LUKAS 13:17 - BALA LUK DO'

¹⁷ Kareb Yésus nepebala kudeng ineh, amung-amung bunu'Neh migu' peh, iamo' amung-amung lun mula' ineh mawang niat ngaceku amung-amung kekamen luk rayeh luk pangeh inau'Neh.

LUKAS 13:17 Iomraidhean Croise

NANI UBUR 109:29

Nima' bunu'ku mepanu' ku igu'; idi nima' nedeh makai igu'deh mepad kudeng kuyu'.

NANI UBUR 111:3

Amung luk ruenNeh mepanu' ku ubur idi dita'; idi siriNeh meruked.

NANI UBUR 132:18

Ui miak ngigu' bunu'neh, iamo' imetneh miak uen ngeperuan idi iuk amé' rayeh.”

NANI UBUR 40:14

Nima' lemulun luk sikal ngaté negku uen ngelaya' idi uen ngagap. Nima' lemulun luk mawang niat ngaceku derehku uen ngelubed idi uen ngigu'.

PURA' 15:11

“O Tuhan, idé luk mepad kudeng Iko arang amung allah? Idé luk mepad kudeng Iko, luk rayeh bang ligan? Idé luk nganau' tanu' idi kekamen luk melalud mepad kudeng luk inau'Mu?

YESAYA 4:2

Kareb ineh teh Tuhan nganau' amung tibu bang bawang ineh amé' rayeh idi metaga. Amung pupu Israil luk mulun mawang niat ku uli' tana' ineh.

YESAYA 45:24

“Ideh miak pebala, “Ratnan Tuhan mo' inan tueh idi lalud.’ Iamo' amung lemulun luk megateh Negku uen ngigu'.

YESAYA 66:5

O muyuh luk matot inan Tuhan idi luk maya' ukumNeh, do' ninger balaNeh: “Sebuang pupu muyuh megateh nemuyuh idi na sikal perurum nemuyuh, ngaceku muyuh lutep maya' Negku. Ideh situnga nemuyuh, kebaladeh, ‘Kai pian nier nemuyuh mawang niat, nima' Tuhan ngegala' rayehNeh pad ngulun nemuyuh.’ Iamo' ideh ineh luk uen ngigu'!

LUKAS 14:6

Idi na ideh miak ngor amung-amung balaNeh ineh teh.

LUKAS 18:43

Idi petacu ieh miak nier peh, idi nemaya' Yésus idi nengerayeh Allah. Kareb lun mula' nenier ineh, idi ideh nengubur Allah.

LUKAS 19:48

Idi na ideh kali' anun-anun luk miak ruendeh ineh, ngaceku amung pupu ineh merapet Neneh idi sikal ninger balaNeh.

LUKAS 20:40

Ngaceku na ideh mekuu' ngitun Neneh baruh peh.

KEKAMEN RASUL-RASUL 4:21

Iamo' lun rayeh-rayeh ineh metueh mebpeng nedidueh idi ideh nemuit nedidueh, ngaceku na luk idi punneh ideh ngukum nedidueh, ngaceku lun mula' nengerayeh Allah ngaceku ratnan tanu' luk pangeh mangun.

2 TIMOTIUS 3:9

Iamo' na ideh miak mekél, ngaceku bacédeh miak megala' kuan amung-amung, mepad kudeng bacé dueh burur lemulun ini.

TITUS 2:8

Makai bala luk matu luk na miak uen ngesala', pad ngigu' lemulun luk sikal metueh, ngaceku na luk inandeh ngedat netau.

1 PETRUS 3:16

iamo' dengan mebeneh niat idi maré ubur idi dengan teruayen niat luk do', pad kareb muyuh uen lemulun ngedat ngaceku ulun muyuh luk do' bang Keristus, lemulun ineh miak uen ngigu'.