LUKAS 12:49 - BALA LUK DO'

⁴⁹ “Ui nacing pad nganau' apui luun tana' ini; Ui pelaba pian kudeng apui ineh pangeh mebudung!

LUKAS 12:49 Iomraidhean Croise

YESAYA 11:4

Ieh mutut ukum luk mesiri kuan lun masi', idi maré luk petulu kuandeh. Maya' balaNeh bawang ineh miak kumin, idi lemulun luk dat miak maté.

MALAKI 4:1

Kebala Tuhan luk Melalud, “Ngerawé' do'-do', kareb aco ineh macing, amung-amung lemulun luk medita' niat idi luk dat miak meseb mepad kudeng geramih. Kareb aco ineh ideh meseb pad na luk ketecan.

LUKAS 12:48

Iamo' demulun luk na nekali' pian tuanneh, idi ieh nenganau' luk na petulu, idi ieh miak uen mebal sesuut mo'. Ngaceku kuan anid-anid lemulun luk biré mula', rat neneh mula' luk miak tekapen, idi kuan lemulun luk biré mula' kekamen, ratnan neneh mula' luk miak pituen.

LUKAS 12:50

Ui na miak na rerebpen dengan aceh rereb, idi kudeng apehké susa' niatKu kareb nateh rereb ineh mangun!

YAHYA 9:4

Do' tau nganau' kekamen Allah luk nengecuk Negku ini kareb aco macang teh. Ngaceku dacem sikal macing idi kareb ineh seburur pana' na miak ngakem.