LUKAS 12:56 - BALA LUK DO'

⁵⁶ O muyuh lun luk siayu, muyuh kali' ngelio ratnan ayu tana' idi langit, iamo' kudeng apehké muyuh na miak kali' ngelio bang kareb ini?

LUKAS 12:56 Iomraidhean Croise

HAGAI 2:7

Ui miak ngegker amung pupu, idi binawehdeh miak iten amé' bang Ruma' Allah, pad ieh mepanu' ku binaweh luk meraga.

MALAKI 3:1

Idi Tuhan luk Melalud ngor bala muyuh, “Ui miak ngecuk nelun dukenKu nganau' temina' dalan kuanKu. Idi denak-denak Tuhan luk tekapen muyuh miak macing bang Ruma'Neh. Idi lun duken luk inan muyuh mawang niat miak macing idi mada' jani'Ku.”

MALAKI 4:2

Iamo' kuan muyuh luk na maya' Negku, Ui miak maré laludKu luk ngulun, merasat luun muyuh mepad kudeng aco, pad ngedo' nemuyuh. Muyuh miak mepuit idi mawang niat, mepad kudeng anak sapi' luk rinuat rat bang libungdeh.

MATIUS 11:25

Kareb idi teh kebala Yésus, “O Ama', Tuhan langit idi tana', Ui ngubur Namu ngaceku Iko nengalum amung-amung ini ratnan lemulun luk mileh idi luk do' kali', idi nengegala' ineh kuan anak-anak.

MATIUS 16:3

Idi kareb pekak, muyuh pebala, ‘Mudan aco sini lek, ngaceku langit ini mesia' idi medacem.’ Matu muyuh mileh kali' ayu langit, iamo' na muyuh mileh kali' ratnan tanu'-tanu' kareb ini!

MATIUS 6:2

“Ngaceku ineh kareb iko maré usin kuan lun masi', aleg iko ngiup serupit pa atunmu kudeng luk ruen lun luk siayu bang ruma' sembayang idi iring dalan, ngaceku piandeh buren dulun. Ngerawé do'-do'! Ideh pangeh nengalap tabpardeh.

GALATIA 4:4

Iamo' pangeh karebneh meriput Allah nengecuk AnakNeh luk tinganak ratnan seburur decur idi luk inau' mebeneh pa liang Ukum lun Yahudi,