LUKAS 13:25 - BALA LUK DO'

²⁵ Tuan ruma' ineh miak tumui idi ngitek tanga', idi muci kareb muyuh tuped bal alad idi ngimun nateg tanga', kebala muyuh, ‘O Tuan, ngukab tanga' kuan kai!’ idi Ieh pana' miak ngor bala muyuh keburi'Neh, ‘Ui na kali' rat iapeh muyuh nacing!’

LUKAS 13:25 Iomraidhean Croise

PUDUT 7:16

Idi ideh luk nesemuet ineh, ieh ineh deléi idi tineh ratnan amung-amung pudut, idi ideh nesemuet maya' kudeng luk icuk Allah ni Noh. Idi Tuhan nengitek tanga' alud ineh.

NANI UBUR 32:6

Ngaceku ineh, do' amung pupuMu luk manu sembayang Namu kareb inan susa'. Kareb inan abpa' tubu' belen, na ieh miak macing nedeh.

YESAYA 55:6

Lumi inan Tuhan idi sembayang pa kiungNeh, kareb Ieh muneng nemuyuh.

MATIUS 25:41

“Idi Ieh pebala kuan lemulun luk pa kabingNeh, ‘Buro rat Negku, O muyuh luk binulung, idi semuet bang apui luk meruked, luk tinina' kuan Iblis dengan melaikat-melaikatneh!

LUKAS 13:27

Idi Ieh miak pebala nemuyuh, ‘Ui na kali' rat iapeh muyuh nacing; buro muyuh rat Negku, amung muyuh luk nganau' luk dat!’

LUKAS 3:8

Do' muyuh ngeruat bua'-bua' luk petulu dengan uren, idi aleg muyuh ngimun pebala bang niat muyuh, ‘Ibrahim, ieh ineh tepun kai,’ ngaceku ui pebala nemuyuh, Allah melalud ngisu' batu-batu ini mangun ku anak-anak Ibrahim.

LUKAS 6:46

“Ngudehké muyuh nawar Negku, ‘Tuhan, Tuhan,’ iamo' na muyuh maya' luk bilaKu?

2 KORINTUS 6:2

Ngaceku Allah pebala, “Kareb aco luk petulu Ui neninger balamu. Idi kareb aco ulun Ui nengedengan namu.” Setuneh nekini karebneh luk petulu ineh, idi matu aco ulun pangeh macing.

IBERANI 12:17

Ngaceku muyuh pangeh kali' idi muci ratnan ineh, kareb ieh sikal ngalap babpat peruan ineh, idi ieh tila', ngaceku na inan kareb ieh miak uren, sagan pana' peruan ineh tikapneh dengan tangi'.