LUKAS 12:32 - BALA LUK DO'

³² “Aleg matot, O sengeriudan dumba luk isuut ini, ngaceku Taman muyuh pian maré Imet ineh nemuyuh.

LUKAS 12:32 Iomraidhean Croise

YESAYA 40:11

Ieh matar pupuNeh mepad kudeng lun luk matar dumba; Ieh ngamung anak dumbaNeh, idi ngabin nedeh; idi teh Ieh nguyut tinandeh ulai-ulai.

YESAYA 41:14

Kebala Tuhan, “O Israil, sagan tu pana' iko isuut idi melaya', aleg iko matot; Ui ngedengan namu. Ui ini Allah Israil luk meligan luk ngulun namu.

YESAYA 53:6

Amung tau mepad kudeng dumba luk neraruh ngaceku tau nemaya' pian tau sebuleng. Idi Tuhan nengacing kuanNeh, ukum luk petulu lapen tau.

YEREMIA 3:19

Kebala Tuhan, “O Israil, Ui pangeh nengerawé namu mangun ku anakKu, pad Ui miak maré tana' luk do' kuanmu, luk meluun do' bang tana' ini. Ui nengerawé iko neten Negku Tamanmu idi na lemubed rat Negku baruh peh.

MATIUS 14:27

Iamo' petacu Yésus nepebala nedeh, kebalaNeh, “Aleg merapang! Ui ini, aleg matot.”

MATIUS 20:16

Idi kebala Yésus, “Idi kudeng ineh teh luk pa muci amé' pa atun, idi luk pa atun amé' pa muci.”

MATIUS 25:34

Idi Raca' ineh sikal pebala kuan lemulun luk pa tinuehNeh, ‘Amé' muyuh luk pangeh nengalap peruan ratnan TamanKu, lapen muyuh rat pun-pun tana' pinudut.

MATIUS 7:15

“Do' muyuh matar do'-do' ratnan nabi luk mebalih luk amé nemuyuh, dengan ngayung ku buluh dumba, iamo' bang niatdeh mepad kudeng bungalé luk mesangit.

LUKAS 10:21

Bang kareb ineh pana' Yésus mawang niat bang Roh Meligan idi nepebala, “O Ama', Tuhan langit idi tana', Ui ngubur Namu, ngaceku Iko pangeh nengalum amung ini ratnan lemulun luk mileh idi luk do' kali', idi pangeh nengegala' neneh kuan anak-anak. O Ama', amung ineh inau'Mu maya' pianMu.

YAHYA 18:36

Idi kebala Yésus, “ImetKu ineh baken ratnan tana' ini. Kudeng ImetKu ratnan tana' ini, kali' rungen demulun-demulunKu miak pebunu' pad Ui na barén kuan lun Yahudi. Iamo' ImetKu ineh baken ratnan tana' ini!”

KEKAMEN RASUL-RASUL 20:28

Matar burur muyuh sebuleng idi amung sengeriudan ineh. Ngaceku muyuh mangun ku lun matar sidang maya' ecuk Roh meligan. Do' muyuh ngasa' sidang Allah, luk pangeh inuli' dengan dara'Neh sebuleng.

KEKAMEN RASUL-RASUL 20:29

Idi ui kali' muci ratnan ui necan nemuyuh, idi inan teh tuda'-tuda' bungalé luk mesangit sikal semuet arang muyuh, idi luk na méi' inan sengeriudan ineh.

SURAT LUK BIRE PAULUS KUAN LUN RUM 6:23

Ngaceku tabpar sala' ineh maté, iamo' katu Allah ineh ulun luk meruked dengan Keristus Yésus Tuhan tau.

1 KORINTUS 1:21

Ngaceku Allah, dengan ilehNeh, pangeh nengitek dalan, pad lemulun na miak ngiti Allah dengan ilehdeh sebuleng. Iamo' Allah pian ngulun lemulun luk manu ku bada' luk “mebacé” ini luk badén kai.

PILIPI 2:13

Ngaceku Allah, Ieh ineh luk ngakem bang nemuyuh pad muyuh geregan idi ngakem teh sikal ngacing pianNeh luk do' ineh.

2 TESALONIKA 1:11

Ineh punneh kai megéi sembayang kuan muyuh pad Tuhan tau ngiap nemuyuh petulu maya' tawarNeh nemuyuh. Idi dengan laludNeh do' Allah ngacing amung-amung pian muyuh, pad muyuh maya' luk do' idi pad kekamen anun muyuh uen ngeriput,

2 TESALONIKA 1:5

Ineh luk mangun ku tanu' ratnan ukum Allah luk matu, ratnan muyuh mayu ruen ngiap kuan Imet Allah, idi ngaceku ineh muyuh kali' medereh teh.

IBERANI 12:28

Ngaceku ineh tau ini luk ngalap Imet luk na miak sigio ineh, do' tau maré ubur, idi dengan dalan ineh miak tau sembayang maya' kudeng luk petulu pa kiung Allah dengan ngedita' Neneh idi matot;

YAKUB 2:5

Do' muyuh ninger, O kinanak-kinanak luk inanku mawa, bakenké Allah mili' lemulun luk masi' bang tana' ini mangun ku lun do' bang anu idi ngalap babpat Imet luk pangeh pijani'Neh kuan amung-amung lemulun luk mawa Neneh?

2 PETRUS 1:11

Dengan dalan ineh muyuh miak simén semuet bang Imet luk meruked, ieh ineh Imet Yésus Keristus, Tuhan tau idi Lun Nengulun.

BALA LUK LINIO 1:6

Ieh nenganau' netau mangun ku aceh imet imam-imam kuan Allah TamanNeh. Rayeh idi tueh kuan Yésus Keristus ruked-ruked peh! Amin.

BALA LUK LINIO 22:5

Idi na luk idi dacem teh, idi ideh na sikal ku acang ilu' idi acang aco pana', ngaceku Tuhan Allah sebuleng mangun ku acangdeh, idi ideh miak ngimet macing ruked-ruked peh.