LUKAS 12:33 - BALA LUK DO'

³³ Do' muyuh masui binaweh muyuh idi maré kuan lun masi'. Idi nganau' kuan burur muyuh kapil-kapil luk na miak melu, idi ngamung binaweh muyuh déi' surga, ieh ineh su luk inan lun mano na semuet, idi kutang na miak kuman.

LUKAS 12:33 Iomraidhean Croise

BALE' 13:7

Inan lemulun luk siayu mangun ku lun do', iamo' na binawehdeh. Inan teh lemulun siayu mangun ku lun masi', iamo' inan mula' binawehdeh.

HAGAI 1:6

Muyuh pangeh nenibu mula' padé, iamo' sesuut mo' luk piranih. Muyuh inan akan sen, iamo' na ieh miak kenen muyuh macing mebor. Muyuh inan abpa' anggur. Iamo' na muyuh miak mabuk ku ineh. Muyuh inan ayung, iamo' ineh na petap ku ayung muyuh. Idi tabpar lun luk ngakem na petap.

MATIUS 19:21

Kebala Yésus neneh, “Kudeng iko sikal mangun meriput, muli' iko, masui binawehmu, maré kuan lun masi', pad iko ngalap binaweh déi' surga: idi amé' maya' Negku.”

LUKAS 11:41

Iamo' maré kuan lun masi' anun-anun luk bang sangkir idi bigan muyuh, idi luk amung-amung miak meligan kuan muyuh.

LUKAS 12:21

Idi teh kebala Yésus, “Kudeng ineh teh ratnan lemulun luk ngamung binaweh kuan bururneh sebuleng, iamo' na ieh lun do' pa kiung Allah.”

LUKAS 16:9

Idi teh kebala Yésus, “Ui pebala nemuyuh: nganau' lun rurum kuan burur muyuh sebuleng dengan binaweh tana' ini luk na matu ineh; idi kareb binaweh tana' ini metutu' rat nemuyuh, muyuh miak lapen amé' bang ruma' luk meruked.

LUKAS 18:22

Kareb Yésus neninger balaneh, idi Ieh nepebala neneh, “Sebuleng mo' luk nateh inau'mu. Masui amung-amung binawehmu idi maré kuan lun masi', pad iko ngalap binaweh déi' surga, idi amé' maya' Negku.”

YAHYA 12:6

Ieh nepebala kudeng ineh, baken ngaceku ieh méi' nelun masi', iamo' ngaceku ieh lun mano, idi ieh luk ngimet tabpung idi ngalap usin luk tinipa bang tabpung ineh.

KEKAMEN RASUL-RASUL 2:45

Ideh nemasui binawehdeh idi amung luk ideh kuan, idi nemaré babpat kuan amung-amung lemulun, maya' ran niatdeh.

2 KORINTUS 8:2

Ideh pangeh tinutun ku susa' luk pelaba rayeh; iamo' ngaceku awang niatdeh luk mela, sagan pana' ideh masi', ideh mekatu.