ngubuk nedeh. Nabi-nabiMu nepebala, iamo pupuMu mebengel, pad Iko nemaré pupu baken nengimet nedeh.

NANI UBUR 149:2

O Israil, do' iko mawang niat, ngaceku Lun luk Mudut namu; O lun Sion, do' muyuh mawang niat ngaceku Raca' muyuh!

NANI UBUR 17:8

Ngelibung negku, mepad kudeng ngelinged matehMu, idi ngapung negku iang iladMu,

NANI UBUR 36:7

Allah, awaMu luk lutep pelaba do'! Lemulun peringucung pa liang iladMu.

NANI UBUR 57:1

Méi' negku, O Allah, méi' negku, ngaceku Iko ineh libungku. Pa liang lungun iladMu, ui peringucung, pad amung dereh lemaba.

NANI UBUR 81:13

Ui pelaba pian pupuKu ninger balaKu; idi pian nedeh maya' ukumKu,

NANI UBUR 91:4

Ieh miak ngerukub namu ku iladNeh; pad iko pitarinNeh dengan do', idi jani'Neh luk lutep miak matar idi ngelibung namu.

YESAYA 30:15

Kebala Tuhan Allah Israil luk Meligan inan pupuNeh, “Amé' Negku, idi teh merapet Negku, pelé muyuh metueh idi do' udeng.” Iamo' na muyuh pian!

YESAYA 50:2

“Ngudehké pupuKu na nengor balaKu, kareb Ui iné' ngulun nedeh idi nenawar nedeh? Matuké Ui melaya' pad na miak ngulun nedeh? Dengan sebuleng ecuk Ui miak ngekeket abpa' rayeh, idi ngisu' abpa' mangun ku su luk ali-ali; pad lawid maté ngaceku na abpa';

YEREMIA 2:30

Ui nengukum nemuyuh, iamo' na ulekneh, ngaceku muyuh na pian badén. Muyuh nengaté nabi muyuh, mepad kudeng balang luk mesangit.

YEREMIA 26:23

Ideh nenguit ni Uria lemubed rat Masir kuan Raca' Yoyakim luk nengecuk ngaté neneh idi nala' butungneh bang lengutan lun masi'.)

YEREMIA 35:14

Inul Yonadab pangeh nemaya' ukumneh na miak ngirup abpa' anggur, pad ideh na ngirup macing aco sini, ngaceku ideh maya' ukum luk biré tepundeh. Iamo' Ui na ugka' mada' nemuyuh, idi muyuh na maya' balaKu.

YEREMIA 35:17

Ngaceku ineh, Ui ini, Tuhan luk Melalud, Allah lun Israil miak ngacing kuan muyuh lun Yahuda idi lun Yerusalim amung dereh luk pijani'Ku. Ui miak nganau' kudeng ini, ngaceku kareb Ui nepebala nemuyuh, muyuh na neninger balaKu, idi kareb Ui nenawar nemuyuh, muyuh na nengor balaKu.”

YEREMIA 6:16

Kebala Tuhan kuan pupuNeh, “Tuped déi' lisangen dalan idi nier; ngitun dalan luk meruked, ieh ineh dalan luk meluun do'. Maya' dalan ineh, pad muyuh do' udeng.” Iamo' keburi'deh, “Na kai pian maya' dalan ineh.”

TIDO YEREMIA 1:16

“Ineh punneh abpa' matehku mebpeh. Idi ui na miak buken idi mawang niat. Bunu' ineh metueh rat nekai; idi pupuku pelaba susa' niat.

TIDO YEREMIA 4:13

Iamo' ineh nangun. Nabi idi imamneh pangeh nenganau' sala', pad ngacing até kuan lemulun luk na mesala'.

HOSIA 11:2

Iamo' sagan tu pana' Ui megéi' nawar neneh, ieh teketed tu-tu rat Negku. PupuKu ineh nemaré baré kuan Baal; idi nengeseb umau luk do' buen kuan akang.

HOSIA 11:7

Ideh neteketed rat Negku, pad ideh na miak puatin ratnan bua' sala'deh. Ideh miak ngarod ngaceku paga' luk ruen luundeh, iamo' seburur pana' nateh luk miak muit nedeh.

YOEL 2:23

“O lun Sion, do; mawang niat, ngaceku luk inau' Tuhan Allah muyuh kuan muyuh. Ieh pangeh nemaré udan luk petap, do' udan luk atun idi udan luk muci pana'.

SEKARIA 1:4

Aleg muyuh mepad kudeng tepun muyuh. Nabi-nabi luk mulun bang kareb luk mon nemaré balaKu nedeh, idi nemebpeng nedeh na nganau' luk dat. Iamo' na ideh pian ninger balaKu.

MATIUS 22:3

Ieh nengecuk demulun-demulunneh amé' nawar lemulun luk pangeh titengneh amé' ku irau ineh; idi ideh ara' amé'.

MATIUS 22:6

Lun baken teh nengakem demulun raca' ineh, idi nemebal nedeh, idi nengaté nedeh.

LUKAS 15:28

Idi anak luk rayeh ineh museh na sikal semuet bang ruma', idi tamanneh neremuat ngubuk neneh semuet.

LUKAS 19:44

Ideh miak ngusag namu idi ngaté anak-anakmu, idi sebuleng batu pana' luk pebuun dengan luk baken na ketecan bang namu, ngaceku iko na nekali' karebneh Allah iné' ngulun namu.”

LUKAS 23:28

Iamo' Yésus nelumi nedeh idi nepebala, “O anak decur Yerusalim, aleg muyuh nangi' Negku, iamo' do' muyuh nangi' burur muyuh sebuleng idi anak-anak muyuh teh.

KEKAMEN RASUL-RASUL 7:52

Idéké nabi luk na pidereh tepun muyuh ineh? Ideh nengaté amung-amung lemulun luk nemada' atun ratnan acing Lun luk Matu ineh, ieh ineh luk pangeh biré muyuh nekini idi luk pinaté muyuh teh.

KEKAMEN RASUL-RASUL 7:59

Idi laba' ideh mitung ni Stepanus idi ieh sembayang, “O Tuhan Yésus, lapenMu rohku.”

KEKAMEN RASUL-RASUL 8:1

Idi Saul mawang niat ku Stepanus ineh pinaté. Bang aco sineh nacing aceh pedereh luk rayeh bang sidang déi' Yerusalim, idi amungdeh nepatad-patad aput bawang Yudia idi Samaria, iamo' rasul-rasul mo' luk ketecan.

BADA' RATNAN UKUM 32:29

Kudeng ideh mileh, kali' rungen ideh kali' amung ineh, idi miak kali' kekipeddeh.

BADA' RATNAN UKUM 5:29

Idi meluun do' ideh megéi' matot Negku idi nginita amung balaKu, pad ideh idi anak-anakdeh do' udeng macing ruked-ruked!

BALA LUK LINIO 11:8

Idi butung didueh miak telubid nan dalan bawang luk rayeh, luk dengan pinginud titen Sodom idi Masir, su luk inan Tuhan didueh sinalib ineh.

SURAT RUT 2:12

Do' Tuhan ngua' ratnan luk inau'mu. Do' Tuhan Allah lun Israil luk nematar namu iang iladNeh, ngua' kuanmu dengan petap.”