LUKAS 12:5 - BALA LUK DO'

⁵ Iamo' Ui sikal ngegala' kuan muyuh idé-idé luk miak inan muyuh matot, ieh ineh do' matot inan Allah, luk inan lalud nala' bang apui kareb Ieh pangeh nengaté. Matu, Ui pebala nemuyuh, do' muyuh matot inan Allah.

LUKAS 12:5 Iomraidhean Croise

NANI UBUR 9:17

Kekiped lemulun luk dat, ieh ineh até, ngaceku ideh ara' inan Allah.

BALE' 14:26

Sembayang luk matu ngacing rapet idi do' udeng kuan lemulun idi uang tetek ruma'neh.

YEREMIA 10:7

Petulu amung lemulun matot Namu, O Raca' amung pupu? Petulu Iko inan matot. Na lun luk kudeng Iko rat arang amung-amung lun luk mileh bang anid-anid bawang idi bang amung-amung imetdeh.

YEREMIA 41:18

pad ideh miak buro rat nelun Babil. Ideh matot nelun Babil ngaceku Ismail nengaté ni Gedalia luk inau' raca' Babil mangun ku lun rayeh bawang.

YEREMIA 5:22

Ui ini Tuhan; ngudeh muyuh na matot Negku, idi na megegker pa kiungKu? Ui nenganau' bada mangun ku lakan abpa' rayeh, aceh lakan luk meruked luk na miak labén. Sagan pana' mula' ribut, idi meberi, abpa' rayeh ineh na miak lemaba lakan ineh.

MATIUS 10:28

Idi aleg matot nedeh luk ngaté burur mo', idi na melalud ngaté niat; iamo' do' muyuh matot nan Allah luk melalud ngaté niat idi burur pana' bang apui.

MATIUS 25:41

“Idi Ieh pebala kuan lemulun luk pa kabingNeh, ‘Buro rat Negku, O muyuh luk binulung, idi semuet bang apui luk meruked, luk tinina' kuan Iblis dengan melaikat-melaikatneh!

MATIUS 25:46

Lemulun ini semuet bang ukum ruked-ruked peh, iamo' lemulun luk matu semuet bang ulun luk meruked.”

MATIUS 5:22

Iamo' nekini Ui pebala nemuyuh: idé-idé luk museh inan kinanakneh, ieh miak iten amé' besara, idi idé-idé luk pebala nan kinanakneh, ‘Iko mebacé,’ ieh miak iten papu' lun luk rayeh; idi idé-idé luk pebala, ‘Iko meruden,’ ieh luk ngalap ua'neh bang apui.

MARKUS 13:23

Matar do'-do'! Ui pangeh nemada' nemuyuh atun ratnan amung-amung ini.

1 TESALONIKA 4:6

Idi aleg seburur lemulun pana' ngelaba ukum idi nganau' sala' kuan kinanakneh bang luk kudeng ineh, ngaceku Tuhan luk ngua' amung-amung ineh, mepad kudeng luk pangeh bila kai atun. Kai pangeh metueh mada' nemuyuh.

IBERANI 10:31

Idi pelaba dereh kudeng tau mebpeh bang palad Allah luk mulun.

2 PETRUS 2:4

Allah na méi' kuan melaikat-melaikat luk nenganau' sala', luk tila'Neh bang apui idi kiling bang lubang luk medacem pad Ieh ngacing ukum kuandeh.

BALA LUK LINIO 14:7

Ieh nengitang, “Do' matot inan Allah idi ngerayeh Neneh, ngaceku pangeh nacing karebNeh ngukum lemulun! Do' sembayang neneh luk nemudut langit, tana', idi abpa' rayeh dengan amung bued abpa' teh!”

BALA LUK LINIO 15:4

Idéké luk na matot Namu, O Tuhan? Idéké luk ara' mada' rayehMu? Iko sebuleng mo' luk meligan. Amung-amung pupu miak amé' sembayang pa kiungMu, ngaceku kekamenMu luk matu pangeh megala'.

BALA LUK LINIO 20:14

Idi até idi su inan até ineh pana' tila' bang takung apui ineh. Takung apui, ieh ineh até luk kedueh.