LUKAS 12:37 - BALA LUK DO'

³⁷ Samal kuan amung-amung demulun, luk mekeribpeh tuandeh uned matar kareb ieh macing. Ui pebala nemuyuh, tuan ineh miak ngabet awa'neh sebuleng, idi nawar nedeh tudo kuman, idi ngasa' nedeh.

LUKAS 12:37 Iomraidhean Croise

YESAYA 62:5

Mepad kudeng seburur anak adi' deléi ngalap seburur anak decur luk pun mebaruh ku awanneh, kudeng ineh teh Allah luk nemudut namu pian ngalap namu. Idi Allah miak mawang niat namu mepad kudeng deléi luk pun ngaweh.

YEREMIA 32:41

Idi dengan mawang niat Ui miak ngeperuan nedeh, idi dengan amung niatKu Ui miak ngeletep nedeh ruked-ruked bang bawang ini.

SEPANIA 3:17

Tuhan Allahmu idi denganmu, laludNeh ngetueh namu. Tuhan miak mawang niat namu, dengan awaNeh Ieh maré ulun luk mebaruh namu. Ieh miak menani idi mawang niat namu,

MATIUS 24:42

Matar do'-do', ngaceku muyuh na kali' aco sapeh luk Tuhan muyuh macing peh.

LUKAS 12:36

idi do' muyuh mepad kudeng lemulun luk nginulat tuandeh kareb ieh muli' ratnan irau paweh; idi kareb ieh macing idi nateg tanga', ideh miak petacu ngukab tanga' kuanneh.

LUKAS 12:43

Samal kuan demulun ineh luk mekeribpeh tuan nganau' kudeng ineh kareb ieh muli'!

LUKAS 17:8

Na tu! Iamo' iko pebala neneh, ‘Do' nganau' temina' luk kenenku, ngabet awa'mu idi ngasa' negku, pad ui kuman idi ngirup; idi pangeh ineh iko miak kuman idi ngirup'?

LUKAS 21:36

Do' muyuh megéi matar idi sembayang, pad muyuh metueh muit burur muyuh ratnan amung-amung luk sikal mangun ineh, idi tuman matun Anak-Lemulun.”

LUKAS 22:27

Ngaceku idéké luk meluun rayeh, lemulun luk tudo kumanké, kian luk ngasa' lek? Kali' rungen lemulun luk tudo kuman ineh. Iamo' tudo arang muyuh kudeng lemulun luk ngasa'.

YAHYA 12:26

Idé-idé luk pian ngakem kuanKu, do' ieh maya' Negku, pad demulunKu idi dengaKu iapeh-iapeh pana' Ui idi. Idi TamanKu miak ngedita' lemulun luk ngakem kuanKu.

1 KORINTUS 2:9

Iamo' maya' kudeng luk inayud, “Luk na sinier mateh, idi luk na pindenger lalid, luk na megala' bang niat lemulun, ieh ineh luk inau' Allah temina' kuan lemulun luk mawa Neneh.”

PILIPI 1:21

Ngaceku kuanku, kudeng mulun, ieh ineh Keristus, idi kudeng maté, ieh ineh peruan.

PILIPI 1:23

Niatku perapid ratnan luk dueh ini. Ui pian amé' idi tudo dengan Keristus, ngaceku luk kudeng ineh luk meluun do'.

2 PETRUS 1:11

Dengan dalan ineh muyuh miak simén semuet bang Imet luk meruked, ieh ineh Imet Yésus Keristus, Tuhan tau idi Lun Nengulun.

2 PETRUS 3:14

Ngaceku ineh, O luk inanku mawa, laba' muyuh nganét amung-amung luk kudeng ini, do' muyuh mekél pad muyuh miak lapen dengan awang, dengan na melutak idi na mesala' pa kiung Tuhan.

BALA LUK LINIO 14:13

Idi ui neninger aceh arod rat bang langit luk nepebala, “Do' ngayud kudeng ini: Samal kuan lemulun luk pangeh naté, ieh ineh luk naté bang Tuhan rat pad sini!” “Matu,” kebala Roh ineh, “Ideh miak ucu' ratnan amung erurdeh; ngaceku kekamendeh luk do' maya' nedeh.”

BALA LUK LINIO 16:15

“Do' muyuh matar do'-do'! Ui ini macing mepad kudeng lun mano! Idi samal kuan lemulun luk matar do'-do' idi nginita ayungneh, pad ieh na nalan lubpa idi na migu' siren lemulun.”

BALA LUK LINIO 3:21

Ui maré lemulun luk metueh, tudo denganKu luun kerusiKu, mepad kudeng Ui pana' pangeh metueh idi tudo dengan TamanKu luun kerusiNeh.

BALA LUK LINIO 7:17

Ngaceku Anak Dumba luk luun uned kerusi ineh miak mangun ku Lun Matar nedeh, idi nguit nedeh amé' inan bued abpa' luk mulun. Idi Allah pana' miak miid amung-amung abpa' mateh ratnan matehdeh ineh.”