LUKAS 13:11 - BALA LUK DO'

¹¹ idi inan seburur decur luk sinuet ada' luk ngelaya' burur pangeh pulu' ualuh lak kinioneh, macing ketedneh pangeh tebukut, pad ieh na miak ngesiri bururneh.

LUKAS 13:11 Iomraidhean Croise

AYUB 2:7

Idi Sétan neburo rat pa kiung Tuhan, idi ieh nenganau' puruh luun aput burur Ayub.

NANI UBUR 145:14

Ieh ngedengan lemulun luk inan susa', idi naped lemulun luk inigu'.

NANI UBUR 146:8

idi ngalat mateh lun nebuser, Ieh naped lemulun luk inigu'; Ieh mawa inan pupuNeh luk matu.

NANI UBUR 38:6

Ui tekunal idi melaso niat; ui nangi' tebaco-tebaco.

NANI UBUR 42:5

Ngudeh ui pelaba dat niat lek? Ngudeh ui pelaba susa'? Ui miak merapet inan Allah, idi sekua' teh ui miak ngubur Neneh, Lun Nengulun negku idi Allahku.

NANI UBUR 6:2

Méi' negku, ngaceku ui pelaba erur! Ngedo' negku! Pelaba laya' tulangku,

MATIUS 4:23

Yésus nenalan aput tana' Galilia, idi nemada' bang ruma' sembayangdeh, idi Ieh nemada' Bala luk Do' ratnan Imet ineh, idi Ieh nengedo' amung-amung lun luk mét, idi melaya' burur.

MARKUS 9:21

Idi Yésus nengitun taman anak ineh, “Tuda' ioké ini pangeh nangun neneh?” Idi keburi'neh, “Rat ieh isuut.

LUKAS 13:12

Kareb Yésus nenier neneh, idi Ieh nenawar decur ineh, kebalaNeh, “O decur, mepuit iko ratnan étmu ineh.”

LUKAS 13:16

Iamo' decur ini, seburur anak Ibrahim luk inabet Sétan, pangeh pulu ualuh lak kinioneh, naké ieh do' puatin ratnan abet ini bang Aco luk inan Mudeng?”

LUKAS 21:28

Kareb amung-amung ini pun mangun, do' muyuh tukag idi tengook déi' dita', ngaceku puit kuan muyuh pangeh muneng.”

LUKAS 8:2

Idi teh inan tuda'-tuda' decur luk pangeh dino'Neh ratnan ada', luk nemaya' Neneh, ieh ineh Mariam (luk titen Magdalina), luk pangeh pinuit ratnan tudu' ada',

LUKAS 8:27

Kareb Yésus numak déi' tangeb, idi Ieh nepapu' seburur lemulun luk rat bang bawang ineh, luk sinuet ada'. Idi pangeh tuda'-tuda' io lemulun ineh na luk idi ayung, idi na tudo bang ruma' teh, iamo' bang lengutan mo'.

LUKAS 8:43

Idi inan seburur decur luk mét mirat dara' pangeh pulu' dueh lak kinioneh, idi sagan pana' ieh nengabud binawehneh kuan lun ngubat, iamo' seburur pana' nateh nengedo' neneh.

KEKAMEN RASUL-RASUL 3:2

Idi inan selemulun luk meliai rat bang batek tinanneh luk binirir lemulun; idi inau'deh anid-anid aco tudo munung tanga' Ruma' Allah luk titen Tanga' luk Do', pad mutuh mo' rat nelun luk nesemuet bang Ruma' Allah ineh.

KEKAMEN RASUL-RASUL 4:22

Idi ulun lemulun luk pangeh nedo' ratnan tanu' ini, mela apat ngepulu' lak.