LUKAS 12:12 - BALA LUK DO'

¹² Ngaceku Roh Meligan miak mada' nemuyuh bang kareb ineh teh ratnan anun luk do' belén muyuh.”

LUKAS 12:12 Iomraidhean Croise

PURA' 4:11

Idi kebala Tuhan neneh, “Idéké luk nenganau' tang lemulun? Idéké luk nenganau' lun mebegkeh idi mebengel, nganau' lemulun nier idi mebuser? Ieh ineh Ui ini Tuhan.

PURA' 4:12

Idi nekini do' iko amé'. Ui miak nengan tangmu, idi Ui mada' namu ratnan luk belénmu.”

MATIUS 10:19

Kareb muyuh itendeh amé' besara', aleg megagau ratnan kudeng apeh idi anun luk miak belén muyuh; ngaceku kareb ineh miak barén nemuyuh bala luk belén muyuh.

MATIUS 10:20

Ngaceku baken muyuh luk pebala, iamo' Roh Taman muyuh luk pebala lemaba bibir tang muyuh.

LUKAS 12:13

Inan seburur rat arang lun mula' ineh nepebala Neneh, “O Guru, do' ngecuk kinanakku mabpet binaweh luk tican taman kai kuan kai.”

LUKAS 21:15

Ngaceku Ui miak maré bala kuan muyuh idi ileh, luk na miak uen bunu'-bunu' muyuh ngelaya' idi uen ngedaluh.

KEKAMEN RASUL-RASUL 4:8

Idi pangeh ineh Pétrus luk mepanu' ku Roh Meligan nengor baladeh, keburi'neh, “O muyuh lun ngimet idi lun rayeh teh,

KEKAMEN RASUL-RASUL 6:10

Iamo na ideh miak metueh ratnan luk bila Stepanus dengan ileh luk ratnan Roh.

KEKAMEN RASUL-RASUL 7:55

Iamo' Stepanus luk mepanu' ku Roh Meligan netengook déi' langit idi nenier rayeh Allah idi Yésus luk tuped pa tinueh Allah.