LUKAS 12:42 - BALA LUK DO'

⁴² Idi kebala Tuhan, “Idéké demulun luk lutep idi mileh, luk ruen tuanneh ngecuk matar uang ruma'neh, pad mabpat luk kenendeh bang kareb luk petulu?

LUKAS 12:42 Iomraidhean Croise

PURA' 36:4

Idi nacing amung lun luk mileh luk nganau' kekamen ineh,

BALE' 12:8

Kudeng iko inan ileh, iko miak buren. Kudeng iko mebacé, lun baken ngebeneh namu.

BALE' 15:23

Lemulun luk maré or luk petulu inan awang!

BALE' 27:18

Ngasa' gita', pad iko kuman bua'neh. Demulun luk ngasa' tuanneh uen ngedita'.

BALE' 31:15

Ieh tumui kareb nateh aco masat idi ngelak kuan tetek ruma'neh, idi mada' amung demulunneh luk decur.

YESAYA 50:4

Tuhan nemada' Negku ratnan luk belénKu, pelé Ui ngetueh lemulun luk merur. Anid pekak Ieh nganau' Negku geregan ninger luk badénNeh Negku.

YEREMIA 23:4

Ui miak maré kuandeh raca'-raca' luk miak matar nedeh, pad ideh na matot, idi seburur pana' nateh luk miak metutu'. Ui ini Tuhan pangeh nepebala.”

YEHISKIEL 34:3

Muyuh ngirup rata sapi' idi ngayung ku buluh dumba, idi ngeret idi kuman dumba luk meluun do'. Iamo' na muyuh ngasa' dumba ineh.

MATIUS 13:52

Idi kebalaNeh nedeh, “Ngaceku ineh anid-anid guru Ukum luk pangeh mangun ku anak sekola' ratnan Imet surga, mepad kudeng aceh tuan ruma' luk ngeruat ratnan binawehneh luk meraga, do' binaweh luk mebaruh idi luk mon pana'.”

MATIUS 20:8

“Idi kareb malem aco, tuan kabun ineh nepebala inan lun matar kabunneh, ‘Do' nawar lemulun luk pangeh nengakem, idi maré tabpardeh, ngimun ratnan lemulun luk muci pad macing nedeh luk atun.’

LUKAS 12:43

Samal kuan demulun ineh luk mekeribpeh tuan nganau' kudeng ineh kareb ieh muli'!

LUKAS 7:13

Kareb Tuhan nenier decur ineh, idi Ieh méi' neneh, kebalaNeh, “Aleg iko nangi'.”

KEKAMEN RASUL-RASUL 20:28

Matar burur muyuh sebuleng idi amung sengeriudan ineh. Ngaceku muyuh mangun ku lun matar sidang maya' ecuk Roh meligan. Do' muyuh ngasa' sidang Allah, luk pangeh inuli' dengan dara'Neh sebuleng.

1 TIMOTIUS 3:15

Iamo' kudeng ui mio, idi iko miak kali' kudeng apeh ulun lemulun bang ruma' Allah, ieh ineh sidang Allah luk mulun, sebuleng diri idi tuked ratnan luk matu.

1 TIMOTIUS 5:17

Lun rayeh-rayeh luk ngimet do'-do' ineh, mayu ngalap dueh kua' kinula' tabpar, meluun teh lemulun luk mekél nginul bala idi mada'.

2 TIMOTIUS 4:2

mada' bala ineh, idi do' iko temina', do' bang kareb luk do' idi bang kareb luk na do', ngegala' sala' lemulun, mebpeng idi mada' dengan mekadang niat.

TITUS 1:7

Ngaceku lun rayeh sidang ineh ngasa' kekamen Allah idi na miak mesala'. Ieh na miak medita' niat, na malé museh, na mabuk, na pekedaluh, idi na melili ku binaweh bang tana' ini.

IBERANI 13:17

Do' maya' bala lemulun luk nguyut nemuyuh idi do' mebeneh rat nedeh. Ideh matar ulun muyuh mepad kudeng lemulun luk maré or kuan Allah. Do' maya' nedeh, pad ideh nganau' kekamen ineh dengan mawang niat, baken dengan dat niat, ngaceku luk kudeng ineh na ulek kuan muyuh.

IBERANI 13:7

Ngerawé ratnan lemulun lu mangun ku lun nguyut nemuyuh atun, luk pangeh nemada' bala Allah kuan muyuh, idi ngerawé kekiped ulundeh, idi do' maya' dalan anudeh.

IBERANI 3:5

Idi Musa ineh lutep kuan amung-amung uang ruma' Allah mepad kudeng demulun, idi ieh nepebala ratnan amung-amung luk miak badén Allah muci.

1 PETRUS 4:10

Do' ngasa' nelun baken maya' kinula' baré luk ilap anid-anid lemulun, mepad kudeng lun ngasa' luk lutep ngimet baré Allah.