LUKAS 13:28 - BALA LUK DO'

²⁸ Idi su ineh muyuh tangi'-tangi' idi pekatep lipen, kareb muyuh nier Ibrahim, Isak, idi Yakub, idi amung-amung nabi bang Imet Allah, iamo' muyuh sebuleng duken remuat.

LUKAS 13:28 Iomraidhean Croise

NANI UBUR 112:10

Lemulun luk dat nier ineh idi ideh museh; idi ideh pelaba gateh idi buro; luk piandeh na mekalapdeh ruked-ruked.

MATIUS 13:42

Idi ideh sikal nala' nedeh bang tetel apui. Su ineh lemulun tangi'-tangi' idi pekatep lipen.

MATIUS 13:50

idi nala' nedeh bang tetel apui. Su ineh lemulun tangi'-tangi' idi pekatep lipen.”

MATIUS 22:13

Idi kebala raca' ineh kuan demulun-demulunneh, ‘Ngaling ticu' idi kukudneh, idi nala' neneh bang dacem luk déi' liang. Su ineh ieh nangi' idi pekatep lipen.’ ”

MATIUS 24:51

Tuanneh miak ngaté neneh pad ieh ngalap babpat dengan lun luk siayu, idi su ineh lemulu tangi'-tangi' idi pekatep lipen.

MATIUS 25:30

Idi do' muyuh nala' demulun luk na ulek ini bang dacem luk déi' liang. Su ineh lemulun tangi'-tangi' idi pekatep lipen.’

LUKAS 10:15

Idi iko, O Kapernaum, iko pian uen ngedita' macing langit. Iamo' iko miak uen ngebeneh macing su inan até!”

LUKAS 14:15

Kareb seburur rat arangdeh luk kuman ineh neninger luk kudeng ini, idi ieh nepebala kuan Yésus, “Samal kuan lemulun luk kuman ruti bang Imet Allah.”

LUKAS 16:23

Ieh pelaba dereh bang Su luk inan Até, idi ieh netukag, idi nenier Ibrahim luk mado idi Lasarus iringneh.

2 TESALONIKA 1:5

Ineh luk mangun ku tanu' ratnan ukum Allah luk matu, ratnan muyuh mayu ruen ngiap kuan Imet Allah, idi ngaceku ineh muyuh kali' medereh teh.

2 PETRUS 1:11

Dengan dalan ineh muyuh miak simén semuet bang Imet luk meruked, ieh ineh Imet Yésus Keristus, Tuhan tau idi Lun Nengulun.

BALA LUK LINIO 21:8

Iamo' kuan lun luk matot, idi lun luk na manu, lun luk melutak, lun luk ngaté, lun luk pasét, lun luk mangun idi sembayang inan akang, idi lun luk mebalih, babpatdeh ineh inan déi' bang takung luk mebudung ku apui idi batu apui, ieh ineh até luk kedueh.”

BALA LUK LINIO 22:15

Iamo' lemulun luk dat, lemulun luk mangun, lemulun luk pasét, lemulun luk ngaté, lemulun luk sembayang inan akang, idi idé-idé luk geregan ku balih idi nganau' luk mebalih, amung-amungdeh ketecan déi' liang.