LUKAS 12:45 - BALA LUK DO'

⁴⁵ Iamo' kudeng demulun ineh pebala bang niatneh, ‘Tuanku mio macing,’ idi ieh ngimun mebal demulun deléi idi decur pana', idi kuman idi ngirup macing mabuk,

LUKAS 12:45 Iomraidhean Croise

AYUB 24:23

Kudeng Allah nina' neneh lutep mulun, Ieh matar neneh kidi-kidi.

YESAYA 65:6

“Ui pangeh nemutut ukum kuandeh, idi ukumdeh ineh pangeh inayud. Na Ui mekelupan luk inau'deh, iamo' Ui ngua'

YEREMIA 20:2

Idi Pasur nengecuk mebal neneh idi ngaling neneh bang Ruma' Allah munung Tanga' Beniamin luk pa luun.

YEHISKIEL 12:22

“O lemulun, ngudehké lemulun megéi' ngerawé balé' mini, ‘Karebneh nepelaba idi luk bida' na mangun?’

YEHISKIEL 34:8

Ui ini Tuhan Allah luk mulun, do' ninger balaKu, DumbaKu pangeh pinaté idi kinan pung luk mesangit, ngaceku na luk matar nedeh. LunKu luk matar na iné' nakap dumba. Ideh nengasa' bururdeh sebuleng idi ideh na ngerawé dumba.

MATIUS 22:6

Lun baken teh nengakem demulun raca' ineh, idi nemebal nedeh, idi nengaté nedeh.

LUKAS 12:44

Matu, Ui pebala nemuyuh, tuan ineh miak maré neneh ngimet amung binawehneh.

LUKAS 12:46

idi tuan demulun ineh miak macing kareb seaco luk ieh na nginulat neneh, idi bang aceh kareb luk na ieh kali'. Idi ieh miak mulu' neneh, idi nuet neneh dengan lun luk na manu.

LUKAS 21:34

“Matar burur muyuh pad niat muyuh na barén kuan luk manga idi mabuk idi rapang ratnan ulun tana' ini, pad aco ineh macing luun muyuh denak-denak mepad kudeng abpung.

YAHYA 2:10

idi keburi'neh neneh, “Anid-anid lemulun pekalai maré abpa' anggur luk do' atun, idi kareb lemulun pangeh musam ngirup, idi ieh maré luk na do' tu; iamo' iko nenganug abpa' anggur luk meluun do' macing nekini!”

KEKAMEN RASUL-RASUL 2:18

Idi luun demulun-demulunKu, deléi idi decur pana', Ui sikal ngutang RohKu kareb ineh teh, pad ideh pana' mada' luk barén Allah.

SURAT LUK BIRE PAULUS KUAN LUN RUM 16:18

Ngaceku lemulun luk nganau' kudeng ini baken mangun ku demulun Keristus Tuhan tau, iamo' mangun ku demulun pinian bururdeh sebuleng, idi dengan bala luk mepaci' idi luk do', ideh naluk lun luk mesiri niat.

2 KORINTUS 11:20

Muyuh mulai niat nelun luk nganau' nemuyuh mangun ku demulun, kian luk muyok nemuyuh, luk naluk nemuyuh, luk ngebeneh nemuyuh, idi luk mepag nemuyuh.

BADA' RATNAN UKUM 12:12

Idi do' muyuh geriguen pa kiung Tuhan Allah muyuh, do' muyuh dengan amung anak muyuh, amung lun tebarin muyuh, idi amung lun Liwi pana' luk tudo bang anid bawang muyuh. (Do' ngerawé lun Liwi luk na miak ngalap babpat tana' mepad kudeng muyuh.)

1 TESALONIKA 5:7

Lemulun rudap kareb medacem, idi lemulun mabuk kareb medacem teh.

2 PETRUS 2:13

Ideh ngalap tabpar dereh ngaceku ideh nengedereh nelun baken. Idi rotdeh luk dat luk ngacing awang kuandeh, ruendeh kareb macang, ieh ineh anun-anun luk maya' pinian burur. Ideh mangun ku aceh luk inan migu' kareb ideh pamung kuman dengan muyuh. Idi ideh ngeraruh nemuyuh dengan salukdeh bang irau ineh.

2 PETRUS 2:19

Ideh pejani' maré puit kuandeh, iamo' ideh sebuleng mangun ku demulun kuan luk maté. Ngaceku tau lemulun mangun ku demulun kuan anun-anun luk miak ngelaya' netau.

BALA LUK LINIO 16:6

Ideh nengutang dara' lun manu idi nabi-nabi teh, idi Iko pangeh nemaré nedeh ngirup dara'. Luk kudeng ineh petulu ku amung-amung luk pangeh kikemdeh!”

BALA LUK LINIO 18:24

Babil pangeh inukum ngaceku dara' nabi-nabi idi lun manu luk nekali'Neh bang bawang ineh, setuneh dara' amung-amung lemulun luk pinaté bang tana' ini pana'.