LUKAS 12:30 - BALA LUK DO'

³⁰ Ngaceku amung-amung ini tikap lun luk manu bang tana' ini, iamo' Taman muyuh meluun kali' ratnan amung-amung ini inan ulek kuan muyuh.

LUKAS 12:30 Iomraidhean Croise

MATIUS 10:20

Ngaceku baken muyuh luk pebala, iamo' Roh Taman muyuh luk pebala lemaba bibir tang muyuh.

MATIUS 18:14

Kudeng ineh teh TamanKu luk bang surga, baken pianNeh sebuleng pana' rat arang anak-anak isuut ini metutu' peh.

MATIUS 5:47

Idi kudeng muyuh maré tabi' kuan kinanak-kinanak muyuh mo' sebuleng, do'ké kekamen muyuh rat nelun baken? Lun na manu pana' nganau' luk kudeng ineh teh.

MATIUS 6:1

“Matar do'-do', pad muyuh na nganau' kekamen muyuh luk matu pa kiung lemulun mo', idi ngaceku sikal sirendeh; ngaceku kudeng muyuh nganau' kudeng ineh, muyuh na miak ngalap tabpar ratnan Taman muyuh luk bang surga.

MATIUS 6:32

Lun pupu baken pana' nakap amung ineh, idi Taman muyuh luk bang surga meluun kali' amung ineh inan ulek kuan muyuh.

MATIUS 6:8

Aleg muyuh nginud lemulun ineh, ngaceku Taman muyuh kali' luk inan ulek kuan muyuh, kareb nateh muyuh mutuh rat Neneh.

LUKAS 12:29

Idi aleg megagau ratnan luk kenen, idi luk rupen muyuh, idi aleg muyuh merapang.

LUKAS 12:31

Iamo' do' nakap ImetNeh, idi amung-amung ini pana' miak barén kuan muyuh.

LUKAS 12:32

“Aleg matot, O sengeriudan dumba luk isuut ini, ngaceku Taman muyuh pian maré Imet ineh nemuyuh.

YAHYA 20:17

Idi kebala Yésus neneh, “Aleg iko ngakem Negku, ngaceku nateh Ui numak iné' inan TamanKu, iamo' amé' iko inan amung-amung kinanakKu, idi mala kuandeh, ‘Ui umak amé' inan TamanKu idi Taman muyuh, idi inan TuhanKu idi Tuhan muyuh.’ ”

EPESUS 4:17

Bang ngadan Tuhan, ui pebala idi mada' nemuyuh: aleg muyuh mulun maya' lawé lun pupu baken luk maya' terawédeh luk mo'-mo';

1 TESALONIKA 4:5

baken ratnan lili burur muyuh sebuleng mepad kudeng lun pupu baken luk na miti Allah.