LUKAS 13:19 - BALA LUK DO'

¹⁹ Ieh ineh mepad kudeng aceh ngilung sesawi', luk inuit idi inisak selemulun bang kebunneh sebuleng. Idi ilung ineh mulun, idi mangun ku aceh lawa, pad suit-suit pana' ngarar luun angat-angatneh.”

LUKAS 13:19 Iomraidhean Croise

NANI SELIMUN 4:12

Awa luk awanku ineh mepad kudeng aceh kabun luk melinged idi luk linibung, idi kudeng aceh bued luk na melagan.

NANI SELIMUN 4:16

O bui rat pa tinueh busat aco idi rat pa kabing busat aco, do' tumui idi mebui bang kabunku, idi nguit buen luk do'. Nima' awaku amé' bang kabunneh, idi kuman bua' luk meluun do'.

NANI SELIMUN 6:2

Awa kidi iné' bang kabun nidi, su luk inan kayuh luk do' buen mulun. Ieh maman dumbaneh bang kabun, idi ngamung bunga' ukit.

NANI SELIMUN 8:13

O awaku, luk tudo bang kabunku, anunké luk pedingeren lun rurumku? Nima' negku ninger uni tangmu teh.

YESAYA 53:1

Kebala lun mula', “Pawa' lemulun luk miak manu ku luk badén kai? Iamo' kuan lun manu lalud Tuhan megala' bang amung ineh.

YESAYA 53:10

Kebala Tuhan, “Ieh pidereh maya' pianKu; até ineh aceh baré luk ngacing do' ratnan sala', pad Ieh miak kali' inulNeh. Ieh miak mulun baruh. Idi rat Neneh, luk teruayenKu uen ngacing.

YESAYA 58:11

Idi Ui nguyut nemuyuh ruked-ruked, idi maré petap kuan muyuh. Ui maré tueh burur idi do' ulun nemuyuh, pelé muyuh mepad kudeng kabun luk petap abpa', idi mepad kudeng bued abpa' luk na mekeket.

YESAYA 61:11

Tuhan lutep ngulun pupuNeh, mepad kudeng pimara na miak na mulun idi temubu', idi amung pupu miak ngubur Neneh.

YESAYA 9:7

Lalud luk Neneh iuk-iuk temubu' idi imetNeh megéi' do' udeng. Ieh miak ngelibal imet Raca' Daud. Luk matu idi mesiri mangun ku lawa laludNeh, rat kareb ini macing kekipedneh. Tuhan luk Melalud miak ngeletep amung ineh.

YEREMIA 31:12

Ideh miak amé' menani dengan mawang niat luun Pegkung Sion, idi ideh mawang niat ku baréKu, ieh ineh padé, abpa' anggur, umau, dumba, idi sapi' pana'. Ideh mepad kudeng aceh kabun luk megéi' uen mubpur, idi ideh na miak medereh teh.

YEHISKIEL 31:6

Amung-amung suit nengarar udungmu. Idi pung luk mesangit nenganak liang lungungmu. Idi amung pupu bang tana' ini nengato erurdeh su ineh.

DANIEL 4:12

Idi donneh pelaba do' taga, idi bua'neh pelaba ula', pad miak kenen amung luk mulun bang tana' ini. Pung luk meliput tudo ngato erurdeh su lungung kayuh ineh. Suit-suit nenganau' arardeh nan angatneh. Idi amung luk mulun nekuman bua' ineh.

DANIEL 4:21

Idi donneh pelaba do' taga, idi bua'neh pelaba ula' pad miak kenen amung luk mulun bang tana' ini. Pung luk meliput tudo su lungungneh, idi suit-suit nenganau' arardeh nan angatneh.

SEKARIA 2:11

Idi bang kareb ineh mula' pupu miak amé' inan Tuhan idi mangun ku pupuNeh. Ieh miak tudo arang muyuh, idi muyuh miak kali' Tuhan luk nengecuk negku amé' nemuyuh.

MATIUS 17:20

Idi kebala Yésus nedeh, “Ngaceku muyuh na petap anu. Ngerawé do'-do', kudeng anu muyuh kirayeh aceh ngilung sesawi' pana', miak mo' muyuh pebala kuan pegkung ini, ‘Mubuh iko rat tungé' idi amé' déi',’ idi kali' rungen ieh mubuh peh; idi na luk idi anun-anun luk na miak ruen muyuh.

MARKUS 4:30

Idi kebala Yésus, ‘Kudeng apehké luk pian tau maad Imet Allah, idi dengan pinginud luk kudeng apehké miak tau ngegala' ratnan ineh?

LUKAS 17:6

Idi kebala Yésus, “Kudeng muyuh inan anu luk kirayeh aceh ngilung sesawi' pana', idi miak muyuh pebala kuan lawa gita' ini, ‘Mebubput iko idi uen nibu bang abpa' rayeh!’ Idi ieh pana' maya' balamu teh.’

KEKAMEN RASUL-RASUL 2:41

Mula' lemulun manu ku balaneh pad ideh rireb peh. Kareb aco ineh teh inan lélé teluh ngeribu burur luk nemaya' nedeh.

KEKAMEN RASUL-RASUL 21:20

Kareb ideh pangeh neninger bala Paulus, ideh nengerayeh Allah idi nepebala neneh, “O kinanak, siruh! Inan tuda'-tuda' ngeribu lun Yahudi luk pangeh manu, iamo' amung-amungdeh ineh mepicet ngimet Ukum Musa.

KEKAMEN RASUL-RASUL 4:4

Iamo' mula' lemulun luk neninger bala ineh manu; idi amung deléi ineh lélé macing limeh ngeribu burur.

SURAT LUK BIRE PAULUS KUAN LUN RUM 15:19

dengan lalud tanu' idi kekamen luk nan mawa, idi dengan lalud Roh Meligan, pad ngimun rat Yerusalim idi macing déi' Ilirikum ui pangeh nemada' megala' Bala luk Do' ratnan Keristus.

BALA LUK LINIO 11:15

Idi melaikat luk ketudu' ineh nengiup serupitneh, idi inan tuda'-tuda' arod déi' surga luk pebala, “Imet tana' ini mangun ku Imet Tuhan tau, idi Imet KeristusNeh, idi Ieh miak ngimet macing ruked-ruked peh.”