LUKAS 13:14 - BALA LUK DO'

¹⁴ Idi lun rayeh ruma' sembayang ineh museh ngaceku Yésus nengedo' lemulun kareb Aco luk inan Mudeng, idi kebalaneh nelun mula',“Inan anem aco luk inan lemulun miak ngakem; ngaceku ineh do' lemulun macing bang aco ineh pad ideh miak uen ngedo', iamo' aleg kareb Aco luk inan Mudeng.”

LUKAS 13:14 Iomraidhean Croise

PURA' 20:9

Anem aco kinioneh iko ngakem kekamen luk kuan bururmu sebuleng.

PURA' 23:12

“Do' iko ngakem anem aco kinioneh. Iamo' aco luk ketudu' aleg iko ngadem, pad sapi' idi keladaimu pana' miak ucu'. Idi demulun idi sakaimu pana' miak ngato erurdeh.

YEHISKIEL 20:12

Ui nenganau' Aco luk inan Mudeng mangun ku tanu' jani' kai, pad ideh kali' Ui ini Tuhan ngeligan nedeh.

YEHISKIEL 34:21

Muyuh nemanul dumba luk mét idi nengagkul nedeh ratnan sengeriudan.

UKUM 23:3

Anem aco kinioneh muyuh miak ngakem, iamo' aco luk ketudu' muyuh ngato erur muyuh pa kiung Tuhan, su luk inan amung muyuh tudo. Ieh ineh Aco luk inan Mudeng kuan aceh tebubpun sembayang. Idi kekamen anun-anun pana' aleg muyuh nganau'.

MATIUS 12:2

Kareb lun Parisi nenier luk kudeng ineh, idi kebaladeh kuan Yésus, “Siruh, anak-anak sekola'Mu nganau' luk bibpeng kareb Aco luk inan Mudeng.”

MARKUS 5:22

Idi Yairus, lun rayeh ruma' sembayang, iné' Neneh. Kareb ieh nenier Yésus, idi ieh netekeradung pa kiungNeh,

LUKAS 6:11

Idi amungdeh ineh pelaba gateh. Idi ideh nepegayam arangdeh sebuleng, ratnan anun luk miak ruendeh kuan Yésus.

LUKAS 6:7

Idi guru-guru Ukum idi lun Parisi pana' nenier kudeng Ieh ngedo' lemulun ineh bang Aco luk inan Mudeng, pad ideh miak kali' dalan ngadu' Neneh.

LUKAS 8:41

Idi seburur lemulun luk ngadanneh Yairus, ieh ineh seburur lun rayeh ruma' sembayang nacing idi netekeradung iring kukud Yésus, mutuh Neneh amé' ruma'neh.

KEKAMEN RASUL-RASUL 13:15

Kareb ideh pangeh nemaca' surat Ukum Musa idi surat nabi-nabi, idi lun rayeh-rayeh ruma' sembayang ineh nengecuk lemulun amé' matun rasul-rasul ineh, keburi'deh, “O kinanak-kinanakku, kudeng inan rat arang muyuh luk sikal mala aceh bala luk miak ngubuk pupu ineh, do' mala nekini.”

KEKAMEN RASUL-RASUL 18:17

Idi amung-amungdeh nedupeh ni Sostenis, lun rayeh ruma' sembayang ineh, idi nemebal neneh pa kiung besara' ineh. Iamo' Galio ungeng ratnan ineh.

KEKAMEN RASUL-RASUL 18:8

Krispus, lun rayeh ruma' sembayang ineh, dengan amung uang tetek ruma'neh manu nan Tuhan, idi mula' lun Korintus pana' luk neninger bala Tuhan petacu manu idi rireb peh.

SURAT LUK BIRE PAULUS KUAN LUN RUM 10:2

Ui mangun ku lun nekali' kuandeh ratnan ideh mepicet inan Allah, iamo' baya'deh baken ratnan ileh luk matu.

BADA' RATNAN UKUM 5:13

Anem aco kinioneh iko miak ngakem.