LUKAS 12:17 - BALA LUK DO'

¹⁷ Idi ieh nengerawé bang niatneh, keterawéneh, ‘Na luk inanku nganug amung-amung padéku. Anunké luk miak ruenku?’

LUKAS 12:17 Iomraidhean Croise

LUN LUK MADA' 11:2

Maré binawehmu kuan tuda'-tuda' bawang, ngaceku iko na kali' susa' luk miak macing namu bang tana' ini.

YESAYA 58:7

Maman lemulun luk melau, idi nganak lemulun luk masi' luk na ruma'. Maré ayung kuan lemulun luk na kuyu', idi aleg ara' ngedengan pupu muyuh luk muneng.

MATIUS 16:7

Idi ideh nepegayam arangdeh sebuleng, keburi'deh, “Tau' na nenguit ruti.”

MATIUS 5:42

Maré kuan lemulun luk mutuh namu, idi kudeng lemulun sikal ngabit rat namu, do' maré luk pianneh.

LUKAS 10:25

Idi inan seburur guru Ukum netuped sikal nutun Neneh, keburi'neh, “O Guru, anunké luk ruenku, pelé ui miak ngalap ulun luk meruked?”

LUKAS 11:41

Iamo' maré kuan lun masi' anun-anun luk bang sangkir idi bigan muyuh, idi luk amung-amung miak meligan kuan muyuh.

LUKAS 12:16

Idi Yésus nemada' aceh luk pinginud kuandeh, keburi'Neh, “Inan aceh tana' seburur lun do' luk nengeruat mula' bua'.

LUKAS 12:18

Idi keburi'neh, ‘Ini luk ruenku: do' ui ngusag amung-amung lepoku idi mudut luk meluun rayeh, idi déi' ui sikal nganug amung-amung padé idi binawehku.

LUKAS 12:22

Kebala Yésus kuan anak-anak sekola'Neh, “Ngaceku ineh Ui pebala nemuyuh, Aleg merapang ratnan ulun muyuh ieh ineh anunké luk miak kenen muyuh; idi ratnan burur muyuh, ieh ineh anunké luk miak iungen muyuh.

LUKAS 12:29

Idi aleg megagau ratnan luk kenen, idi luk rupen muyuh, idi aleg muyuh merapang.

LUKAS 12:33

Do' muyuh masui binaweh muyuh idi maré kuan lun masi'. Idi nganau' kuan burur muyuh kapil-kapil luk na miak melu, idi ngamung binaweh muyuh déi' surga, ieh ineh su luk inan lun mano na semuet, idi kutang na miak kuman.

LUKAS 16:3

Idi keburi' lun luk ngasa' binawehneh ineh bang niatneh, ‘Anunké luk miak ruenku? Ngaceku tuanku nala' negku ratnan kekamen ngasa' binaweh ini? Idi ngukat tana' ui na metueh, idi mutuh usin mo'-mo' pana' ui migu'.

LUKAS 16:9

Idi teh kebala Yésus, “Ui pebala nemuyuh: nganau' lun rurum kuan burur muyuh sebuleng dengan binaweh tana' ini luk na matu ineh; idi kareb binaweh tana' ini metutu' rat nemuyuh, muyuh miak lapen amé' bang ruma' luk meruked.

LUKAS 18:22

Kareb Yésus neninger balaneh, idi Ieh nepebala neneh, “Sebuleng mo' luk nateh inau'mu. Masui amung-amung binawehmu idi maré kuan lun masi', pad iko ngalap binaweh déi' surga, idi amé' maya' Negku.”

LUKAS 19:17

Idi keburi' tuan ineh neneh, ‘Do' luk inau'mu, O demulun luk do'! Ngaceku iko pangeh nelutep bang luk isuut, iko miak ngimet pulu' bawang.’

LUKAS 3:11

Idi kebala Yahya, “Lemulun luk inan dueh kuyuh, do' ieh maré sebuleng kuan lemulun luk na, idi lemulun luk mula' luk kenen, do' ieh nganau' kudeng ineh teh.”

KEKAMEN RASUL-RASUL 16:30

Pangeh ineh ieh nenguit nedidueh neremuat, idi nepebala, “O lun dueh, anunké luk miak ruenku pad ui ngalap ulun?”

KEKAMEN RASUL-RASUL 2:37

Kareb lun mula' neninger bala ineh, idi niatdeh nesigio idi mesusa', idi kebaladeh ni Pétrus idi rasul-rasul luk baken ineh, “O kinanak-kinanak, anunké luk miak ruen kai?”

SURAT LUK BIRE PAULUS KUAN LUN RUM 12:13

Maré petap kuan lun manu luk masi', idi megéi' ngasa' sakai.

1 TIMOTIUS 6:17

Do' mada' kuan amung-amung lemulun luk lun do' bang tana' ini, pad ideh na medita' niat, idi aleg ideh merapet ku binaweh luk na meruked ineh. Iamo' do' ideh merapet inan Allah luk maré anun-anun kuan tau dengan mela pad niat tau mawang.

1 YAHYA 3:16

Ratnan luk kudeng ineh tau kali' awa luk matu: Keristus nemaré ulunNeh ngaceku tau. Idi do' tau pana' maré ulun tau ngaceku kinanak-kinanak.