LUKAS 13:24 - BALA LUK DO'

²⁴ “Do' ngekél burur muyuh semuet maya' tanga' luk meperi', ngaceku mula' lemulun luk sikal semuet iamo' na miak.

LUKAS 13:24 Iomraidhean Croise

BALE' 14:6

Lun luk medita' niat na tu amé' mileh, iamo' lemulun luk do' kali' saget mileh.

BALE' 21:25

Lemulun luk mekupé ngaté bururneh sebuleng, ngaceku ieh ara' ngakem.

LUN LUK MADA' 10:15

Kudeng lemulun luk mebacé ngakem, ieh pelaba erur. Idi ieh na miak amé' kadai ngaceku ieh na kali' dalan.

YESAYA 1:15

“Kareb muyuh sembayang idi ngiding ticu' muyuh Ui na sikal nier nemuyuh. Sagan tu pana' muyuh mekadang sembayang, Ui na sikal ninger ngaceku ticu' muyuh melutak ku dara'.

YEHISKIEL 33:31

Idi pupuKu mepamung pian ninger balamu, iamo' na ideh maya' luk belénmu nedeh. Ideh ngubur balamu, iamo' ideh pian ngalap usin mo'.

MATIUS 11:12

Idi rat kareb Yahya mada' macing nekini, Imet surga inaro lemulun, idi lemulun luk metueh nutun ngalap neneh.

LUKAS 13:23

Idi seburur lemulun nepebala Neneh, “O Tuhan, pawa'ké lemulun luk ngalap ulun?” Idi kebala Yésus nedeh,

LUKAS 21:36

Do' muyuh megéi matar idi sembayang, pad muyuh metueh muit burur muyuh ratnan amung-amung luk sikal mangun ineh, idi tuman matun Anak-Lemulun.”

YAHYA 13:33

O anak-anakKu, segageh mo' kinioneh Ui tudo dengan muyuh. Muyuh sikal nakap Negku. Iamo' mepad kudeng Ui pangeh nepebala kuan lun Yahudi, Ui pebala kuan muyuh, ‘Su luk inanKu amé', muyuh na miak macing.’

YAHYA 5:4

ngaceku nganét kareb aceh melaikat Tuhan temurun bang takung neh idi ngelipu' abpa', idi lun mét luk temurun atun bang takung ineh, kareb abpa'neh melipu', idi ieh do'ratnan anun-anun luk métneh.)

YAHYA 6:27

Aleg muyuh ngakem ngaceku akan luk melu, iamo' ngaceku akan luk meraben macing inan ulun luk meruked. Akan ineh miak barén Anak-Lemulun nemuyuh ngaceku Allah Taman pangeh nenganau' etuNeh luunNeh pad ngamo Neneh matu.”

YAHYA 7:34

Muyuh sikal nakap Negku, idi na muyuh miak ngalap Negku: idi su luk inanKu, muyuh na miak macing.”

YAHYA 8:21

Kebala Yésus nedeh teh, “Ui ini amé', idi muyuh sikal nakap Negku, iamo' muyuh miak maté bang sala' muyuh. Muyuh na miak macing su luk inanKu amé'.”

SURAT LUK BIRE PAULUS KUAN LUN RUM 10:3

Na ideh ngiti luk matu ratnan Allah, idi ideh nutun ngeletep dalan pad ideh ruen matu maya' terawédeh sebuleng. Idi na ideh nengebeneh bururdeh pad ideh ruen matu maya' pian Allah.

KOLOSE 1:29

Idi ini punneh ui merur teh, idi mekél dengan matu, maya' tueh Keristus luk ngakem bang negku.

IBERANI 4:11

Ngaceku ineh, do' tau ngekél burur tau semuet bang luk inan Allah ucu' ineh, pad seburur pana' na miak mebpeh, mepad kudeng ideh luk nengelaba ukum.

YUSAK 7:3

Kareb ideh nelemubed iné' ni Yusak, kebaladeh, “Aleg mula' tu amé' déi'. Iamo' do' ngecuk dueh kian teluh ngeribu burur amé' ngaro bawang Ai. Aleg ngecuk nedeh amé' amung, ngaceku ideh masi' burur.”

2 PETRUS 1:10

Ngaceku ineh, O kinanak-kinanakku, do' muyuh mekél ngeletep tawar idi pili' Allah ineh, pad muyuh tuped meraben. Kudeng muyuh nganau' kudeng ineh, na muyuh meraruh.