LUKAS 13:33 - BALA LUK DO'

³³ Iamo' na miak na Ui ngetacu lawéKu bang aco sini, nebpa idi soriak; ngaceku na miak seburur nabi pitayen mado rat Yerusalim.

LUKAS 13:33 Iomraidhean Croise

MATIUS 20:18

“Ninger muyuh, nekini tau amé' déi' Yerusalim; idi Anak-Lemulun miak barén bang palad imam-imam rayeh, idi guru-guru Ukum teh; idi ideh sikal ngaté Neneh.

MATIUS 21:11

Idi lun mula' nepebala, “Ieh ineh seburur nabi, Yésus lun Nasarét, luk bang bawang Galilia.”

LUKAS 9:53

Iamo' na ideh pian nganak Neneh, ngaceku megala' Ieh amé' Yerusalim.

YAHYA 11:54

Ngaceku ineh Yésus nalan dengan silagan déi' Yudia, iamo' Ieh iné' inan aceh bawang muneng ku su luk ali-ali, bang aceh bawang luk titen Epraim. Idi Ieh netudo déi' dengan anak-anak sekolaNeh.

YAHYA 11:9

Idi kebala Yésus, “Bakenké bang seaco pulu' dueh jam? Kudeng selemulun nalan kareb acang aco na ieh matuk, ngaceku ieh nier acang tana' ini.

YAHYA 12:35

Idi kebala Yésus nedeh, “Acang ineh idi arang muyuh segageh mo'. Do' muyuh nalan kareb acang ineh idi arang muyuh, pad dacem na ngili nemuyuh. Lemulun luk nalan bang dacem, na ieh kali' iapeh luk suetneh.

YAHYA 4:34

Idi kebala Yésus nedeh, “AkanKu, ieh ineh nganau' luk pianNeh luk nengecuk Negku, idi ngeriput kekamenNeh.

YAHYA 9:4

Do' tau nganau' kekamen Allah luk nengecuk Negku ini kareb aco macang teh. Ngaceku dacem sikal macing idi kareb ineh seburur pana' na miak ngakem.

KEKAMEN RASUL-RASUL 10:38

Muyuh pangeh neninger ratnan Yésus lun Nasarét ineh, kudeng apeh Allah pangeh nengumau Neneh ku Roh Meligan idi lalud. Ieh nenalan iné' iapeh-iapeh idi nenganau' kekamen luk do', idi nengedo' amung-amung lemulun luk inimet Iblis; ngaceku Allah nengedengan Neneh.

KEKAMEN RASUL-RASUL 13:27

Ngaceku lemulun luk tudo déi' Yerusalim idi lun rayeh-rayehdeh na miti Yésus ineh Lun Nengulun, ideh na kali' ilung bala nabi-nabi luk bica'deh anid Aco luk inan Mudeng, idi ideh nengacing bala nabi-nabi kareb ideh nengukum Yésus.