LUKAS 12:19 - BALA LUK DO'

¹⁹ Idi ui sikal pebala kuan bururku sebuleng, Samal kuanmu! Iko inan mula' binaweh dinug kuan tuda'-tuda' lak. Do' ngato erurmu, kuman, ngirup, idi ngalap mawang niat.’

LUKAS 12:19 Iomraidhean Croise

AYUB 14:1

Amung lemulun inan ulun luk mekamu' idi mesusa'.

NANI UBUR 49:18

Sagan pana' lemulun mawang niat ku ulunneh bang tana' ini, idi buren ngaceku ieh lun do',

NANI UBUR 62:10

Aleg muyuh merapet sikal ngaté; idi mano binaweh dulun. Sagan pana' binaweh muyuh luk amé' mula', aleg merapet ku ineh.

BALE' 10:2

Luk lapenmu dengan naluk na ngeperuan namu, iamo' luk matu ngulun namu.

BALE' 14:24

Lemulun luk mileh uen ngua' ku binaweh, iamo' lemulun luk mebacé ngegala' bacéneh.

BALE' 18:11

Lun do' ngerawé binawehdeh ngelibung nedeh, mepad kudeng libung batu luk ngelibut aceh bawang.

BALE' 23:5

Usinmu saget mabud, idi temulud mepad kudeng kanui.

BALE' 27:1

Aleg iko medita' niat ratnan luk ruenmu nebpa. Iko na kali' luk miak mangun aco sini.

LUN LUK MADA' 11:9

Do' iko mawang niat idi do' ria' kareb iko anak adi'. Nganau' luk do' sirenmu idi luk pian niatmu. Iamo' do' ngerawé Allah ngukum namu maya' kekamenmu.

LUN LUK MADA' 2:24

Luk meluun do' kuan lemulun, ieh ineh kuman, ngirup, idi mawang niat ku amung-amung luk ilapneh ratnan kekamenneh. Iamo' ui kali' amung ineh pana' macing ratnan Allah.

YESAYA 22:13

Iamo' muyuh neriruh idi nenganau' irau. Muyuh nengeret dumba idi sapi' ku kikid muyuh, idi nengirup abpa' anggur. Kebala muyuh, “Meluun do' tau ngirup idi kuman, ngaceku nebpa tau maté.”

YESAYA 5:11

Muyuh miak kumin! Muyuh tumui uka'-uka' idi ngirup, idi muyuh mio rudap medacem ngaceku mabuk.

YESAYA 5:8

Muyuh miak kumin! Muyuh ngula' ruma' idi lati' muyuh, pad na luk inan lun baken tudo, idi muyuh sebuleng mo' luk tudo bang bawang ineh.

YESAYA 56:12

Kebala lun mabuk ini, ‘Do' tau ngalap abpa' anggur idi ngirup macing mebor! Idi nebpa meluun do' ria' tau ratnan aco sini.’ ”

HOSIA 12:8

Iamo' kebaladeh, ‘Kai lun do'. Kai pangeh nengalap mula' binaweh. Seburur pana' nateh luk miak ngadu' nekai ratnan ngalap binaweh dengan naluk.’

AMOS 6:13

Muyuh mawang niat ku luk na ulek, idi pebala dengan medita' niat, “Kai metueh ngaceku lalud kai sebuleng.”

HABAKUK 1:16

Ideh sembayang inan rabatdeh, idi maré baré kuandeh, ngaceku rabatdeh maré amung-amung luk meluun do' nedeh.

LUKAS 12:18

Idi keburi'neh, ‘Ini luk ruenku: do' ui ngusag amung-amung lepoku idi mudut luk meluun rayeh, idi déi' ui sikal nganug amung-amung padé idi binawehku.

LUKAS 16:19

“Inan seburur lun do'; idi ieh ngayung ku kibung luk sia' merirem idi kibung luk mesalud, idi mulun dengan do' anid-anid aco.

LUKAS 21:34

“Matar burur muyuh pad niat muyuh na barén kuan luk manga idi mabuk idi rapang ratnan ulun tana' ini, pad aco ineh macing luun muyuh denak-denak mepad kudeng abpung.

1 KORINTUS 15:32

Anunké ulekneh kuanku kudeng ui dengan terawé lemulun mo' pangeh pekakem dengan pung luk meliput déi' Epesus? Kudeng lun naté na tuyen, “Do' tau kuman idi ngirup, ngaceku nebpa tau maté.”

PILIPI 3:19

Idi kekipeddeh bang apui, idi batekdeh mangun ku akang kuandeh, idi anun-anun luk inan migu' mangun ku rayeh kuandeh, idi ideh luk ngerawé ratnan kekamen tana' ini.

1 TIMOTIUS 5:6

Iamo' decur tinula' luk nakap awang bang tana' ini mulun mepad kudeng maté.

1 TIMOTIUS 6:17

Do' mada' kuan amung-amung lemulun luk lun do' bang tana' ini, pad ideh na medita' niat, idi aleg ideh merapet ku binaweh luk na meruked ineh. Iamo' do' ideh merapet inan Allah luk maré anun-anun kuan tau dengan mela pad niat tau mawang.

2 TIMOTIUS 3:4

Ideh na inan merapet, sikal metueh, mesido' niat, meluun sikal ngawang niatdeh ratnan mawa inan Allah.

YAKUB 5:5

Muyuh pangeh mulun luun tana' ini dengan nakap binaweh luk meraga; muyuh pangeh nengawang niat muyuh; idi muyuh pangeh nengelamu burur muyuh mepad kudeng dumba luk miak kereten.

1 PETRUS 4:3

Bang kareb luk atun petap sala' luk inau' muyuh maya' kekamen luk inau' lun luk na manu. Atun muyuh mulun bang luk melutak, pian burur, mabuk, idi rot luk dat. Muyuh ucet ngirup, sembayang inan akang, idi nganau' luk bibpeng ineh teh.

BALA LUK LINIO 18:7

Maré dereh idi susa' neneh maya' kinula' ubur idi rayeh luk biréneh kuan bururneh sebuleng. Ngaceku ieh megéi' pebala bang niatneh: ‘Ui tudo mepad kudeng raca' decur! Baken ui tinula', Na tu-tu ui miak nangi'!’

SEMUIL LUK PUN-PUN 30:16

Idi ieh nenated ni Daud macing inan baweh ineh. Idi ideh urap-urap luun natad kuman idi ngirup, idi sebuangdeh ngalai ngaceku amung binaweh luk inarodeh rat bawang lun Pilistin idi rat tana' Yahuda.